Արմեն Ռուստամյան

ՀՅԴ–ն բացառում է. Փաշինյանի մատնանշած պատգամավորն իրենց խմբակցությունից չէ

136
(Թարմացված է 12:17 26.10.2018)
Փաշինյանն անուն չհնչեցրեց, բայց Ռուստամյանը բացառում է, որ նրա մատնանշած պատգամավորը ՀՅԴ խմբակցությունից լինի։

ԵՐԵՎԱՆ, 26 հոկտեմբերի — Sputnik. ՀՀ վարչապետի պաշտոնակատար Նիկոլ Փաշինյանի մատնանշած պատգամավորը, որի դեմ քրեական գործ է հարուցվել, ՀՅԴ-ից չէ։ Այսօր ճեպազրույցում լրագրողներին ասաց խմբակցության ղեկավար Արմեն Ռուստամյանը։

Հոկտեմբերի 24-ին ՀՀ վարչապետի պաշտոնակատար Նիկոլ Փաշինյանն ԱԺ-ում հայտարարեց, որ խորհրդարանի պատգամավորներից մեկի դեմ քրեական գործ է հարուցվել կաշառքի փաստով։

«Վարչապետը հենց ինքը խուսափեց անուն տալուց, ես որևէ անվան մասին չեմ կարող հայտարարություն անել, որովհետև չեմ տիրապետում ընթացքին»,- ասաց Ռուստամյանը։

Նա ընդգծեց, որ մի կողմից կառավարությունը հայտարարում է, թե չի միջամտում դատական գործերին, բայց վարչապետի պաշտոնակատարն ամբողջությամբ տիրապետում է, թե ինչ է այնտեղ տեղի ունենում։

«Եթե վերանանք այն հարցից` ինչու վարչապետն ինքն այս հարցով հանդես եկավ, սա պետք է բնականոն գործընթաց լինի, որ որևէ պատգամավոր չմտածի, թե ինքը անձեռնմխելիությամբ պատսպարված է։ Եթե ներկայացվի համապատասխան տեղեկություն, ունենանք համոզում, որ դա ճիշտ է, երբեք չենք խոչընդոտել ու հիմա էլ չենք խոչընդոտի, որ քննությունը իրականացվի», — ասաց նա։

Դիտարկմանը՝ բացառո՞ւմ է, որ այդ անձը ՀՅԴ-ից է, Ռուստամյանն ասաց. «Միանշանակ։ Այդպիսի գործընթաց չկա և չի կարող լինել։ Եթե լիներ, մենք վաղուց կիմանայինք»:

Նշենք, որ մամուլում շրջանառվում է բնապահպանության նախկին նախարար, այժմ ԱԺ ՀՀԿ խմբակցության պատգամավոր Արամ Հարությունյանի (Բուլկի Արամի) անունը։

136
Ըստ թեմայի
ՊԵԿ պաշտոնյաները կալանավորվել են 1 մլն դրամ կաշառք վերցնելու մեղադրանքով. մանրամասներ
Փաշինյանը սթրես է ապրում. նա խոսեց ՀՀԿ–ի ռևանշների, կաշառք վերցնողների ու Սյունիքի մասին
Նոր Հայաստանում կաշառք պահանջել կարող է միայն ստահակը. Նիկոլ Փաշինյան
ՀՀ-ում «փայ չեն մտնի», «նալոգներ չեն դնի», կաշառք ու այլ պրոբլեմներ չեն լինի․ Փաշինյան
Очередь

Ի՞նչ պետք է իմանան ՀՀ քաղաքացիները, որոնց անձնագրի վավերականության ժամկետը լրացել է

0
Ավելի քան 20 օր է` անձնագրային և վիզաների վարչության ու ենթակա տարածքային, ինչպես և ճանապարհային ոստիկանության հաշվառման-քննական ստորաբաժանումները չեն գործում։

ԵՐԵՎԱՆ, 7 հուլիսի – Sputnik. ՀՀ քաղաքացիների անձը հաստատող փաստաթղթերը, որոնց վավերականության ժամկետը լրացել է արտակարգ դրության ժամանակ, վավեր կհամարվեն ՀՀ պարետի ցուցումով։ Տեղեկությունը հայտնում է ՀՀ ոստիկանության մամուլի ծառայությունը։

«Կորոնավիրուսով պայմանավորված արտակարգ դրության պայմաններում կիրառվող սահմանափակումների պատճառով, մարտի 16-ից մինչև արտակարգ դրության ավարտը ՀՀ քաղաքացիների անձը հաստատող փաստաթղթերի վավերականության ժամկետը լրանալու պարագայում՝ ՀՀ պարետի ցուցումով անձը հաստատող փաստաթղթերը կհամարվեն վավեր, սակայն ոչ ավելի՝ քան արտակարգ դրության ավարտից հետո 30-րդ օրը»,– նշված է հաղորդագրության մեջ։

Հիշեցնենք, որ հունիսի 15-ից անձնագրային և վիզաների վարչության ու ենթակա տարածքային, ինչպես և ճանապարհային ոստիկանության հաշվառման-քննական ստորաբաժանումները չեն գործում։ 

Հայաստանում մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երեկ ՀՀ վարչապետ Նիկոլ Փաշինյանը հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։

0
Անդրեյ Պյատախին

«Դա վատ նշան է». Beeline–ի տնօրենն ասաց` տեղական շուկայում աշխատելն օրեցօր դժվարանում է

3
(Թարմացված է 13:05 07.07.2020)
Beeline ապրանքանիշի սեփականատեր «Վեոն Արմենիա» ընկերության գլխավոր տնօրեն Անդրեյ Պյատախինը Sputnik Արմենիային պատմել է, թե ինչու են վատ ընկերության գործերը հայաստանյան շուկայում:

ԵՐԵՎԱՆ, 7 հուլիսի –Sputnik. Beeline–ը հայաստանյան շուկայում աշխատում է շահույթով, որը, սակայն, անընդհատ նվազում է: Այս մասին այսօր Sputnik Արմենիայի հետ զրույցում հայտնեց Beeline ապրանքանիշի սեփականատեր, «Վեոն Արմենիա» ընկերության գլխավոր տնօրեն Անդրեյ Պյատախինը:

Նրա խոսքով` իր խնդիրների մեծ մասն ընկերությունը լուծում է, բայց տեղական շուկայում աշխատելն օրեցօր ավելի է դժվարանում: Մեկ բաժանորդից ստացվող եկամուտն ավանդաբար ցածր է ու շարունակում է նվազել:

«Անդառնալիորեն նվազում է ձայնային ծառայություններից օգտվողների թիվը, դրանց փոխարեն բաժանորդները նախընտրում են ինտերնետ զանգեր կատարել, հատկապես՝ արտասահման զանգելու դեպքում: Դա վատ նշան է, բայց սա հատուկ է այսօր բոլոր շուկաներին»,- ասաց Պյատախինը:

«Վեոն Արմենիայի» նկատմամբ ընկերությունների հետաքրքրությունը, տնօրենի խոսքով, հիմնականում պայմանավորված է կաբելային կապի առկայությամբ, ինչը բավական հեշտացնում է 5G կապ ստեղծելու հնարավորությունը: Հարցին, թե ինչու ընկերությունն ինքը չի օգտվում այդ հնարավորությունից, այլ որոշել է վաճառել այն ուրիշին, Պյատախինը նշեց, որ այդ հարցը որոշվել է ընկերության՝ Ամստերդամում գտնվող գլխադասային գրասենյակում:

Իսկ իր ապագա ծրագրերի, Հայաստանում մնալ-չմնալու ու այլ ընկերություն տեղափոխվելու մասին հարցերին Անդրեյ Պյատախինը պատասխանեց կարճ, բայց հայերենով.

«Միայն Աստված գիտի»:

Հունիսի 8-ին «ՎԵՈՆ» ընկերության կենտրոնակայանը տեղեկություն էր տարածել, որ Ucom ընկերության նախկին մենեջերներ Հայկ և Ալեքսանդր Եսայան եղբայրները բանակցություններ են վարում «Վեոն Արմենիա» (Beeline ապրանքանիշ) ընկերությունը գնելու շուրջ։

Ucom-ի համար պատրաստ են ավելի քան 34 մլրդ դրամ վճարել. Եսայանների վերջնական առաջարկը

Մի քանի ամիս առաջ Եսայան եղբայրները լքեցին Ucom–ը և հիմնադրեցին «Թիմ» ընկերությունը։ Sputnik Արմենիայի հետ զրույցում ընկերության հաղորդակցության բաժնի ղեկավար Աշոտ Բարսեղյանը նշել էր, որ ընկերությունն արդեն հայտ է ներկայացրել Տնտեսական մրցակցության պաշտպանության պետական հանձնաժողով։ Հանձնաժողովը պետք է եզրակացնի՝ արդյո՞ք այդ գործարքը և նոր օպերատորի ի հայտ գալը չեն խախտի շուկայական մրցակցությունը։

Հիշեցնենք, որ արդեն մի քանի ամիս է, ինչ «ՎԵՈՆ»-ը բանակցություններ է վարում իր հայաստանյան ընկերության վաճառքի վերաբերյալ։

Ավելի վաղ նրանց հետ բանակցությունների մեջ էր Ucom (որն այն ժամանակ Եսայաններն էին ղեկավարում)։

Բայց այնուհետև լուրեր տարածվեցին, որ Ucom-ի մենեջեր են նշանակելու «Վեոն Արմենիայի» գլխավոր տնօրեն Անդրեյ Պյատախինին։

«Յուքոմը» բացահայտել է «Բիլայնի» գնման գաղտնիքները. ի՞նչ են պայմանավորվել Եսայանները

3
թեգերը:
բջջային, Հայաստան, UCom ընկերությունը, Beeline Armenia
Ըստ թեմայի
Beeline-ը վերականգնել է տերմինալների միջոցով վճարում կատարելու հնարավորությունը
Ucom-ի և Beeline-ի միավորման վերաբերյալ որոշում ՏՄՊՊՀ-ն դեռ չունի
Ucom-ը չի գնի Beeline–ը. քննարկումները դադարեցվել են