Տիգրան Սարգսյան

Տիգրան Սարգսյանը խոսեց ԵԱՏՄ–ի նոր ու հեռանկարային գործընկերոջ մասին

47
Եգիպտոսի հետ բանակցություններ են ընթանում ազատ առևտրի գոտու մասին, և շուտով տեղի կունենա գործարար համաժողով։

ԵՐԵՎԱՆ, 23 հոկտեմբերի — Sputnik. Եվրասիական միությունը նոր հեռանկարային գործընկեր կունենա` Եգիպտոսը։ «Եվրասիական շաբաթ 2018» միջազգային տնտեսական համաժողովի ընթացքում այս մասին հայտնեց Եվրասիական տնտեսական հանձնաժողովի կոլեգիայի նախագահ Տիգրան Սարգսյանը։

ԵԱՏՄ-ն Եգիպտոսի հետ բանակցություններ է վարում ազատ առևտրի համաձայնագրի մասին։ Սարգսյանի խոսքով` Վիետնամից հետո Եգիպտոսը կլինի խոշոր շուկայի երկրորդ օրինակը, որի հետ կարելի է և պետք է համագործակցել։

Նա նշեց, որ ռուսական բիզնեսը հետաքրքրված է Եգիպտոսի արդյունաբերական գոտիներով և ԵԱՏՄ մյուս երկրների արդյունաբերողներին խորհուրդ տվեց հետևել այդ օրինակին։

«Անցած շաբաթ հանդիպել եմ Եգիպտոսի նախագահի հետ։ Նա առաջարկեց կազմակերպել գործարար համաժողով։ Մենք, իհարկե, կողմ ենք այդ գաղափարին», — ասաց Սարգսյանը։

Ինչպես նշեց ԵԱՏՀ նախագահը, տվյալ պահին հետաքրքիր բանավեճ է ընթանում ապագա համաձայնագրի վերաբերյալ, մասնավորապես, որոշ ապրանքային խմբերի մաքսատուրքերի հարցում։

«Եվ այստեղ պետք է զգալ բիզնեսի ոգին։ Պետք է տեսնել` եգիպտական շուկայում որ նախագծերն առաջնահերթ կլինեն մեր ձեռներեցների համար», — ասաց Սարգսյանը։

Սարգսյանը նշեց, որ գործարար համաժողովը կօգնի պատասխանել այդ հարցերին։

47
թեգերը:
Եվրասիական Տնտեսական Միություն (ԵԱՏՄ), Հայաստան
թեմա:
«Եվրասիական շաբաթ» համաժողով (11)
Ըստ թեմայի
ԵԱՏՄ ներուժը մինչև վերջ օգտագործված չէ. Արա Աբրահամյան
ԵԱՏՄ բիզնեսը պետք է մտածի Իրանի հետ համագործակցության մասին․ Մհեր Գրիգորյան
Հայաստանը ԵԱՏՄ-ում ցուցադրում է մակրոտնտեսական բարձր ցուցանիշներ․ Լիսովոլիկ
ԵԱՏՄ–ն մտադիր է դուրս գալ համաշխարհային շուկա` եվրոպական ճանաչելի բրենդերով. Սարգսյան
Հայաստանում վերաձևումներն իրականացվում են ԵԱՏՄ գործակցության փաստը հաշվի առնելով. Փաշինյան