Ընտրություններ

Ինչո՞ւ է կինը քվեախցիկ մտել ամուսնու հետ. ՔԿ–ն գնացել է ընտրախախտումների հետքերով

90
Քննչական կոմիտեն ուսումնասիրում է 23 ընտրախախտումների մասին ահազանգերն ու հաղորդումները:

ԵՐԵՎԱՆ, 24 սեպտեմբերի — Sputnik. ՀՀ քննչական կոմիտեի վարույթում գտնվող ընտրախախտում պարունակող նյութերից 16-ը վերաբերում են կրկնակի քվեարկության փորձին, 7-ը՝ քվեարկության գաղտնիությունը խախտելուն: Այս մասին հայտնում է ՀՀ քննչական կոմիտեն:

Երևան քաղաքի վարչական շրջանների քննչական բաժիններում 2018թ. սեպտեմբերի 23-ին՝ ժամը 24-ի դրությամբ, ստացվել է 24 հաղորդում-ահազանգ՝ Երևանի ավագանու արտահերթ ընտրությունների ընթացքում արձանագրված ընտրախախտումների վերաբերյալ:

7 դեպքում քաղաքացիները քվեարկությանը մասնակցելուց հետո սոցիալական ցանցերի իրենց էջում հրապարակել են իրենց քվեաթերթիկը, մասնակից կուսակցություններից մեկի ներկայացուցիչն էլ զանգահարել է քաղաքացուն և հետաքրքրվել, թե ում օգտին է քվեարկել:

Հաջորդ դեպքով 7/10 ընտրատեղամասից ահազանգ է ստացվել, որ քվեարկությանը մասնակցող քաղաքացին նկարել է քվեաթերթիկը:

Այս դեպքերով նյութեր են նախապատրաստվում:

Քվեարկության գաղտնիությունը խախտելու դեպքով քննության է առնվել «Hetq.am» կայքում հրապարակված՝ «2/46 տեղամասի քվեախցիկին նայող տեսախցիկ կա» և «Վիճաբանություն 10/22 ընտրատեղամասում. կինն ամուսնու հետ մտել է քվեախցիկ» վերտառությամբ հոդվածները:

Տեսախցիկի ահազանգի հետքերով գնացած իրավապահները պարզել են, որ այն փակված-ծածկված է թղթով և կպչուն ժապավենով և միացված չէ սնուցման համակարգին:

Իսկ ամուսնու հետ քվեախցիկ մտած կնոջ դեպքի վերաբերյալ պարզվել է, որ ամուսինը 80-85 տարեկան է, կինը՝ մոտ 70: Ընտրատեղամասում ծառայություն իրականացնող ոստիկանները բացատրություն են տվել, որ հիշյալ կնոջ կողմից ամուսնուն ընտրելու հետ կապված որևէ խոսակցություն, ուղղորդում չի եղել, և կինը, հնարավոր է, քվեախցիկ է մտել՝ ամուսնուն օգնելու նպատակով:

ՔԿ-ն հայտնում է, որ արձանագրված 16 կրկնակի քվեարկության դեպքերից 3-ը տեխնիկական խնդիրների պատճառով են. 12-ը՝ անուշադրության: Արձանագրված մյուս 2 դեպքով քաղաքացիներն ընտրատեղամաս են ներկայացել երկրորդ անգամ և փորձել մասնակցել քվեարկությանը:

Հիշեցնենք, որ Երևանի ավագանու ընտրություններում հաղթեց «Իմ քայլը» դաշինքը, որին կողմ է քվեարկել ընտրողների 81,06 տոկոսը (294109 ընտրող)։ Երկրորդ տեղում է «Բարգավաճ Հայաստան» կուսակցությունը՝ 6,95 տոկոս արդյունքով (25219)։ Երրորդ հորիզոնականում «Լույս» դաշինքն է՝ 4,99 տոկոս արդյունքով (18112)։ Ընտրությունների մասնակցությունը կազմել է 43,65 տոկոս (370323 ընտրող)։ Այսպիսով՝ «Իմ քայլը» դաշինքի համամասնական ցուցակը գլխավորող Հայկ Մարությանը դարձավ Երևանի նոր քաղաքապետ։ Մարությանը Երևանի քաղաքապետի պաշտոնը կստանձնի հոկտեմբերի 10-ին։
90
թեմա:
Երևանի ավագանու ընտրություններ 2018 (109)
Ըստ թեմայի
Ի՞նչ գիտենք Երևանի նոր քաղաքապետ Հայկ Մարությանի մասին. ԱԱԾ–ն ու չեխ կինը
Ինչպես Նիկոլ Փաշինյանն արձագանքեց Հայկ Մարությանի հաղթանակին
Ձայների հաշվարկն ավարտվեց․ Հայկ Մարությանը Երևանի նոր քաղաքապետն է
Фотографии обломков беспилотника, сбитого подразделениями ПВО Армии обороны

Հայկական ուժերն ադրբեջանական մի քանի անօդաչու են խոցել, այդ թվում՝ կամիկաձե

35
(Թարմացված է 17:45 13.07.2020)
ԱԺ-ի հատուկ նիստում այսօր իրենց ելույթների հիմանական մասը պատգամավորները սկսում էին ոչ թե քննարկվող հարցի, այլ հայ-ադրբեջանական սահմանին առկա իրավիճակին անդրադարձով:

ԵՐԵՎԱՆ, 13 հուլիսի – Sputnik. ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն ԱԺ-ի ամբիոնից հայտարարեց, որ քիչ առաջ տեղեկություն է ստացել ԶՈւ-երի գործողություններից այն մասին, որ հայկական կողմն ադրբեջանական մի քանի ԱԹՍ է խոցել:

«Այս պահի դրությամբ մենք ունենք խոցված ոչ թե մեկ, այլ մի քանի ԱԹՍ, որոնցից մեկը՝ կամիկաձե: Հակառակորդի բոլոր գործողությունները ճնշվել են իրենց տրամաբանության մեջ»,- ասաց Քոչարյանը:

Իսկ ադրբեջանական սադրիչ գործողությունների վերաբերյալ դիվանագիտական գնահատականներն, ըստ նրա, արդեն կախված կլինեն այն բանից, թե որ երկիրն ինչպես կկառուցի իր քաղաքականությունը:

Պաշտպանության և անվտանգության հանձնաժողովի անդամ, պատգամավոր Տիգրան Կարապետյանն էլ իր ելույթում անդրադարձավ քիչ առաջ պաշտոնապես հաստատված տեղեկությանը, որ Ադրբեջանը խոշոր տրամաչափի արկերից ռմբակոծել է Տավուշի մարզի սահմանամերձ Չինարի գյուղը:

«Փաստորեն Ադրբեջանի ռազմաքաղաքական ղեկավարությունը երեկվա ստացած պատասխանից դասեր չի քաղել: Ընտրությունն իրենցն է, պատասխանը լինելու է շատ ցավոտ: Հայկական ԶՈՒ-ն այս ընթացքում ձեռնպահ մնաց Ադրբեջանի բնակավայրերի ուղղությամբ  որևէ արկ արձակելուց: Կրակն ամբողջության ուղղորդված էր ինժեներական կառույցների ու ռազմատեխնիկայի ուղղությամբ» ,- ասաց պատգամավորը՝ հավելելով, որ նման պայմաններում հայկական կողմը ստիպված է լինելու նույն լեզվով խոսել նրանց հետ:

«Հայկական բանակը երկու տարվա մեջ բավականին փոխվել է: Մենք ունակ ենք խոցելու Ադրբեջանի տարածքում գտնվող ցանկացած թիրախ, ցանկացած օբյեկտ»,- ԱԺ ամբիոնից Ադրբեջանին հիշեցրեց Տիգրան Կարապետյանը։

Տարածաշրջանային և եվրասիական ինտեգրման հանձնաժողովի նախագահ Միքայել Մելքումյանն էլ իր ելույթում նշեց, որ հայկական կողմը սպասում է ՀԱՊԿ արձագանքին, քանի որ խոսքը ոչ թե Արցախյան հակամարտության շփման գծի, այլ Հայաստանի սահմանների նկատմամբ իրականացված ոտնձգության մասին է:

«Լուսավոր Հայաստան» խմբակցության ղեկավար Էդմոն Մարուքյանը ևս հայտարարեց, որ անհրաժեշտ պահին ՀՀ հանրությունը ցույց տվեց, որ երկրի ողնաշարն ամուր է, իսկ խորհրդարանական ու դիվանագիտական խողովակները պետք է օգտագործվեն աշխարհին Ադրբեջանի քստմնելի արարքները ի ցույց դնելու ու ռեալ գնահատականներ ստանալու ուղղությամբ:

«Այս առումով բոլորս շատ գործ ունենք անելու՝ թե՛ տեղեկատվական պատերազմի, թե՛ արտաքին քաղաքական բնագավառում»,- ասաց Մարուքյանը:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:
Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Հայկական կողմն ունի 5 վիրավոր, ադրբեջանական կողմը` չորս զոհ։

35
թեգերը:
ԱԺ, Հայաստան, հրետակոծություն, Սահման, հայ-ադրբեջանական, Ադրբեջան
Վարդան Տողանյան, արխիվային լուսանկար

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

4
(Թարմացված է 17:45 13.07.2020)
Ռուսաստանում Հայաստանի դեսպան Վարդան Տողանյանը հույս է հայտնել, որ ՀԱՊԿ-ի խորհուրդը հայ-ադրբեջանական սահմանին տեղի ունեցած միջադեպի թեմայով նիստ կգումարի։

ԵՐԵՎԱՆ, 13 հուլիսի - Sputnik. Պաշտոնական Երևանը հույս ունի, որ Հավաքական անվտանգության մասին պայմանագրի կազմակերպությունը (ՀԱՊԿ) կհայտնի իր դիրքորոշումը հայ-ադրբեջանական սահմանային միջադեպի հետ կապված։ Տեղեկությունը «Говорит Москва» ռադիոկայանին տված հարցազրույցում հայտնել է Ռուսաստանում Հայաստանի դեսպան Վարդան Տողանյանը։

Ավելի վաղ ՀՀ արտգործնախարար Զոհրաբ Մնացականյանը զրուցել էր ՀԱՊԿ գլխավոր քարտուղար Ստանիսլավ Զասի հետ: Նախարարը ՀԱՊԿ գլխավոր քարտուղարին մանրամասն տեղեկություն էր տրամադրել հուլիսի 12-ից Ադրբեջանի զինված ուժերի կողմից ՀՀ Տավուշի մարզի ուղղությամբ հրետանու կիրառմամբ իրականացված հրադադարի խախտումների, հուլիսի 13-ի առավոտյան այդ գործողությունների վերսկսման, ինչպես նաև իրադրության հետագա սրման հետևանքների մասին։

Տողանյանի խոսքով՝ ՀԱՊԿ-ը պարտավոր է արձագանքել, քանի որ «խոսքը փաստացի ՀԱՊԿ անդամ երկրի վրա գործած հարձակման մասին է, այն հատվածի, որը ոչ մի կապ չունի հակամարտության հետ»։ Նա հույս  է հայտնել, որ Կազմակերպության մշտական խորհուրդը այս թեմայի շուրջ նիստ կգումարի։

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:

Արարատ Միրզոյանը դիմել է ՀԱՊԿ անդամ երկրների խորհրդարանների պալատների նախագահներին

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերը։

Հայկական կողմն ունի 5 վիրավոր, ադրբեջանականը` չորս զոհ։

Մնացականյանը Լավրովի հետ է խոսել. քննարկել են հայ–ադրբեջանական սահմանի լարված իրավիճակը

4
թեգերը:
հրետակոծություն, Սահման, հայ-ադրբեջանական, Դեսպան, Ռուսաստան, Վարդան Տողանյան, Հավաքական անվտանգության պայմանագիր կազմակերպություն (ՀԱՊԿ)
Ըստ թեմայի
Ովքե՞ր են ներգրավված հայ–ադրբեջանական սահմանին ծավալված գործողություններում
Դավիթ Տոնոյանը ներկայացրեց՝ ինչ է տեղի ունեցել հայ-ադրբեջանական սահմանին
ՌԴ ԱԳՆ-ն արձագանքել է հայ-ադրբեջանական սահմանին տեղի ունեցող դեպքերին
ՀԱՊԿ–ը հայ–ադրբեջանական սահմանին տիրող իրավիճակի հարցով հրատապ նիստ կանցկացնի