Անահիտ Թարխանյան

«Եկեք չլարենք մթնոլորտը». Թարխանյանն արեց իր ընտրությունը

92
(Թարմացված է 11:52 23.09.2018)
Երևանի ավագանու ընտրություններում «Երևանի հանրություն» կուսակցության թեկնածու Անահիտ Թարխանյանը հավատում է, որ ընտրությունները կլինեն ազնիվ և արդար։

ԵՐԵՎԱՆ, 23 սեպտեմբերի — Sputnik. Երևանի ավագանու ընտրություններում «Երևանի հանրություն» կուսակցության թեկնածու Անահիտ Թարխանյանը լրագրողներին առաջարկեց չլարել մթնոլորտը։ Այդ մասին նա ասաց` պատասխանելով խախտումների և հարուցված քրեական գործերի մասին հարցին։

«Բոլորին շնորհավորում եմ տոնի կապակցությամբ», — ասաց Թարխանյանը` ողջունելով լրագրողներին, որոնք հավաքվել էին Հայաստանի Գրողների միության դռների մոտ, որտեղ պետք է քվեարկեր քաղաքապետի թեկնածուն։

  • Անահիտ Թարխանյան
    Անահիտ Թարխանյան
    © Sputnik / Asatur Yesayants.
  • Անահիտ Թարխանյան
    Անահիտ Թարխանյան
    © Sputnik / Asatur Yesayants
  • Անահիտ Թարխանյան
    Անահիտ Թարխանյան
    © Sputnik / Asatur Yesayants
1 / 3
© Sputnik / Asatur Yesayants.
Անահիտ Թարխանյան

«Սա կարևոր օր է քվեարկությունից հետո, առաջին ընտրությունները։ Ցանկանում եմ հավաստիացնել, որ կանցնեն ազնիվ և արդար։ Կոչ եմ անում բոլորին գալ և իրենց ընտրությունն անել», — ասաց Թարխանյանը։

Նա այս ընտրությունները մեծ իրադարձություն է համարում երևանցիների կյանքում։ Մյուս հարցերի մասին նախընտրեց լռել և ամեն ինչ քննարկել վաղը։

«Եկեք այսօր գնանք, քվեարկենք և լրացուցիչ լարված մթնոլորտ չստեղծենք ո՛չ ընտրողի, ո՛չ մեզ համար։ Այսօր տոն է», — ասաց Թարխանյանը։

Քվեարկությունից հետո նա նշեց, որ ընտրություն է կատարել հանուն երևանցիների, կանաչ Երևանի և իր երկրի։

Երևանի ավագանու արտահերթ ընտրությունները մեկնարկել են այսօր՝ սեպտեմբերի 23-ին, առավոտյան ժամը 08.00-ին, և կտևեն մինչև երեկոյան 20.00-ն: Երևանի ավագանու ընտրություններին մասնակցում է 12 քաղաքական կուսակցություն ու դաշինք:
92
թեմա:
Երևանի ավագանու ընտրություններ 2018 (109)
Ըստ թեմայի
Ինչպես քվեարկեց Նիկոլ Փաշինյանը. տեսանյութ
Օսիպյան. «ԲՀԿ–ի շտաբում ոստիկանության բոլոր գործողությունները եղել են օրենքի շրջանակում»
Եթե պետք լինի, համապատասխան գործողություններ կիրականացնենք, կապ չունի` որ թեկնածուի դեմ է
Երբեք պետք չէ անձնավորել, միմյանց վիրավորել. հանուն ինչի՞ քվեարկեց Արա Բաբլոյանը
Րաֆֆի Հովհաննիսյանը պատասխանեց ավանդական հարցին. հանուն ինչի քվեարկեց նա