Նիկոլ Փաշինյան

Ի՞նչ կանի Փաշինյանը Երևան վերադառնալուն պես. վարչապետը մարտական է տրամադրված

315
(Թարմացված է 11:04 24.09.2018)
ՀՀ վարչապետն ԱՄՆ–ում խոսել է ԱԺ արտահերթ ընտրություններ անցկացնելու մասին։

ԵՐԵՎԱՆ, 24 սեպտեմբերի — Sputnik. ՀՀ վարչապետ Նիկոլ Փաշինյանը Հայաստան վերադառնալուն պես բանակցությունների կհրավիրի խորհրդարանական բոլոր ուժերի ներկայացուցիչներին։ Ինչպես հայտնում է ՀՀ կառավարության մամուլի ծառայությունը, Փաշինյանն այս մասին ասել է Նյու Յորքում հայ համայնքի հետ հանդիպմանը։

«Ես Երևան վերադառնալուն պես արդեն իսկ բանակցությունների կհրավիրեմ խորհրդարանական բոլոր ուժերի ներկայացուցիչներն, այդ թվում՝ ոչ խորհրդարանական ուժերի ներկայացուցիչներին՝ նրանց հետ քննարկելու արտահերթ խորհրդարանական ընտրություններ անցկացնելու ժամանակը և պայմանները»,- ասել է նա:

Փաշինյանի խոսքով` ընդհանուր առմամբ, այդպիսի տրամադրություն կար, որ ընտրություններն անցկացվեն հունիսից սկսած՝ մեկ տարվա ընթացքում։

«Բայց ըստ էության, իրադարձությունները և այն սպասողական դրությունը, որն ապրում է մեր տնտեսությունը, պոտենցիալ ներդրողները, որոնք անընդհատ մեր բանավոր խոսքերին չեն հավատում, որ քաղաքական իրողությունները չեն փոխվելու, և նրանց հարկավոր է ավելի երկարաժամկետ քաղաքական արձանագրումներ»,- ասել է նա:

Փաշինյանը նշել է, որ տնտեսական և ներդրումային միջավայրն ավելի բարենպաստ դարձնելու նկատառումով պիտի աշխատեն ավելի վաղ անցկացնել արտահերթ խորհրդարանական ընտրությունները, որպեսզի առավել շուտ սկսվի տնտեսության վերականգման գործընթացը։

Հիշեցնենք, որ Փաշինյանն ԱՄՆ է մեկնել երեկ` սեպտեմբերի 23-ին, այնտեղից նա կմեկնի Տաջիկստան և Հայաստան կվերադառնա սեպտեմբերի 29-ին։
315
թեգերը:
Նիկոլ Փաշինյան, Հայաստան
Ըստ թեմայի
Ինչպես Նիկոլ Փաշինյանն արձագանքեց Հայկ Մարությանի հաղթանակին
Ի՞նչ գիտենք Երևանի նոր քաղաքապետ Հայկ Մարությանի մասին. ԱԱԾ–ն ու չեխ կինը
Ձայների հաշվարկն ավարտվեց․ Հայկ Մարությանը Երևանի նոր քաղաքապետն է