Արմեն Սարգսյան

«Շատ հաճելի ընթրեցինք». Արմեն Սարգսյանը՝ Մոսկվայում Լավրովի հետ հանդիպման մասին

571
(Թարմացված է 14:46 13.10.2018)
Հայաստանի նախագահ Արմեն Սարգսյանը մեկնաբանել է իր անսպասելի այցը Մոսկվա:

ԵՐԵՎԱՆ, 13 հոկտեմբերի – Sputnik. Հայաստանի նախագահ Արմեն Սարգսյանը գոհ է Մոսկվա կատարած իր այցից և այնտեղ անցկացրած հանդիպումներից: Այդ մասին նա ասաց հոկտեմբերի 13-ին, Երևանի քաղաքապետի երդմնակալության արարողությունից հետո լրագրողների հետ զրույցում:

Շաբաթվա սկզբին Սարգսյանի՝ Մոսկվա կատարած այցի մասին հայտնի է դարձել «Կոմերսանտ» թերթի հրապարակումից հետո: Թերթի տեղեկություններով՝ այս շաբաթվա սկզբին Մոսկվայում Հայաստանի նախագահ Արմեն Սարգսյանը հանդիպել է ՌԴ ԱԳՆ ղեկավար Սերգեյ Լավրովի և նրա տեղակալ Գրիգորի Կարասինի հետ:

Ռուսաստանի պետական կառույցներում, «Ъ»-ի զրուցակիցների խոսքով, բանակցությունների կենտրոնում եղել են հայ-ռուսական հարաբերությունները, իրավիճակը հանրապետությունում հնարավոր խորհրդարանական ընտրություններից հետո և ՀԱՊԿ շուրջ ստեղծված իրավիճակը, որի ներկայացուցիչ Յուրի Խաչատուրովի նկատմամբ նոր իշխանությունների հարուցել են քրեական գործ:

«Մենք շատ հաճելի ընթրիք ենք ունեցել», - լրագրողներին ասաց Սարգսյանը՝ պատասխանելով Լավրովի և Կարասինի հետ հանդիպման մասին հարցին:

Նախագահը այլ մանրամասներ չի հաղորդել:

Ամենայն հավանականությամբ, Սարգսյանը Մոսկվա է մեկնել Նյու Յորք կատարած այցից հետո: ԱՄՆ-ում նա աշխատանքային այցով էր: Նյու Յորքում Սարգսյանը մասնակցել է Արևելք-Արևմուտք ինստիտուտի մրցանակի հանձնման ամենամյա արարողությանը:

 

571
թեգերը:
Ռուսաստան, Հայաստան, Արմեն Սարգսյան
թեմա:
Հայաստանի Հանրապետության 4-րդ նախագահը (62)
Ըստ թեմայի
Սարգսյանը մեկնել է ԱՄՆ. նախագահն այնտեղ մրցանակ կստանա
Արմեն Սարգսյանը հորդորում է լինել զուսպ և հանդուրժողական միմյանց հանդեպ
Հայաստանը նոր նախարարներ ունի. Սարգսյանը ստորագրեց հրամանագրերը
Սարգսյանը Հայաստան է հրավիրել Հենրի Քիսինջերին