ԵՐԵՎԱՆ, 4 հոկտեմբերի — Sputnik. ՀՀ կառավարությունն այսօր կայացրեց որոշում, որով հստակեցրեց, թե այսուհետ որ ընկերությունն է պատասխանատու վարչապետի նստավայրի` Բաղրամյան 26-ի ու 24-ի շենքերի ու հարակից տարածքների սպասարկման ու շահագործման համար:
21 սեպտեմբերի 2018, 18:45
Այդ գործառույթներն այսուհետ կիրականացնի վարչապետի աշխատակազմին ենթակա «Սպասարկում» պետական ոչ առևտրային կազմակերպությունը:
Բանն այն է, որ 2002թ.-ից ի վեր դրանով զբաղվում էր «Կոնդի առանձնատների տնտեսություն» պետական ոչ առևտրային կազմակերպությունը, որն այսուհետ` նույն որոշմամբ, զբաղվելու է բացառապես ՀՀ բարձրաստիճան պաշտոնատար անձանց Կոնդում գտնվող գերատեսչական առանձնատների սպասարկմամբ ու շահագործմամբ:
