ԵՐԵՎԱՆ, 19 հոկտեմբերի — Sputnik. ՀՀ ազգային ժողովի պատգամավորներն անցկացրին ժամանակավոր հանձնաժողովի առաջին նիստը։ Այս հանձնաժողովի նպատակը գազի և էլեկտրաէներգիայի գների վերլուծությունն է լինելու։
Միայն հաջորդ նիստում նրանք կհաստատեն, թե որ գերատեսչությանը ինչ տեղեկության համար պետք է դիմեն։
Հանրային ծառայությունները կարգավորող ծառայությանը կդիմեն գազի գնագոյացման տվյալների համար, իսկ «Գազպրոմ Արմենիային»` ցանցի սպասարկման ծախսերի մանրամասն տվյալների համար։
Նշենք` նմանատիպ հանձնաժողով, բայց կառավարության մակարդակով, ստեղծվել էր դեռ հունիսին, բայց այդ հանձնաժողովը մինչև հիմա որևէ վերլուծություն կամ եզրակացություն չի ներկայացրել։
Հիշեցնենք, որ Հայաստանի շարքային սպառողը գազի դիմաց վճարում է 290 դոլար, ոչ ապահով խավերը` 80 դոլար, իսկ 10 000 խմ-ից շատ սպառող խոշոր բաժանորդները վճարում են 242 դոլար, ջերմոցային ու վերամշակող ընկերությունները` 212 դոլար։