Հանրակացարան

Ինչպես լուծել փախստականների բնակարանային խնդիրը. ՀՀ իշխանությունը տարբերակներ է մշակում

71
Փախստականներին բնակարանով ապահովելու խնդիրը Հայաստանի նոր կառավարության առաջնահերթություններից է, վստահեցնում է միգրացիոն ծառայության պետ Արմեն Ղազարյանը։

ԵՐԵՎԱՆ, 9 հոկտեմբերի — Sputnik. Հայաստանի կառավարությունը փախստականների բնակարանային հարցի խնդրի լուծման մի քանի տարբերակ է դիտարկում, այդ թվում` սոցիալական վարկերի տրամադրման միջոցով։ Այս մասին այսօր մամուլի ասուլիսի ժամանակ ասաց Պետական միգրացիոն ծառայության պետ Արմեն Ղազարյանը։

Ծառայության պետը նշեց, որ վերջին տասնամյակի ընթացքում իշխանություններն այդպես էլ չկատարեցին իրենց պարտականությունները Ադրբեջանից փախած 895 ընտանիքին բնակավայր տրամադրելու վերաբերյալ։ Այդ ընտանիքներից 641–ը հիմա Երևանում է բնակվում, իսկ 254` մարզերում։

«Փախստականների մի մասն արդեն Հայաստանի քաղաքացիություն է ստացել, սակայն կառավարության պարտավորությունները դեռ ուժի մեջ են. 78 ընտանիք շատ վատ պայմաններում են ապրում», – ասաց Ղազարյանը։

Բնակարանային խնդիր ունեն նաև փախստականները Սիրիայից։ Բայց բանն այն է, որ սիրիահայերից շատերը հեշտացված տարբերակով են Հայաստանի քաղաքացիություն ստացել` Հալեպում ու Դամասկոսում դիվանագիտական ներկայացուցչություններում։ Նրանք Հայաստան են եկել ոչ թե փախստականի, այլև երկրի քաղաքացու կարգավիճակով, ինչն իրավական տեսակետից հեշտացրել է բնակարանային հարցի լուծումը։

«Բյուջեում կա մի կետ, ըստ որի նրանց վարձակալած տան համար 60 հազար դրամի չափով փոխհատուցում են տալիս։ 22 դեպքում փոխհատուցումն արդեն տրամադրվում է», – նշեց Ղազարյանը։

Նա ավելացրեց, որ այդ գումարը տրամադրվում է ինը ամիս շարունակ։

Ավելի վաղ Ղազարյանն ասել էր, որ Հայաստանը մոտ 400 հազար փախստական է ընդունել Ադրբեջանից, նրանց մեծ մասը բարեհաջող ինտեգրվել է հայ հասարակության մեջ։

Ինչ վերաբերում է Սիրիայից  եկած փախստականներին, ապա ՀՀ ԱԳՆ տվյալներով` հանրապետությունն արդեն ապաստան է տրամադրել ավելի քան 22 հազար քաղաքացու` սիրիացի փախստականներին հյուրընկալելու հարցում դառնալով 3–րդը Եվրոպայում` բնակության թվի համեմատ։

71
թեգերը:
Հայաստան
Ըստ թեմայի
ԵՄ երկրներ փախստականների ընդունման պարտադիր քվոտաներ չեն լինելու
Դեր Զորի փախստականների ճամբարում որոտած պայթյունն մոտ 100 մարդու մահվան պատճառ է դարձել
Փախստականների 30-ամյա խնդիրը. Նիկոլ Փաշինյանին են ուղղված հարյուր հազարավոր հայացքներ
Ալավերդյան. «Փախստականների ժառանգները ո՛չ սոցիալական, ո՛չ խոցելի խմբի կարգավիճակ չունեն»
Ինչպե՞ս է իրականանում «Մեծ հայկական երազանքը» Սիրիայի փախստականների համար. ասուլիս