ԵՐԵՎԱՆ, 17 հոկտեմբերի — Sputnik. ՀՀ վարչապետի պաշտոնակատար Նիկոլ Փաշինյանն այսօր՝ հոկտեմբերի 17-ին, ներկայացրեց ՀՀ տնտեսական զարգացման և ներդրումների նախարարի պաշտոնակատար Տիգրան Խաչատրյանին։
Նախկին նախարար Արծվիկ Մինասյանը շնորհավորեց Տիգրան Խաչատրյանին և առողջություն և պաշտոնավարման երկար ժամկետ մաղթեց նրան։
«Մեզ բոլորիս հաջողություն եմ մաղթում և համոզված եմ՝ մեզնից յուրաքանչյուրն իրենից կախված առավելագույնը կանի՝ մեր առջև դրված խնդիրները լուծելու համար»,- ասաց Փաշինյանը։
Տիգրան Խաչատրյանը ՀՀ տնտեսական զարգացման և ներդրումների նախարար է նշանակվել հոկտեմբերի 16-ին։ Դեռևս 2016 թվականի հոկտեմբերին նա ՀՀ վարչապետ Կարեն Կարապետյանի որոշմամբ նշանակել էր ՀՀ տնտեսական զարգացման և ներդրումների նախարարի տեղակալ: