Բաղանիս

Գիշերը Տավուշում անհանգիստ է եղել. Ադրբեջանը շարունակում է կրակել հայկական գյուղերի վրա

561
(Թարմացված է 10:01 17.09.2018)
Անցնող գիշեր ադրբեջանական զինուժը կրակել է Տավուշի մարզի սահմանամերձ գյուղերի վրա։ Հայկական գյուղերում խուճապ չկա։

ԵՐԵՎԱՆ, 17 սեպտեմբերի — Sputnik. Սեպտեմբերի 16-ի լույս 17-ի գիշերը Տավուշի մարզի Ադրբեջանին սահմանամերձ գյուղերում դարձյալ անհանգիստ է եղել։ Այս մասին Sputnik Արմենիային հայտնեցին Կոթի և Բաղանիս գյուղերի ղեկավարները։

Կոթիի գյուղապետ Ֆելիքս Մելիքյանի խոսքով` գյուղը կեսգիշերին մոտ ադրբեջանական դիրքերից շուրջ 1 ժամ, որոշ ընդհատումներով գնդակոծվել է։

Այս պահին գյուղում ճշտվում են հակառակորդի կրակոցներից հասցված վնասները։ Կոթիի գյուղապետը հայտնեց, որ գյուղում անվտանգ տարածք չկա։ Ամբողջ գյուղը դիտարկվում է ադրբեջանական դիրքերից։

Եվ այդուհանդերձ, վախի ու խուճապի տրամադրություններ կոթեցիների մեջ չկան։ Գյուղն անհանգիստ գիշերվանից հետ արթնացել է ու շարունակում է ապրել բնականոն կյանքով։ Գյուղացիներն աշխատում են, երեխաները` դպրոց ու մանկապարտեզ գնում։

«Խուճապի մատնվողները վաղուց գյուղում չեն ապրում»,– մեր հարցին ի պատասխան ասաց Ֆելիքս Մելիքյանը։

Բաղանիսի գյուղապետ Նարեկ Սահակյանն էլ Sputnik Արմենիային հայտնեց, որ անցնող գիշերը գյուղում վերջին օրերի համեմատ ավելի հանգիստ է անցել։ «Կրակոցներն եղել են, բայց ոչ շատ։ «Այս գիշեր համեմատաբար հանգիստ է անցել։ Բայց ադրբեջանական կրակոցները լռել են միայն հայկական կողմի պատասխան կրակոցից հետո»,– ասաց գյուղապետը։

Հիշեցնենք, որ սեպտեմբերի 14-ին ադրբեջանական զինված ուժերը գնդակոծել էին ՀՀ Տավուշի մարզի սահմանամերձ Չինարի գյուղի բնակելի տներն ու մանկապարտեզի շենքը։

Նախօրեին Տավուշի մարզի Կոթի գյուղում ադրբեջանական կրակոցներից հրազենային վնասվածք էր ստացել գյուղի բնակիչ Սուրեն Սեփխանյանը։ Մինչ այդ ադրբեջանցիները գնդակոծությունների էին ենթարկել նաև նույն մարզի սահմանամերձ Վազաշեն, Բաղանիս և Կոթի գյուղերն ու ավտոճանապարհները։

ԱԳՆ մամուլի քարտուղար Տիգրան Բալայանը Sputnik Արմենիային հայտնել էր, որ ՀՀ ԱԳՆ-ն ադրբեջանական զինուժի պարբերական գնդակոծությունների մասին տեղեկացրել է ԵԱՀԿ գործող նախագահի անձնական ներկայացուցիչ Անջեյ Կասպշիկի գրասենյակին:

561
թեգերը:
Հայաստան
թեմա:
Սահմանին տիրող իրավիճակը (144)
Ըստ թեմայի
Ադրբեջանը գնդակոծում է Տավուշի Բաղանիս գյուղը. գյուղացիներն ավելի զգուշավոր են դարձել
Սահակյան. «Ադրբեջանական հենակետից գնդակոծել են Տավուշի մարզի Բաղանիս գյուղը»
Ինչպես է անցնում Տավուշի սահմանագիծ մեկնած ոստիկանների ծառայությունը. լուսանկարներ
Генеральный секретарь ООН Антониу Гутерриш дает интревью Associated Press (18 февраля 2020). Лахор, Пакистан

Փաշինյանն ու ՄԱԿ–ի գլխավոր քարտուղարը հեռախոսազրույց են ունեցել

9
ՀՀ վարչապետի ու Գուտերեշի հեռախոսազրույցը կայացել է վերջինիս նախաձեռնությամբ։ ՄԱԿ–ի գլխավոր քարտուղարը մտահոգված է ղարաբաղա-ադրբեջանական սահմանագոտում տիրող իրավիճակով։

ԵՐԵՎԱՆ, 29 սեպտեմբերի – Sputnik.  ՀՀ վարչապետ Նիկոլ Փաշինյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Տեղեկությունը հայտնում է ՀՀ վարչապետի մամուլի ծառայությունը` նշելով, որ զրույցը կայացել է Գուտերեշի նախաձեռնությամբ:

Վարչապետն անդրադարձել է ղարաբաղա-ադրբեջանական սահմանագոտում տիրող իրավիճակին և ընդգծել Ադրբեջանի կողմից սանձազերծված պատերազմի փաստը: Նիկոլ Փաշինյանը նշել է, որ ի տարբերություն նախորդ տարիների էսկալացիաներին՝ այս մեկին բնորոշ է Թուրքիայի խիստ ակտիվ և կողմնակալ դիրքորոշումն ու ապակայունացնող ուղղակի ներկայությունն ադրբեջանական գործողություններում:

ՄԱԿ-ի գլխավոր քարտուղարը խոր մտահոգություն է հայտնել ստեղծված իրավիճակով և զարգացումներով՝ ընդգծելով ԵԱՀԿ Մինսկի խմբի շրջանակում խաղաղ գործընթացի վերսկսման անհրաժեշտությունը:

 

9
Ժիրայր Ռեիսյան

Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր

54
Սիրիայում շատ լավ գիտեն՝ ինչպես է Թուրքիան քողարկված կերպով միջամտել այլ երկրների գործերին․ այնտեղ գրեթե տասը տարի է` ահաբեկչական պատերազմ է, որը մատակարարվում է թուրքական տարածքից։

ԵՐԵՎԱՆ, 29 սեպտեմբերի – Sputnik. Սիրիական հասարակությունը լավ գիտի Ղարաբաղյան հակամարտության ու Թուրքիայի գործողությունների մասին։ Sputnik Արմենիայի հետ զրույցում ասաց Սիրիայի խորհրդարանի պատգամավոր Ժիրայր Ռեիսյանը։

Արցախա–ադրբեջանական շփման գոտում ծավալված ռազմական գործողությունների ֆոնին տեղեկություններ տարածվեցին, որ Թուրքիան գրոհայիններ է տեղափոխել Ադրբեջան։ Ընդ որում` ուղարկել է նրանց, ովքեր կռվում էին Սիրիայի օրինական կառավարության դեմ։

Հարցին՝ արդյո՞ք գրոհայինների մասին տեղեկությունը քննարկվել է Սիրիայի խորհրդարանում կամ կառավարությունում, Ռեիսյանը պատասխանեց` քանի դեռ տեղեկությունը ստուգված չէ ու ենթադրության մակարդակի վրա է, պաշտոնապես չեն մեկնաբանվում։ Ոչ ոք չի զարմանա, եթե հենց այդպես էլ եղել է։ Նա ավելացրեց` որովհետև տարբեր տեսակի վարձկաններն ու ահաբեկիչները ի վերջո պետք է ինչ–որ տեղ տարվեին։

Ռեիսյանն ընդգծեց, որ վերջին երկու օրվա ընթացքում սիրիական բազում պարբերականներ արդեն լուսաբանել են Ղարաբաղյան հակամարտությունը՝ հիշատակելով նաև վարձկանների մասին տեղեկությունը։ Ռեիսյանն ինքը երեկ հարցազրույց է տվել Սիրիայի ազգային ռադիոյին, այսօր՝ Իրաքի հեռուստատեսությանն ու սիրիական մի քանի պարբերականների։

Ռուսաստանը Թուրքիային զսպելու համարժեք գործիքակազմ ունի. թուրքագետ

Հարցին՝ արդյոք սիրիական ԶԼՄ-ներում եղե՞լ են Ադրբեջանի հարձակումը կամ Թուրքիայի միջամտությունը արդարացնող հրապարակումներ, Ռեիսյանն ասաց, որ նման բան լինել չէր կարող, քանի որ Սիրիան շատ լավ գիտի՝ ով է Էրդողանն ու ինչ է ուզում։

Նա հիշեցրեց, որ 2015 թվականին Հալեպը գնդակոծվեց Թուրքիայի աջակցությամբ։ Ահաբեկիչները շատ մոտ էին Թուրքիայի սահմանին՝ 50 կիլոմետրի վրա, սահմանն էլ նրանց համար լրիվ ազատ էր։ Նոր Գյուղի ու Հալեպի հայկական այլ շրջանների վրա նետած արկերի վրա գրած էր. «Էնվեր փաշա»։ Հայերը բացառություն չեն. բազմազգ Սիրիայի այլ ժողովուրդների հանդեպ Անկարայի վերաբերմունքը (այժմ արդեն նաև ակնհայտ) առանձնապես չի տարբերվում։

«Հայաստանն ու Սիրիան բազում նմանություններ ունեն Թուրքիայի հանդեպ վերաբերմունքի հարցում, լինի դա նրա տարածողական քաղաքականությունը, թե իրեն գերտերություն պարտադրելը», - ավելացրեց Ռեիսյանն ու նշեց, որ Թուրքիան ուզում է ուրիշներին օգտագործել նեոօսմանյան նկրտումների համար՝ սեփական ուժերը պահպանելու նպատակով։ Սիրիան դա լավ է հասկանում։

Նշենք, որ Սիրիայի պատերազմից առաջ Էրդողանը լավ հարաբերությունների մեջ էր Բաշար Ասադի հետ, բայց հետո սկսեց բացահայտ հայտարարել, որ նա պետք է հեռանա։ 2020 թվականին փետրվարին Սիրիայի զորքերը Ռուսաստանի աջակցությամբ հարվածներ հասցրին թուրքական ստորաբաժանումներին, որոնք գրավել էին Իդլիբ նահանգն ու այնտեղ ահաբեկիչների էին թաքցնում։

ՀՀ ԱԳՆ տեղեկություններով՝ Արցախում գործում են թուրք վարձկան հրահանգիչներ, ադրբեջանական բանակը զինված է մեծ քանակությամբ թուրքական ԱԹՍ-ներով։ ՀՀ նախագահ Արմեն Սարգսյանն այսօր ՆԱՏՕ-ի համաժողովի ժամանակ ասել է, որ ՆԱՏՕ-ի անդամ Թուրքիան լիակատար կերպով աջակցում է Ադրբեջանին իր էլեկտրոնային դրոնների՝ կիբեռհարձակումների, ինչպես նաև անձնակազմի՝ խորհրդատուների, վարձկանների և անգամ F-16 կործանիչների միջոցով:

54
թեգերը:
Ժիրայր Ռեիսյան, Սիրիա, Արցախ, Ադրբեջան, Թուրքիա
Ըստ թեմայի
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Թուրքիան աշխարհում միակ երկիրն է, որը աջակցում է Արցախում հակամարտության սրմանը. Փայլան
Ռուսաստանը Թուրքիային զսպելու համարժեք գործիքակազմ ունի. թուրքագետ