Հայկ Մարության

Հայկ Մարությանը լարված քարոզարշավում նաև զավեշտալի դեպքեր է արձանագրել

363
(Թարմացված է 15:08 23.09.2018)
Երևանի քաղաքապետի թեկնածուն խորհուրդ է տալիս ընտրական զավեշտները հավաքել ֆիլմում։

ԵՐԵՎԱՆ, 23 սեպտեմբերի — Sputnik. «Իմ քայլը» դաշինքի քաղաքապետի թեկնածու Հայկ Մարությանն այսօր ընտրության էր եկել ավագ դստեր հետ։

«Այսօր կիսվել ենք, ես մեծ աղջկաս հետ եմ եկել, կինս տանը փոքրիկներին է քնեցնում»,- ասաց նա` պատասխանելով այն հարցին, թե ինչու կնոջ հետ չի եկել քվեարկության։

Մարությանն ընտրության էր եկել տոնական տրամադրությամբ և այն գիտակցությամբ, որ վերջին տասնամյակների ընթացքում այսօր առաջին անգամ են իրապես ազատ ու արդար ընտրություններ կազմակերպվում։

  • Հայկ Մարության
    Հայկ Մարության
    © Sputnik / Asatur Yesayants
  • Հայկ Մարության
    Հայկ Մարության
    © Sputnik / Asatur Yesayants
  • Հայկ Մարության
    Հայկ Մարության
    © Sputnik / Asatur Yesayants
  • Հայկ Մարության
    Հայկ Մարության
    © Sputnik / Asatur Yesayants
  • Հայկ Մարության
    Հայկ Մարության
    © Sputnik / Asatur Yesayants
1 / 5
© Sputnik / Asatur Yesayants
Հայկ Մարության

Ինչ վերաբերում է իր հակառակորդների, մասնավորապես` ԲՀԿ-ի բարձրաձայնած հակաքարոզչության ու ընտրախախտումների մասին ահազանգերին, Հայկ Մարությանը նշեց, որ դրանցից տեղյակ չէ։ Փոխարենը ասաց, որ հակաքարոզչություն իրականացվում է «Իմ քայլը» դաշինքի դեմ։

«Շատ ուժեր ասում են, որ իրենց հանդեպ այսպես կամ այնպես է, բայց վստահաբար կարող եմ ասել, որ մեր ուժի նկատմամբ շատ սև PR-ի էլեմենտներ են օգտագործվել»,- ասաց նա` հավելելով, որ ինքն այդ մասին քարոզարշավի ընթացքում երբեք չի հայտարարել։

Իսկ քարոզարշավի լարված մթնոլորտը Մարությանին չի անհանգստացնում։ Նա համոզված է, որ թեժ քարոզարշավին հաջորդելու է հանդարտ հետընտրական շրջանը։

«Այդպես տեղի է ունենում ամբողջ աշխարհում, ուղղակի մեզ համար դա անսովոր է։ Սկզբից ընթանում է ընտրարշավ։ Այո՛, կրքերը բորբոքվում են, այո՛, ինչ-որ բաներ են գտնում իրար վրա` սուտ, ճիշտ, այդ ամենը կոչվում է ընտրարշավ։ Այդ ամենը կոչվում է քաղաքականություն, և տեղի է ունենում մինչև ընտրությունները։ Իսկ ընտրություններից հետո ամեն ինչ հանդարտվում է»,- ասաց նա։

Իսկ քարոզարշավին Մարությանն առաջին անգամ է այլ դիտակետից ու այլ աչքով հետևել և խոստովանում է` զավեշտալի միջադեպեր է արձանագրել։ Բայց քարոզարշավի մասին հումորային ֆիլմ նկարահանելու մտադրություն ու ժամանակ չունի, թեև չի բացառում, որ, եթե գտնվի մեկը, ով կցանկանա մեկտեղել նախընտրական զավեշտները, ինքը կարող է օգնել խորհուրդներով։

Այդուհանդերձ, ընտրվելու դեպքում էլ Մարությանը նշեց, որ ստեղծագործական աշխատանքից չի հրաժարվելու ու փորձելու է շարունակել ստեղծագործել։

Երևանի ավագանու արտահերթ ընտրությունները մեկնարկել են այսօր՝ սեպտեմբերի 23-ին, առավոտյան ժամը 08.00-ին, և կտևեն մինչև երեկոյան 20.00-ն: Երևանի ավագանու ընտրություններին մասնակցում է 12 քաղաքական կուսակցություն ու դաշինք:
363
թեգերը:
Հայաստան
թեմա:
Երևանի ավագանու ընտրություններ 2018 (109)
Ըստ թեմայի
Արարատ Զուրաբյանն ասաց` ինչն է պղտորել նախընտրական քարոզարշավի մթնոլորտը
Ավագանու ընտրություններն իշխանության համար քննություն են. Փոստանջյան
Զեյնալյանն արձանագրել է «գաղջ մթնոլորտի» բացակայություն
ՕԵԿ–ը հավակնում է լինել առաջին եռյակում
ԲՀԿ–ն կպահանջի «անորսալի Ջոյի» հրաժարականը
«Եկեք չլարենք մթնոլորտը». Թարխանյանն արեց իր ընտրությունը
ՀՅԴ թեկնածուն քվեարկեց ու բողոքեց քարոզարշավի ընթացքում վարչական լծակների օգտագործումից
Ինչպես քվեարկեց Նիկոլ Փաշինյանը. տեսանյութ
Երբեք պետք չէ անձնավորել, միմյանց վիրավորել. հանուն ինչի՞ քվեարկեց Արա Բաբլոյանը
Րաֆֆի Հովհաննիսյանը պատասխանեց ավանդական հարցին. հանուն ինչի քվեարկեց նա
 Հայաստանի գավաթի խաղարկության եզրափակիչ խաղը

Ֆուտբոլային թրելլեր գավաթի եզրափակիչում. Հայաստանի գավաթակրի անունը հայտնի է

31
(Թարմացված է 22:24 10.07.2020)
Տասը գոլ, լարված պայքար, գերկամային որակներ,  հաղթելու մեծ ցանկություն։ Այս ամենի արդյունքում Հայաստանի գավաթակիրը որոշվեց 11 մետրանոց հարվածաշարի միջոցով: «Նոա» - «Արարատ-Արմենիա» եզրափակիչը թերևս լավագույն խաղն էր հայկական թիմերի միջև 2019/20 մրցաշրջանում:

ԵՐԵՎԱՆ, 9 հուլիսի – Sputnik. Քիչ առաջ ավարտվեց Հայաստանի գավաթի խաղարկության եզրափակիչ խաղը։ 11 մետրանոց հարվածաշարի արդյունքում գավաթակիր դարձավ «Նոան»։

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Նշենք, որ գավաթի խաղարկության եզրափակիչում իրար արժանի մրցակիցներ էին խաղում` «Նոան» ու «Արարատ Արմենիան»: 

Հանդիպման մեկնարկից 29 րոպե անց Հայաստանի գործող չեմպիոն «Արարատ-Արմենիան» հաղթում էր 3:0 հաշվով,  բայց երկու թիմերն էլ պայքարեցին մինչև վերջ: Խաղի հիմնական ժամանակն ավարտվեց 4:4 հաշվով, իսկ լրացուցիչ ժամանակում գրանցվեց վերջնական հաշիվը՝ 5:5:

11 մետրանոց հարվածաշարով հաղթեց ու Հայաստանի գավաթը նվաճեց «Նոան»։

Խաղի 8-րդ րոպեին Ուգուչուկվու Լուիս Օգանան, հնարավորությունն օգտագործելով,  առաջ մղեց «Արարատ-Արմենիային»: Բաց թողած գնդակը չի կարելի ասել, թե անմիջապես ընկճեց «Նոայի» ֆուտբոլիստներին:

Բայց Ալան Տատաևի ինքնագոլից հետո «Արարատ-Արմենիայի» ֆուտբոլիստները սկսեցին գործել շատ հանգիստ ու վստահ, և 29-րդ րոպեին Յուսուֆ Օդուբանջոն երրորդ անգամ ստիպեց մրցակցին խաղը վերսկսել կենտրոնից:

Առաջին խաղակեսի ավարտից վեց րոպե առաջ Մաքսիմ Մայրովիչի գոլն ինչ– որ տեղ հույս տվեց «Նոայի» ֆուտբոլիստներին: Բայց հերթական սխալը պաշտպանությունում նորից վերականգնեց երեք գնդակի առավելությունը «Արարատ-Արմենիայի» օգտին. Ուգուչուկվու Լուիս Օգանան դաձավ դուբլի հեղինակ, իսկ չեմպիոնը հաղթում էր 4:1 հաշվով:

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Ընդհանրապես եզրափակիչներում հիմնականում ոչ գոլառատ հանդիպումներ են լինում: Թիմերը զգույշ են գործում պաշտպանությունում, խուսափելով սեփական դարպասը գնդակ ընդունելուց, ու համարյա միշտ գործում են թիկունքն ապահովագրելով:

Ամենախոշոր հաշիվը ֆուտբոլի Հայաստանի գավաթի խաղարկություններում գրանցվել էր 1995 թվականին, երբ «Արարատը»  4:2 հաշվով պարտության մատնեց «Կոտայքին»: Դժվար էր սպասել, որ «Նոա» - «Արարատ-Արմենիա» մրցավեճում խոշոր հաշիվ կգրանցվի: Բայց մինչև ընդմիջում գրանցվեց դարպասի հինգ գրավում:

Արագ գոլը ֆուտբոլում հաճախ է խորը հետք թողնում հանդիպման վերջնական արդյունքի վրա: Հաջողության հասած թիմը ոգևորության ալիքի ներքո կարողանում է զարգացնել ձեռք բերածը, իսկ գնդակ բաց թողած թիմը չի կարողանում ուշքի գալ:

«Նոա» - «Արարատ-Արմենիա» խաղում դաշտի տեր համարվող «Նոայի» ֆուտբոլիստներն ութերորդ րոպեին հայտնվելով հետապնդողի դերում, շատ արագ կարող էին պատասխան գնդակը խփել: Բայց դա անել չհաջողվեց, իսկ պաշտպանությունում հաճախակի ձախողումներն ու անփույթ խաղը «Նոային» եզրափակիչի ավարտից մեկ ժամ առաջ փաստի առջև կանգնեցրին:

Ճիշտ է, որոշակի ինտրիգ խաղի մեջ մտցրեց Մաքսիմ Մայրովիչի գոլը, որը հաշիվը դարձրեց 1:3, բայց այդ ինտրիգը շատ արագ մարեց:

Գավաթի խաղարկության լավագույն ռմբարկու Ուգուչուկվու Լուիս Օգանան խփեց իր ութերորդ գոլը՝ 1:4:

Բայց ամեն ինչ առջևում էր:

Շատերը մտածեցին, որ վերջ` «Արարատ-Արմենիան» կպահպանի երեք գնդակի առավելությունը, և այս խաղում հաղթողն արդեն վճռված է:

Սակայն «Նոան» գերկամային հատկանիշներ դրսևորելով` երկրորդ կեսի 21 րոպեների ընթացքում երեք գնդակ անցկացրեց «Արարատ-Արմենիայի» դարպասը: Վլադիմիր Ազարովի (11մ), Միխայիլ Կովալենկոյի և Դանու Սպատարուի գոլերից հետո վերականգնվեց հաշվի հավասարակշռությունը՝ 4:4: Հիմնական ժամանակն այս հաշվով էլ ավարտվեց, չնայած հաղթանակին ավելի մոտ էր «Նոան»:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

Իսկ լրացուցիչ ժամանակում «Նոան» արդեն ուներ թվային առավելություն, քանի որ 93-րդ րոպեին «Արարատ-Արմենիայի» կազմում կարմիր քարտ սստացավ Ալֆոնսե Կոջոն:

Լրացուցիչ ժամանակում էլ կողմերը մեկական գնդակ փոխանակեցին: Ու երբ Վլադիմիր Ազարովի իրացրած երկրորդ 11 մետրանոցից հետո թվաց, որ հաղթելու է «Նոան», Յուսուֆ Օտուբանջոն նորից խփեց պատասխան գնդակը՝ 5:5:

Ի վերջո հաղթողը որոշվեց 11 մետրանոց հարվածաշարով: Առաջին անգամ Հայաստանի գավաթակիր դարձավ «Նոան»:

Չորս օրից՝ հուլիսի 14-ին, «Նոա» - «Արարատ-Արմենիա» խաղում որոշվելու է Հայաստանի չեմպիոնը:

Գործող չեմպիոն «Արարատ-Արմենիային» իր տիտղոսը պաշտպանելու համար այդ խաղում բավարարում է ոչ-ոքի հաշիվը:

Մխիթարյանը գեղեցիկ գոլ խփեց, սակայն չկարողացավ «Ռոմային» փրկել պարտությունից․ տեսանյութ

31
թեգերը:
«Նոա» ֆուտբոլային ակումբ, Արարատ–Արմենիա, ֆուտբոլ, Հայաստան
Ըստ թեմայի
Հայկական ֆուտբոլում 4-5 տարի հետո անպայման կլինի երկար սպասված վերելքը. Խորեն Հովհաննիսյան
Հայաստանցի ֆուտբոլիստները Ռուսաստանում լեգեոներ չեն համարվի օգոստոսից
Ինչու է պարետատունը մերժել Հայաստանի ֆուտբոլի ֆեդերացիային
Երևան. փակ խանութ

Մարդիկ մի հատով են ձու գնում, իսկ դուք ասում եք` պայուսակ...

34
(Թարմացված է 22:25 10.07.2020)
Համավարակն ուժգին հարված է հասցրել մասնավոր հատվածին, և հիմա սիրելի սրճարանում մի բաժակ սուրճ խմելը կամ նախընտրելի բուտիկից հագուստ գնելն այնքան էլ հեշտ չէ։ Երբեմնի ծաղկող բիզնեսների ներկայացուցիչներից շատերն այսօր ջրի երեսին մնալու պայքար են մղում։

Լաուրա Սարգսյան, Sputnik Արմենիա

«Փակ է», «Լիկվիդացիա», «50-70% զեղչ»։ Այսպիսի ցուցանակների կարելի է հանդիպել բառացիորեն ամենուր, եթե քայլում ես Երևանի կենտրոնական փողոցներով, որտեղ դեռ մի քանի ամիս առաջ կյանքը եռում էր, ռեստորաններում սեղանների համար պայքարում էին, իսկ բուտիկներում հանդերձարանների մոտ հերթեր էին գոյանում։

Այսօր ամեն ինչ այլ է․ կիադատարկ խանութներ և մեկ-երկու սրճարան, որտեղ մարդիկ նստած են բացօթյա տարածքներում։ Կորոնավիրուսի համավարակը փոխել է քաղաքացիների կենսակերպը, գրպանների պարունակությունը, նաև մտածելակերպը։

Ինչպես են գոյատևում հանրային սննդի ոլորտն ու առևտրային կետերը՝ պարզել է Sputnik Արմենիայի թղթակիցը։

Հանրային սնունդ

Ամբողջ Հայաստանում գործում է հանրային սննդի ընդհանուր առմամբ մոտ 4000 կետ, որոնցից գրեթե 2000-ը դասական ռեստորաններն ու սրճարաններն են, չհաշված արագ սննդի կետերը։ Համավարակի պատճառով արդեն իսկ փակվել են այդ հաստատությունների 15-20%-ը։ Sputnik Արմենիայի հետ զրույցում այդսիսի վիճակագրություն ներկայացրեց Ռեստորանների հայկական միության նախագահ Վահե Գևորգյանը։

Այդ ցանկում են նաև խոշոր բրենդները, որոնք կրճատել են իրենց մասնաճյուղերը (օրինակը՝ Segafredo-ն), նաև երաժշտական ակումբները (Mezzo-ն)։

Գևորգյանի խոսքով՝ եթե երկրում համաճարակաբանական իրավիճակը չփոխվի, իրավիճակը կարող է ավելի վատանալ։ Այն հաստատությունները, որոնք աշխատում են բացօթյա տարածքների հաշվին, ցրտերի հետ պարզապես կփակվեն։

«Եթե համաճարակաբանական իրավիճակը չլավանա, որոշ ժամանակ անց գլորվող ձնագնդի էֆեկտով ստիպված կփակվեն նաև վերանդաների հաշվին աշխատող հաստատությունները։ Այսինքն՝ ժամանակավոր փակվածների տոկոսը կաճի, ինչի արդյունքում ռեստորանային ոլորտի ճգնաժամը կխորանա»,-ասաց Գևորգյանը։

Ամենաշատը տուժել են այն հաստատությունները, որոնք ի սկզբանե բաց պատշգամբներ չեն ունեցել, կամ ներկայացել են առաջին հերթին որպես երաժշտական ակումբներ։

Եթե ռեստորանները բացվել են, թատրոններն ինչո՞ւ են փակ. թատերական գործիչների առաջարկը

Հայկական շուկայի որոշ խոշոր բրենդներ կրճատումներ անելու որոշում են ընդունել։ Նրանք պարզապես փակել են մասնաճյուղերի մեծ մասը և մեկ-երկու գործող մասնաճյուղ թողել։

Միության նախագահը նշեց, որ ոլորտը ճգնաժամի մեջ է և հաստատությունները նախորդ տարվա եկամտի ծավալի ընդամենը 10%-ն են ստանում։ Մինչդեռ նորմալ աշխատանքի համար 70% շրջանառություն է հարկավոր։ Դրա 50%-ը ծախսվում է վարձակալության և աշխատակիցներին վճարելու համար։ Իսկ եթե շրջանառությունը 10% է, ապա հաստատությունն աշխատում է 50-60% վնասով։

«Ոլորտը վնասով աշխատում է պարզապես աշխատակիցներին գործազուրկ չթողնելու համար` շունչը պահած սպասելով իրավիճակի լավացմանը»,-ասաց Գևորգյանը։

Գևորգյանը կարճաժամկետ հեռանկարում իրավիճակից ելք է համարում վաուչերների համակարգի ստեղծումը։ Օրինակ՝ կառավարությունը կարող է հաստատություններից զեղչով վաուչերներ գնել (3-5 հազար դրամով) և բաժանել նրանց, ովքեր ներգրավված են եղել կորոնավիրուսի դեմ պայքարում՝ ոստիկաններին, բժիշկներին, կամավորներին և այլն։

Նման միջոցառումը թույլ կտա փոքր-ինչ ակտիվացնել ռեստորանային կյանքը։ Բիզնեսը նախատեսում է նաև երկարաժամկետ զեղչային վաուչերները հաջորդ տարի կիրառել արտասահմանցի զբոսաշրջիկների համար, որոնք կարող են վաուչերները ձեռք բերել տուր-փաթեթների հետ միասին և այլն։ Այս ամենը դեռևս միայն առաջարկներ են։ Դրանց գործնական կիրառման համար հարկավոր է, որ երկրում COVID-19-ի հետ կապված իրավիճակը փոքրիշատե հստակ լինի, իսկ իշխանությունները զբոսաշրջային ոլորտի զարգացման 2021թ․-ի ռազմավարություն ունենան։

Իրավիճակը փոքր ինչ մեղմելու հարցում կարող են օգնել նաև միջազգային դոնորները, որոնց կարելի է ներգրավել համավարակից տուժած բիզնեսներին (ռեստորաններ, հյուրանոցներ) աջակցելու համար։

Ռեստորանների հայկական միությանը խիստ անհանգստացրել է Թորոսյանի կոչը. նրանք առաջարկ ունեն

Հայաստանի մի շարք ռեստորանների մարքեթինգով զբաղվող «ProReca» ընկերության հիմնադիր ղեկավար Սյուզի Մելիքյանը Sputnik Արմենիայի հետ զրույցում նշեց, որ բազմաթիվ հաստատություններ փակվում են, քանի որ վարձակալության գումարը մուծելու և աշխատակիցներին վճարելու հնարավորություն չունեն։

«Հենց միայն մեր ցանցից 15 հաստատություն է փակվել`որոշները մինչև սեպտեմբեր, մի մասն էլ` վերջնական»,–նշեց Մելիքյանը։

Նրա խոսքով՝ իրավիճակը շատ ծանր է հատկապես այն հաստատություններում, որոնք գոյատևում էին խոշոր միջոցառումների հաշվին։

Խանութներ

Կոշիկի մասնագիտացված խանութներից մեկում նշեցին, որ մեծ զեղչերով վաճառք են նախաձեռնել, որպեսզի ներդրված միջոցների գոնե կեսը վերադարձնեն։

«Այստեղ մոտ 200 հազար դոլարի ապրանք կա, հիմա բոլորը վաճառում եմ 10 հազար դրամով՝ թե կաշին, թե զամշը։ Իհարկե, զեղչերից տուժում ենք, բայց գոնե այդ 10 հազարը կվերադարձնեմ և կկարողանամ գումարը ներդնել աշուն-ձմեռ հավաքածուն գնելու համար։ Ավելի լավ է այսպես, քան առհասարակ չաշխատել»,-ասաց նա։

Մեկ այլ՝ աքսեսուարների մասնագիտացված խանութում նշեցին, որ մեծ թվով զբոսաշրջիկների էին սպասում։ Ամռանը խանութների հաշվարկների հիմքում հիմնականում հենց զբոսաշրջիկներն են։ Առանց նրանց այս ոլորտում առանձնապես հույս չկա։

«Ռուսական մաֆիան» հայկական դեմքով, կամ ինչպես Ղազարյանը փրկեց Սան Դիեգոյի իր ռեստորանը

«Մթերային խանութ մտեք, մարդիկ մի հատով են ձու գնում, որ ձվածեղ սարքեն ու կիսեն երկու երեխաների միջև, իսկ դուք ասում եք՝ պայուսակ։ Ո՞ւմ են դրանք պետք, եթե ստամոքսը դատարկ է»,-ասաց մենեջերը։

Նշենք, որ բազմաթիվ խանութներում պարզապես հրաժարվեցին խոսել այդ թեմայով, հուսահատ ձեռքերը թափ տվեցին՝ «բոլորի մոտ է վատ, ի՞նչ խոսենք»։

Հիշեցնենք` հուլիսի 10-ի դրությամբ Հայաստանում կորոնավիրուսով վարակման հաստատված դեպքերի թիվը հասել է 30 903-ի։

34
թեգերը:
կորոնավիրուս, խանութ, Ռեստորան
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ դիմակով չեք․ ճապոնացին ոտքով հասել է Հայաստան ու համավարակի պատճառով մնացել այստեղ
Sputnik–ի ու «Ոսկե ծիրանի» Կարենի անհավանական արկածները Երևանում, Փարիզում ու Դաքքայում
Հայաստանն «անբավարար» ստացավ, կամ ինչու է Վրաստանը երկար ժամանակով փակել դռները մեր առաջ
Russia Today

RT-ի հեռարձակման արգելքը. ճչացող ոչ պրոֆեսիոնալիզմ, կամ չի եղել և չկա որևէ պատահական սխալ

0
(Թարմացված է 22:28 10.07.2020)
Լիտվայում իրավիճակի կրկնությունից պարզ է դառնում, որ այդ ամենը Լատվիայի և Լիտվայի իշխանությունների գիտակցված դիրքորոշումն է, որոնք որդեգրել են «այսպես էլ կանցնի» սկզբունքը։

ԵՐԵՎԱՆ, 10 հուլիսի –Sputnik. Լիտվան արգելել է իր տարածքում RT–ի 5 հեռուստաալիքների հեռարձակումը։ Դա տեղի է ունեցել Լատվիայի իշխանությունների միանման քայլից մեկ շաբաթ անց։ Հաջորդն Էստոնիան է, որի արտգործնախարարը ևս չբացառեց նման որոշման հավանականությունը։ ՌԻԱ Նովոստիի լրագրող Իրինա Ալկսնիսն իր հոդվածում մերձբալթյան տեղեկատվական քաղաքականության նրբություններն է փորձել պարզել։

Այս հարցի վերաբերյալ հատուկ դիրքորոշում պաշտոնական Տալլինից չարժե ակնկալել` և՛ երեք «մերձբալթյան վագրերի» ավանդական հակառուսական կոնսենսուսի պատճառով, և՛ հաշվի առնելով, որ հենց Էստոնիայի իշխանություններն են առավել մեծ խոչընդոտներ ստեղծել հանրապետությունում Sputnik գործակալության աշխատանքի նկատմամբ։ Ինչպես հայտնի է, ցանկալի արդյունքին հասնելու համար նրանք սկսել էին հալածել աշխատակիցներին քրեական հետապնդման սպառնալիքներով։

Սակայն ամենահետաքրքիրն այս ամբողջ պատմության մեջ Վիլնյուսի որոշման պաշտոնական հիմնավորումն է։ Անտեղ ասվում է, որ RT–ն գործում է Դմիտրի Կիսելյովի ենթակայության տակ, որն իր հերթին, արևմտյան պատժամիջոցների է ենթարկվել, ինչն էլ իբրև թե պատճառ է հանդիսացել նրա մեդիառեսուրսի դեմ միջոցներ ձեռնարկելու համար։

Խնդիրը նույնիսկ այն չէ, որ այս պնդումն իրականությանը չի համապատասխանում, ինչի համար Լիտվայի իշխանությունները հեգնական մեկնաբանությունների են արժանացել։ Դրանց հեղինակները հիշեցրել են, որ RT–ն ընդհանրապես կապ չունի «Ռոսիա սեգոդնյա» ՄՏԳ–ի հետ, որն էլ և ղեկավարվում է Դմիտրի Կիսելյովի կողմից։

Հատկանշականն այն է, որ նման բան արդեն եղել էր. ընդամենը մեկ շաբաթ առաջ ԶԼՄ–ների գծով Լատվիայի ազգային խորհուրդը RT–ի հեռարձակման արգելքը բացատրեց նրանով, որ հեռուստաալիքները Դմիտրի Կիսելյովի «փաստացի և միանձնյա վերահսկման ներքո են»։ Այն ժամանակ և՛ Մարգարիտա Սիմոնյանը, և՛ ՌԴ ԱԳՆ–ն մեկնաբանեցին Լատվիայի պաշտոնական կառույցների ոչ պրոֆեսիոնալ մոտեցումը, որոնք իրենց որոշմանը խելացնոր հիմնավորում էին տվել։

Այն ժամանակ դեռ կարելի էր տեղի ունեցածը պատահականությամբ և կամակատարների սխալով բացատրել. ի վերջո դիլետանտներից և անբարեխիղճ աշխատակիցներից ոչ մի համակարգ ապահովագրված չէ։ Իսկ պետությանը նման դեպքերում հետ քայլ անել կարծես թե հարիր չէ, նույնիսկ, եթե նրան անկեղծորեն «քաշել են» սեփական չինովնիկները։

Սակայն ճիշտ նույն սցենարով Լիտվայում իրավիճակի կրկնությունից պարզ է դառնում, որ չի եղել և չկա որևէ պատահական սխալ։ Այդ ամենը Լատվիայի և Լիտվայի իշխանությունների գիտակցված դիրքորոշումն է, որոնք որդեգրել են «այսպես էլ կանցնի» սկզբունքը։

Ամերիկյան ինստիտուտը գնահատել է` ինչպես է Sputnik–ը լուսաբանել Աֆրիկայի դեպքերը

Հասկանալի է, որ RT–ի հեռարձակման արգելքը քաղաքական որոշում է։ Բայց մի՞թե այն հնարավոր չէր իրավաբանորեն ավելի «մաքուր» դրդապատճառով բացատրել։ Բնականաբար, հնարավոր էր։ Սակայն դրա համար ավելի մեծ ջանքեր ստիպված կլինեին գործադրել, պատասխանատու գերատեսչությունները պետք է լարվեին` օրենսդրության մեջ սողանցքներ փնտրելով։

Ժամանակին հենց այդ առանձնահատկությունն էր (իրավաբանական ճկունություն, կայացվող որոշումների գոնե արտաքին անթերիություն) արևմտյան ժողովրդավարության կարևորագույն հաղթաթղթերից մեկը։ Այն բավական շահավետ էր դիտվում այլ քաղաքական համակարգերի ֆոնին, որոնք հակված չէին այդքան գլուխ կոտրել ֆորմալ ընթացակարգերը պահպանելու համար։

Բայց այս ընթացքում շատ ջրեր են հոսել։ Մերձբալթյան երկրները RT–ի հեռարձակման արգելքի հարցում գնացին բոլորովին այլ ու ավելի հզոր գերտերությունների վերջին տարիների ստուգված ճանապարհով։

Ամերիկացիների համար անհայտ փոշիով լցված սրվակը թափահարելը փաստացի փոխարինվեց իրական պատճառների փնտրտուքով։ Հենց այդ հանգամանքներով կարելի էր միջազգային հանրության աչքում հիմնավորել Իրաք ներխուժելու անհրաժեշտությունը։

Բրիտանացիները հսկայական շոու կազմակերպեցին Սկրիպալի թունավորման հետ կապված, և նրանց ամենևին չէր հետաքրքրում ուշադիր աչքի համար այս գործում առկա ակնհայտ «բացերը»։ Նիդեռլանդները, որոնք արդարադատությունն իրենց ազգային բրենդն են դարձրել, МН17 գործով դատական գործընթացում այնպիսի իրավական «կուլբիտներ» են անում, որ նույնիսկ զարմանալ արդեն չի հաջողվում։

Նման օրինակները, ոչ միայն Ռուսաստանի, այլև Չինաստանի, Իրանի, Վենեսուելայի և այլ «իզգոյ–երկրների» նկատմամբ այնքան շատ են, որ վաղուց արդեն հազվագյուտ բացառությունից սովորական երևույթի են վերածվել։ Այդ ֆոնին չափազանց ներդաշնակ է դիտվում Լիտվայի և Լատվիայի իշխանությունների դիրքորոշումը RT–ի հեռարձակման արգելքի հետ կապված։ Ինչու լարվել, եթե ակնհայտ դատարկաբանությունը կարելի է պարզապես որպես պաշտոնական դիրքորոշման ներկայացնել։

Դա նույնիսկ իր տրամաբանությունն ունի. հակառուսական հայացքներով լսարանին կուրախացնի «RT–ն վերահսկող Կիսելյովի» մասին պարզաբանումները (ինչպես և «Պուտինի, որը թունավորել է Սկրիպալին», կամ «Դոնբասի երկնքում Կրեմլի խոցած Բոինգի»), իսկ Ռուսաստանին համակրող ուժերի վրա Արևմուտքն ակնհայտորեն իմաստ չի տեսնում ռեսուրսներ ծախսել, հավանաբար անհույս համարելով նրանց հետ համոզելու և իր կողմը բերելու քայլերը։

«Այլակարծության դեմ պայքարի վառ օրինակ». Չերիշևան` Sputnik Էստոնիայի հետ կատարվածի մասին

Ի սկզբանե այս մոտեցումն Արևմուտքի տեղեկատվական, քաղաքական, գաղափարական և նույնիսկ բարոյական մենաշնորհն էր։ Հենց այդ պատճառով նրանք ինչ-որ պահի դադարեցին մանրակրկիտ և բարձր պրոֆեսիոնալիզմով մշակել իրենց քաղաքականությունը`և՛ ընդհանրապես, և՛ մրցակիցների նկատմամբ։ Արդյունքում չնկատեցին, թե ինչպես զրկվեցին այդ մենաշնորհից, այդ թվում իմացության կորստի և «այսպես էլ կանցնի» համոզմունքով թքած ունենալու պատճառով։

Իսկ այժմ իրավիճակը նոր փուլ է թևակոխել։ Հիմա նույն այդ ուժերն իմաստ չեն տեսնում որակյալ աշխատելու և լուրջ ջանքեր գործադրելու այն պատճառով, որ յուրայինները «յոլա կգնան», իսկ թշնամուն միևնույն է չես համոզի։

Զարմանալին այստեղ այն է, որ նրանք լրջորեն կարծում են (և RT–ի վերաբերյալ մերձբալթյան երկրների թարմ որոշումներն այդ են ապացուցում), որ նման պրոֆեսիոնալ, իսկ ավելի ճիշտ ճչացող ոչ պրոֆեսիոնալ մոտեցումը կբերի Ռուսաստանի նկատմամբ գաղափարական և աշխարհաքաղաքական հաղթանակի։

0
թեգերը:
Էստոնիա, Լատվիա, Լիտվա, RT–ի հեռուստաալիքներ, Դմիտրի Կիսելյով, Sputnik
Ըստ թեմայի
ԱՄՆ-ն 640 հազար դոլար կտա Հայաստանին «մշակութային դիվանագիտության» զարգացման համար. RT
RT-ի թղթակիցը վիրավորվել է սիրիական Իդլիբում
Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել