Տիգրան Մուկուչյան

Ընտրողների ստորագրված ցուցակները կհրապարակեն. Մուկուչյան

106
Օրենքով նման պահանջ չկա, բայց ԿԸՀ–ն որոշել է հրապարակել ընտրողների ցուցակները։

ԵՐԵՎԱՆ, 24 սեպտեմբերի — Sputnik. Կենտրոնական ընտրական հանձնաժողովը որոշում է կայացրել՝ սքանավորել և հրապարակել Երևանի ավագանու արտահերթ ընտրություններին մասնակցած ընտրողների ստորագրված ցուցակները։ Այս մասին սեպտեմբերի 24-ին Կենտրոնական ընտրական հանձնաժողովում լրագրողների հետ զրույցում ասաց ԿԸՀ նախագահ Տիգրան Մուկուչյանը։

«Օրենքի նման պահանջ չկա, բայց այսօր ԿԸՀ-ն որոշում է կայացրել հրապարակել քվեարկությանը մասնակցած ընտրողների ստորագրված ցուցակները, որպեսզի բոլորը դրանց ծանոթանան և անճշտություններ նկատելու դեպքում դիմեն մեզ»,- ասաց Մուկուչյանը։

Երևանի ավագանու արտահերթ ընտրությունները կամփոփվեն սեպտեմբերի 30-ին ու նոր ավագանու անդամները կստանան իրենց մանդատները։

Բոլոր 475 տեղամասերում կատարված նախնական հաշվարկով` «Իմ քայլը» դաշինքի օգտին քվեարկել են 294 հազար 109 քաղաքացի կամ ընտրության մասնակիցների 81.06 տոկոսը:

Երկրորդ տեղում «Բարգավաճ Հայաստան» կուսակցությունն է, որի օգտին քվեարկել է 25 հազար 219 ընտրող կամ ընտրության մասնակիցների 6.95 տոկոսը: Երրորդ հորիզոնականում «Լույս» դաշինքն է, որի օգտին քվեարկել են 18 հազար 112 ընտրող կամ ընտրության մասնակիցների 4.99 տոկոսը:

ՀՅԴ-ի օգտին քվեարկել են 5882 ընտրող կամ 1.62 տոկոսը, ՕԵԿ-ի օգտին` 3948 ընտրող կամ 1.09 տոկոսը: «Երկիր ծիրանի» կուսակցության օգտին քվեարկել են 5 հազար 59 մարդ կամ ընտրություններին մասնակցած քաղաքացիների 1.39 տոկոսը: «Ժառանգություն» կուսակցության օգտին քվեարկել են 2709 ընտրող կամ 0.75 տոկոսը: «Երևանցիներ» դաշինքի օգտին քվեարկել է 2985 քաղաքացի կամ 0.82 տոկոսը:

«Երևանի հանրություն» դաշինքի օգտին քվեարկելենէ 2502 քաղաքացի կամ 0.69 տոկոսը: «Հայկազուններ» կուսակցության օգտին քվեարկել են 692 ընտրող կամ 0.19 տոկոսը: «Ռեֆորմիստների» կուսակցության օգտին քվեարկել են 792 ընտրող կամ 0.22 տոկոսը: «Ժողովրդավարական ուղի» կուսակցության օգտին քվեարկել է 799 քաղաքացի կամ 0.22 տոկոս:

106
թեգերը:
Հայաստան
թեմա:
Երևանի ավագանու ընտրություններ 2018 (109)
Ըստ թեմայի
Ի՞նչ գիտենք Երևանի նոր քաղաքապետ Հայկ Մարությանի մասին. ԱԱԾ–ն ու չեխ կինը
Ինչպես Նիկոլ Փաշինյանն արձագանքեց Հայկ Մարությանի հաղթանակին
Ձայների հաշվարկն ավարտվեց․ Հայկ Մարությանը Երևանի նոր քաղաքապետն է
Արտակ Զեյնալյանը այցելել է «Իմ քայլը» դաշինքի շտաբ և շնորհավորել հաղթանակի առթիվ
Արխիվային լուսանկար

Ինչ բացառություններ կան ինքնամեկուսացման կարգում, և ինչու ընդդիմությունը դժգոհ մնաց

9
(Թարմացված է 18:27 13.07.2020)
«Բարգավաճ Հայաստանի» առաջարկին «Իմ քայլը» դեմ քվեարկեց: Նախագիծը 21 կողմ և 60 դեմ ձայներով մերժվեց: Իսկ արտակարգ դրության երկարացման իրավական ռեժիմն ուժի մեջ մտավ կառավարության որոշմամբ:

ԵՐԵՎԱՆ, 13 հուլիսի – Sputnik. ՀՀ ԱԺ-ն ավարտեց արտակարգ դրության ժամկետը մինչև օգոստոսի 12-ը երկարացնելու մասին` կառավարության որոշման քննարկումը:

Այդ հարցով հրավիրված ԱԺ հատուկ նիստում ԱԺ «Բարգավաճ Հայաստան» խմբակցության պատգամավոր Միքայել Մելքումյանն իր ելույթում նշեց, որ արտակարգ դրության նախորդ 4 ամիսներին իշխանությունների կատարած քայլերի ռեալ գնահատականն առ այսօր տրված չէ:

«Գալիս եք, ասում եք՝ մի ամիս էլ երկարացնենք: Ինչի՞ համար եք երկարացնում: Միգուցե հիմա էլ են շարունակվում հայեցակարգային սխալները»,- ասաց Մելքումյանը:

Նա նաև անդրադարձավ սոցիալ-տնտեսական իրավիճակին՝ նշելով, որ օգոստոս-սեպտեմբեր ամիսներին վիճակն էլ ավելի է վատանալու:

Կառավարությունը քննարկել է պարետային ժամ սահմանելու հարցը

«Կան հնարավորություններ վիճակը շտկելու, բայց այդ լուծումները ժամանակին չեն գտնվում, կան մարդիկ, որոնք կարծում են, որ միայն իրենք գիտեն` ճիշտը որն է, վիճակն ավելի է վատանում»,- ասաց նա:

«Բարգավաճ Հայաստան» խմբակցության պատգամավոր Արման Աբովյանն էլ հայտարարեց, որ ԲՀԿ-ն ներկայացրել է մի փաստաթուղթ, որով նախատեսվում է վերացնել արտակարգ դրության իրավական ռեժիմի մասին ՀՀ կառավարության որոշման՝ հավաքների ազատության սահմանափակումներին վերաբերող դրույթը:

Արման Աբովյանի խոսքով` օրինագիծը մշակվել է ԲՀԿ-ի և արտախորհրդարանական ընդդիմադիր ՀՅԴ և «Հայրենիք» կուսակցությունների համատեղ աշխատանքի արդյունքում:

«Առաջարկվում է, որ հանվեն հավաքներ ու այլ հանրային միջոցառումներ անելու սահմանափակումները, քանի որ ՀՀ Սահմանադրության համաձայն` ՀՀ-ն ինքնիշխան, ժողովրդավարական, սոցիալական պետություն է»,- ասաց Աբովյանը:

«Լուսավոր Հայաստան» խմբակցության ղեկավար Էդմոն Մարուքյանը ևս իր ելույթում իշխանությանը կոչ արեց վերանայել «անտրամաբանական» սահմանափակումները:

Անդրադառնալով սոցիալ-տնտեսական վիճակին՝ պատգամավորը նշեց, որ արտակարգ դրության ժամկետի երկարացման 4-րդ որոշումն ընդունվում է գործազրկության, սոցիալական ծանր պայմաններում ու առողջապահական համակարգի ծանրաբեռնվածության իրավիճակում:

«Տնտեսությունն ըստ էության` բաց է, բայց ռեստորանային սեկտորի աշխատակիցները պարբերաբար բողոքում են կառավարության դիմաց: Դրան գումարվում է արտագնա աշխատողների խնդիրը, որոնք չեն կարողանում մեկնել աշխատանքի, դրան գումարվում է տուրիզմի սեկտորի չաշխատելը»,- ասաց Մարուքյանը:

Էդմոն Մարուքյանը հիշեցրեց, որ ՀՀ արտակարգ դրության մասին օրենքով սահմանված առավելագույն ժամկետը 30 օրն է, հետևաբար, նրա մեկնաբանմամբ, այս ընթացքում ընդունված բոլոր որոշումներն ու սահմանափակումներն ապօրինի են:

Կառավարությունը որոշեց 4-րդ անգամ երկարաձգել արտակարգ դրությունը

Մարուքյանը խոստացավ, որ այս հարցերը մանրամասն քննարկման առարկա են դառնալու սեպտեմբերին ստեղծվող կորոնավիրուսի դեմ պայքարի քայլերի ժամանակավոր քննիչ հանձնաժողովում:

«Իմ քայլը» խմբակցության անունից իր ելույթում ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն ընդդիմադիր որոշ ուժերի մեղադրեց առկա լարված իրավիճակն էլ ավելի լարելու փորձերի մեջ: Նա հայտարարեց, որ «Իմ քայլն» անվերապահ աջակցություն է հայտնւմ կառավարությանը արտակարգ դրության ժամկետը ևս մեկ ամսով երկարաձգելու հարցում:

Փոխվարչապետ Տիգրան Ավինյանն էլ, անդրադառնալով սահմանափակումները հանելու` ընդդիմության առաջարկին, հիշեցրեց, որ հանրային հավաքների ու միջոցառումների մեջ ոչ միայն բողոքի ակցիաներն են, այլև հարսանիքները, նշանդրեքները և այլ բազմամարդ միջոցառումները:

«Պետք է նաև հիշենք, որ համաճարակի ամենասկզբում նմանատիպ մի միջոցառման արդյունքում միանգամից 70 վարակակիր ունեցանք»,- ասաց Ավինյանն, ակնարկելով Էջմիածնում մարտին տեղի ունեցած նշանդրեքի արարողության հետևանքները:

Փոխվարչապետը հայտարարեց, որ ներկա իրավիճակում ընդդիմության առաջարկը քննարկման ենթակա չէ:

Արդյունքում «Բարգավաճ Հայաստանի» առաջարկին «Իմ քայլը» դեմ քվեարկեց։ Նախագիծը 21 կողմ և 60 դեմ ձայներով մերժվեց:

ԱԺ հատուկ նիստն այսպիսով ավարտվեց, իսկ կառավարության որոշմամբ արտակարգ դրության երկարացման իրավական ռեժիմը մտավ ուժի մեջ:

Հիշեցնենք՝ կառավարությունն այսօր արտահերթ նիստում որոշեց Հայաստանում արտակարգ դրության ռեժիմը երկարացնել ևս մեկ ամսով, որը կձգվի մինչև 2020թ-ի օգոստոսի 12-ը, ժամը 17։00-ը:

Ըստ կառավարության` մարտի 16-ին արտակարգ դրություն հայտարարելու համար հիմք ծառայած հանգամանքներն առ այսօր չեն վերացել:

Նշենք, որ կառավարության ընդունած նոր որոշման մեջ գրեթե ամեն ինչ նույնն է, ինչ հունիս-հուլիսին՝ հանրային բաց և փակ տարածքներում պարտադիր դիմակներ կրելու պարետի որոշումը շարունակում է գործել: Չկրողները (բացի առանձին առողջական խնդիրներ ունեցող անձանց խմբերից) շարունակելու են տուգանվել:

Կորոնավիրուսով վարակվածներն ու նրանց հետ շփված անձինք էլ շարունակելու են մեկուսանալ ու ինքնամեկուսանալ, անհրաժեշտության դեպքում էլ՝ տեղափոխվել հիվանդանոց:

182 նոր դեպք` մեկ օրում. Հայաստանում կորոնավիրուսով վարակվել է 32 151 մարդ

Միակ փոփոխությունը, որ արվել է կառավարության ընդունած նոր որոշման մեջ, այն է, որ հստակեցվել է, թե որ պետական կառույցներն են ինքնամեկուսացման հրահանգ տալու վարակակիրների հետ շփում ունեցած քաղաքացիներին: Այդ իրավունքը վերապահվել է Առողջապահության նախարարությանը և Առողջապահության և աշխատանքի տեսչական մարմնին:

Ընդ որում, այս հրահանգը քաղաքացուն տրվելու է բանավոր, այնպես, ինչպես արվում է առ այսօր, բայց քաղաքացին իրավունք է ստանալու պետական մարմնից գրավոր ձևակերպում պահանջելու ու այդ դեպքում այն քաղաքացուն պետք է տրվի մեկ աշխատանքային օրվա ընթացքում:

Մեկ բացառություն էլ արվել է արտահիվանդանոցային պայմաններում բժշկական օգնություն ստացող կորոնավիրուսով հիվանդների ու նրանց հետ շփված` մեկուսացման մեջ գտնվող անձանց համար:

Նրանց տնից դուրս գալը՝ բժշկական բուժհիմնարկներ այցելելու, բուժօգնություն ստանալու, լաբորատոր-գործիքային հետազոտություններ անցնելու նպատակով, հուլիսի 13-ից հետո այլևս չեն դիտարկվի որպես ինքնամեկուսացման կարգի խախտում:

Հայաստանում արդեն ավելի քան 90 հազար մարդ է տուգանվել. ոստիկանությունը ուշադիր հետևում է

9
թեգերը:
Արտակարգ դրություն
թեմա:
Կորոնավիրուսը Հայաստանում և Արցախում
Քննչական կոմիտե

Եղեգնաձոր համայնքի ղեկավարին մեղադրանք է առաջադրվել. ՔԿ

17
(Թարմացված է 18:13 13.07.2020)
ՀՀ քննչական կոմիտեի Վայոց Ձորի մարզային քննչական վարչությունում քննություն է տարվում՝ Եղեգնաձորի համայնքապետի կողմից առերևույթ չարաշահումների բոլոր հանգամանքները պարզելու ուղղությամբ:

ԵՐԵՎԱՆ, 13 հուլիսի - Sputnik.  Եղեգնաձորի համայնքապետարանում չարաշահումների դեպքերի առթիվ հարուցվել է քրեական գործ՝ ՀՀ պետական վերահսկողական ծառայության կողմից համայնքապետարանում իրականացված ստուգումների արդյունքում հայտնաբերված խախտումների վերաբերյալ նախապատրաստված նյութերի հիման վրա:

ՀՀ քննչական կոմիտեից հայտնում են, որ սույն գործով մեղադրանք է առաջադրվել Եղեգնաձոր համայնքի ղեկավարին։ 

«Ուսումնասիրություններով պարզվել է, որ համայնքի ղեկավարի կողմից առերևույթ չարաշահումները թույլ են տրվել 2016թ. հունվարից 2019թ. նոյեմբերն ընկած ժամանակահատվածում՝ շինարարական-վերանորոգման 24 ծրագրերի, ճանապարհային և շենքերի բակային ծածկույթի հիմնանորոգման, մասնակի կամ ընթացիկ նորոգման աշխատանքների վերաբերյալ ծրագրերի կատարման, ինչպես նաև՝ գնումների գործընթացում»,–նշված է հաղորդագրության մեջ:

Արդյունքում՝ համայնքի ղեկավարը, իր պաշտոնեական դիրքն օգտագործելով, միասնական դիտավորությամբ, շարունակաբար վատնել է համայնքի բյուջեի ֆինանսական միջոցները՝ համայնքին պատճառելով առանձնապես խոշոր չափի՝ ընդհանուր 3.323.900 ՀՀ դրամի գույքային վնաս:

Արա Բաբլոյանի նկատմամբ քրեական հետապնդումը կդադարեցվի՞. դատարանը գնաց որոշում կայացնելու

Իրականացված ուսումնասիրության արդյունքներով` արձանագրվել են նաև այլ բնույթի խախտումներ՝ բյուջետային մուտքերի ապահովման գործընթացում, աղբահանության կազմակերպման աշխատանքների, տարբեր ուղղություններով համայնքային միջոցների ծախսման և գնումների իրականացման ոլորտներում:

Նախաքննության ընթացքում կատարվել են մի շարք հարցումներ, շենք-շինությունների վերանորոգման և ճանապարհաշինության աշխատանքների վերաբերյալ առանձին պայմանագրերի, կատարողական, փորձարկման, տեղազննության և հսկիչ չափագրման ակտերի և համեմատական տեղեկագրերի զննություններ, հարցաքննվել են համայնքապետարանի աշխատակիցներ, կապալառու ընկերությունների տնօրեններ, որոնց կողմից ներկայացվել են պարզաբանումներ, մի շարք այլ քննչական և դատավարական գործողություններ:

Քրեական գործով ձեռք բերված բավարար ապացույցների հիման վրա՝ Եղեգնաձոր համայնքի ղեկավարին մեղադրանք է առաջադրվել՝ ՀՀ քրեական օրենսգրքի 179-րդ հոդվածի (յուրացնելը կամ վատնելը) 3-րդ մասի 1-ին կետով և 308-րդ հոդվածի (պաշտոնեական լիազորությունները չարաշահելը) 2-րդ մասով: Նրա նկատմամբ որպես խափանման միջոց ընտրվել է ստորագրություն՝ չհեռանալու մասին:
Նախաքննությունը շարունակվում է:

«Առագաստի» սպանության գործը 19 տարի անց վերաբացվել է. Քոչարյանի նախկին թիկնապահը կդատվի՞

Հայտնաբերված խախտումների առնչությամբ կապալառու կազմակերպությունները պարտավորվել են վերացնել առկա բոլոր թերությունները, որից հետո լրացուցիչ շինարարական վերանորոգման աշխատանքների կատարմամբ և համայնքային բյուջե գումարներ վճարելով՝ մասնակիորեն փոխհատուցել են Եղեգնաձոր համայնքին պատճառված վնասները:

17
թեգերը:
համայնքի ղեկավար, Եղեգնաձոր, Մեղադրանք, ՀՀ քննչական կոմիտե, Հայաստան
Ըստ թեմայի
Կառավարությունը վաճառում է Քննչական կոմիտեի նախկին շենքը
Գևորգ Բաբայանը չարաշահել է պաշտոնեական լիազորությունները. Քննչական կոմիտե
Դավիթ Տոնոյանի վերաբերյալ քրեական գործ չկա. Քննչական կոմիտեի պարզաբանումը
Քննչական կոմիտեի 32 աշխատակից դիմակ չկրելու համար զրկվել են մեկ ամսվա պարգևավճարից

Գյումրիում իսկական ջրհեղեղ է, մեքենաները «լողում» են փողոցներում. տեսանյութեր

0
Սոցցանցերում հրապարակված տեսանյութերում երևում են Գյումրու կենտրոնական հատվածով հազիվ շարժվող ավտոմեքենաները։

Հորդառատ անձրևը կաթվածահար է արել Գյումրու երթևեկությունը: 16:00-ի սահմաններում քաղաքում սկսված հորդառատ անձրևն ուղեկցվել է կարկուտով:

Անձրևի պատճառով հատկապես դժվարանցանելի են դարձել քաղաք մտնող ճանապարհներն ու կենտրոնական փողոցները։

Կան ջրի մեջ հայտնված մեքենաներ: Քաղաքի շատ թաղամասեր հոսանքազրկված են:

Գյումրիում երթևեկության համար կան փակ հատվածներ, մասնավորապես` Գարեգին Նժդեհի հրապարակը, Մուսայելյան փողոցը, Գյումրու ավտոկայարանից Լալայան փողոց տանող հատվածը, Գյումրու կայարանամերձ հրապարակը, Օզանյան փողոցը։ Արտակարգ իրավիճակների և ոստիկանության մարզային և համայնքային կոմունալ ծառայություններն այժմ քայլեր են ձեռնարկում խցանումները վերացնելու ուղղությամբ։

Տորնադոյից մինչև թավշյա ձմեռներ. ի՞նչ է կատարվում Հայաստանի բնության հետ

0
թեգերը:
Անձրև, Գյումրի, Հայաստան