ԵՐԵՎԱՆ, 10 հոկտեմբերի — Sputnik. Հերթական մարդահամարը Հայաստանում տեղի կունենա 2020 թվականի հոկտեմբերին։ Համապատասխան որոշումը կայացվել է այսօր կառավարության նիստի ժամանակ։
18 սեպտեմբերի 2018, 15:35
«Մարդահամար անցկացնել 2020 թվականի հոկտեմբերի 18–ից 27–ը», – նշվում է գործադիրի որոշման մեջ։
Օրինագիծը ներկայացրել է Հայաստանի Ազգային վիճակագրական ծառայության ղեկավար Ստեփան Մնացականյանը։
Միաժամանակ գործադիրը որոշել է 2019 թվականի հոկտեմբերի 3-12–ը «փորձնական» մարդահամար անցկացնել Շիրակի մարզի Արթիկի քաղաքում և Կոտայքի մարզի Արամուս, Ակունք, Կամարիս ու Մայակովսկի գյուղերում։
Ավելի վաղ Հայաստանում համընդհանուր մարդահամարներ են անցկացվել 2001 ու 2011 թվականներին։
