Հայկ Մարության

Սա իրական երդում է ձեր և Աստծո առաջ. Հայկ Մարությանը երդվեց և խոստացավ շենացնել Երևանը

229
Երևանի նորընտիր քաղաքապետը երդվեց ու անցավ իր պարտականությունների կատարմանը։

ԵՐԵՎԱՆ, 13 հոկտեմբերի — Sputnik. Երևանի ավագանու հանդիսավոր նիստում քիչ առաջ տեղի ունեցավ նորընտիր քաղաքապետ Հայկ Մարությանի երդմնակալության արարողությունը:

Քաղաքապետի երդմնակալությանը մասնակցում են Հայաստանի Հանրապետության նախագահ Արմեն Սարգսյանը, ՀՀ վարչապետ Նիկոլ Փաշինյանը, բարձրաստիճան պաշտոնյաներ, Երևանի պատվավոր քաղաքացիներ, պետական, հասարակական, քաղաքական, մշակութային գործիչներ:

Երդման ընթացքում նորընտիր քաղաքապետը խոստացավ պահպանել Սահմանադրությունը, օրենքները, Երևանի ավագանու որոշումները, ազնվորեն կատարել քաղաքապետի գործը, հոգ տանել հնագույն մայրաքաղաքի փառքի պահպանման և բազմապատկման համար։

«Ես սիրում եմ մեր Երևանը, ես խենթանում եմ մեր քաղաքի համար։ Սիրում եմ առավոտվա թաց ասֆալտի հոտը, դասի ու աշխատանքի շտապող, ընդմիջման ժամերին քաղցած ու աշխույժ Երևանը, աշխատանքից տուն գնալուց հոգնած, բայց գոհ Երևանը։ Երեկոյան այգիներում ու բակերում օրվա եղածը քննարկող Երևանը։ Երեկոյան զույգերով ու երեխաներով լեցուն ուրախ Երևանը։ Այսքանից հետո ինչ մարդ պետք է լինի, որ դավաճանի Երևանը։ Շնորհակալ եմ վստահության համար։ Համաձայն եմ ամեն բառի հետ, որ հնչեց իմ երդման խոսքում, դա արարողակարգային ընթերցում չէր, այլ իրական երդում էր ձեր և Աստծո առաջ»,–ասաց Հայկ Մարությանը։

Համաձայն Երեւանի ավագանու կանոնակարգի 125-րդ կետի՝ Երևանի քաղաքապետի երդման ստորագրված տեքստն ի պահ հանձնվեց Երեւան քաղաքի թանգարանին: Երևանի, ավագանու անդամ Արթուր Իսպիրյանն ու Երևանի պատվավոր քաղաքացի Տիգրան Մանսուրյանը Երևանի քաղաքապետի խորհրդանիշ հանդիսացող լանջաշղթան`հայոց տասներկու մայրաքաղաքաների անվանատառերով, հանձնեցին նորընտիր քաղաքապետին:

229
թեմա:
Երևանի ավագանու ընտրություններ 2018 (109)
Ըստ թեմայի
Երևանի ավագանու արտահերթ ընտրությունների վերջնական պատկերը. ներկայացնում է ԿԸՀ–ն
Ավագանու ԲՀԿ անդամներն առաջարկում են անցնել հեծանիվների
Ի՞նչ գիտենք Երևանի նոր քաղաքապետ Հայկ Մարությանի մասին. ԱԱԾ–ն ու չեխ կինը
Ո՞րը պետք է լինի Հայկ Մարությանի առաջին քայլը, կամ ինչպե՞ս խուսափել պառակտումից
Գագիկ Ծառուկյանն ընդունում է Հայկ Մարությանի հաղթանակը
Հայկ Մարությանի երդմնակալությունը կկայանա Երևանի քաղաքապետարանում
Երևանի ավագանու թեկնածուներից 6-ը հրաժարվեցին մանդատից. ովքե՞ր են նրանք
Կառավարության նիստ, արխիվային լուսանկար

ՀՀ կառավարությունն արտահերթ նիստ կանցկացնի

2
(Թարմացված է 14:16 11.08.2020)
Գործադիր մարմինը պատրաստվում փոփոխություններ ու լրացումներ կատարել նախկին որոշման մեջ։

ԵՐԵՎԱՆ, 11 օգոստոսի – Sputnik. ՀՀ կառավարությունը վաղը` օգոստոսի 11-ին, արտահերթ նիստ կգումարի։ Հրապարակված օրակարգում այս պահին մեկ որոշման նախագիծ է` «2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացումներ կատարելու մասին» որոշման նախագիծը։

Թե ինչ փոփոխություններ է նախատեսվում գործադիրը արտակարգ դրության հերթական` 7-րդ ամսվա համար, առայժմ հայտնի չէ։ Որոշման նախագծի ամբողջական տարբերակը կառավարության պաշտոնական կայքում դեռ հրապարակված չէ։

Հիշեցնենք` ՀՀ փոխվարչապետ, պարետ Տիգրան Ավինյանն օգոստոսի 5-ին պարետատան նիստից հետո կայացած ճեպազրույցում հայտնեց, որ Հայաստանում արտակարգ դրության ռեժիմն օգոստոսի 12-ին կերկարաձգվի ևս մեկ ամսով։

Միաժամանակ նա տեղեկացրեց, որ մի շարք արգելքներ կմեղմացվեն, օրինակ`օտարերկրյա քաղաքացիների մուտքի, ապրանքների արտահանման, հանրահավաքներ ու հանրային միջոցառումներ անցկացնելու արգելքը։

Կորոնավիրուսի համաշխարհային համավարակի պատճառով Հայաստանում արտակարգ դրություն է հայտարարվել է մարտի 16-ին, հետագա ամիսներին 5 անգամ երկարաձգվել է։

Վերջին անգամ արտակարգ դրության ռեժիմը երկարացնելու որոշումն ընդունվել է հուլիսի 13-ին և կավարտվի օգոստոսի 12-ին։

2
թեգերը:
Արտակարգ դրություն, արտահերթ նիստ, կառավարություն, Հայաստան
Մարտի 1-ի գործով դատական նիստ, արխիվային լուսանկար

Մարտի 1-ի գործով դատը հետաձգվեց մինչև սեպտեմբեր. տուժող կողմը միտում է տեսնում

26
(Թարմացված է 14:11 11.08.2020)
Դատարանում արձակուրդային տրամադրություն է։ Նախկին պաշտոնյաների պաշտպանները բացակայում են նիստից կամ գնում  արձակուրդ։

ԵՐԵՎԱՆ, 11 օգոստոսի - Sputnik. Մարտի 1-ի գործով հերթական դատական նիստն այսօր չկայացավ։ Հաջորդ նիստը նշանակվեց սեպտեմբերին։ Նախկին պաշտոնյա ամբաստանյալների պաշտպաններից ոմանք դատական նիստին չէին ներկայացել։

ՀՀ ԶՈՒ ԳՇ նախկին պետ Յուրի Խաչատուրովի պաշտպան Միհրան Պողոսյանը դատարանին դիմում էր ներկայացրել, որտեղ իր բացակայության պատճառը մեկնաբանել էր հանկարծակի ծագած խնդրով։

ՀՀ նախկին փոխվարչապետ Արմեն Գևորգյանի պաշտպան Վարդգես Գևորգյանն էլ  իր դիմումում նշել  էր, որ դադարեցնում է Գևորգյանին փաստաբանական ծառայություններ մատուցելը։

Գևորգյանի մյուս պաշտպանը` Էրիկ Ալեքսանյանն էլ օգոստոսի 12-ից մինչև սեպտեմբերի 1-ը մեկնում է արձակուրդ ու դատարանին խնդրել է հետաձգել դատական նիստերը։

Նիստը հետաձգելու միջնորդությունները տուժող կողմը «ակնհայտ պայմանավորվածություն» որակեց` դրանցում դատավարությունն անհարկի ձգձգելու միտում տեսնելով։

«Մի պաշտպանի նիստին չներկայանալը, մյուսի արձակուրդ գնալը, էն մյուս պաշտպանի դիմում  ներկայացնելը, որ իր հետ ինչ–որ հանկարծակի բաներ են կատարվել, այս ամենը խոսում է այն բանի մասին, որ կուլիսների հետևում ինչ–որ բաներ են կատարվում, և մենք պարբերաբար ունենալու ենք այսպիսի անհարկի ձգձգումներ»,– ասաց տուժողի շահերի պաշտպան Սեդա Սաֆարյանը։

Ինչպե՞ս կարող էի Քոչարյանի հետ պայմանավորվել, որ սահմանադրական կարգը տապալենք․ Խաչատուրով

Իր պաշտպանի արձակուրդ գնալու մասին դիտարկմանն արձագանքելով` Արմեն Գևորգյանը նշեց. «Բոլորն էլ արձակուրդ գնալու իրավունք ունեն»։

ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն էլ, արձագանքելով Սեդա Սաֆարյանին, հիշեցրեց, որ երբ նիստերը հետաձգվում էին դատավոր Աննա Դանիբեկյանի բացակայության ու արձակուրդում լինելու պատճառով, տուժող կողմն այդ փաստով որևէ հայտարարություն չէր անում։

Այդուհանդերձ, չնայած տուժող կողմի ակնհայտ դժգոհությանը, դատարանը բավարարեց ամբաստանյալների պաշտպանների դիմումներն ու դատական հաջորդ նիստը նշանակեց սեպտեմբերի 8-ին։

Հիշեցնենք, որ սահմանադրական կարգի ենթադրյալ տապալման գործով քննությունը Երևանի ընդհանուր իրավասության դատարանում մեկնարկել էր շուրջ 1 տարի առաջ 2019թ–ի մայիսի 15-ին։

Այս գործով ամբաստանյալներն են ՀՀ երկրորդ նախագահ Ռոբերտ Քոչարյանը, ՀՀ պաշտպանության նախկին նախարար Սեյրան Օհանյանը, նախկին փոխվարչապետ Արմեն Գևորգյանը և ՀԱՊԿ նախկին գլխավոր քարտուղար Յուրի Խաչատուրովը։

 

26
թեգերը:
պաշտպան, Յուրի Խաչատուրով, Ռոբերտ Քոչարյան, Սեյրան Օհանյան, Արմեն Գևորգյան, միջնորդություն, Դատավոր, Դատարան, Մարտի 1
թեմա:
«Մարտի 1»-ի գործը
Ըստ թեմայի
Նիկոլ Փաշինյանը հարգանքի տուրք է մատուցել Մարտի 1-ի զոհերի հիշատակին
«Մարտի 1»-ի տուժողը դատարանում չի տեսնում իրական մեղավորներին և պահանջում է փոխհատուցում
«Մարտի 1»–ի գործով ձերբակալված Վահագն Հարությունյանին ազատ են արձակել ՌԴ–ում
Սեյրան Օհանյանի պաշտպանն առաջարկում է հետաձգել «Մարտի 1»-ի դատաքննությունը. որն է պատճառը