Երևան

ԵՏՀ պատվիրակությունը հայկական բիզնեսի հետ կքննարկի ներդրումային մթնոլորտի բարելավման հարցը

37
(Թարմացված է 13:40 16.09.2018)
Հանդիպման մասնակիցները կքննարկեն ներդրումային մթնոլորտը բարելավելու, ապրանքների, ծառայությունների, կապիտալի և աշխատուժի ազատ տեղաշարժումն ապահովելու հարցերը:

ԵՐԵՎԱՆ, 16 սեպտեմբերի — Sputnik. Եվրասիական տնտեսական հանձնաժողովի (ԵՏՀ) պատվիրակությունը տնտեսական և ֆինանսական քաղաքականության հարցերով կոլեգիայի անդամ (նախարար) Տիմուր Ժակսիլիկովի գլխավորությամբ հայ բիզնես հանրության հետ կքննարկեն երկրում ներդրումային մթնոլորտը բարելավելու հարցը, հաղորդում է հանձնաժողովի մամուլի ծառայությունը:

Հանդիպումը կկայանա Երևանում սեպտեմբերի 19-ին: Հանդիպման ընթացքում ծրագրվում է ԵԱՏՄ գործունեության արդի հարցերի լայն շրջանակ քննարկել հայ ձեռնարկատերերի հետ:

Մասնավորապես, հանդիպման օրակարգում ներառված են կարգավորիչ միջավայրը և ներդրումային մթնոլորտը բարելավելու, ապրանքների, ծառայությունների, կապիտալի և աշխատուժի ազատ տեղափոխության, ԵԱՏՄ շրջանակում ընդհանուր շուկաների գործունեության համար արգելքները բացահայտելու և վերացնելու հարցերը:

Հայաստանի գործարարների և տնտեսվարող սուբյեկտների միավորումների ներկայացուցիչները կարող են տալ իրենց հուզող հարցերը, որոնք վերաբերում են ԵՏՀ իրավասությանը և եվրասիական ինտեգրացիայի զարգացմանը:

37
թեգերը:
Եվրասիական Տնտեսական Միություն (ԵԱՏՄ), Հայաստան
Ըստ թեմայի
Փոխվարչապետն առաջարկում է անցնել ԵԱՏՄ միասնական արժույթի
Ինչ կտա ԵԱՏՄ-ին ԱՀԿ-ում դիտորդի կարգավիճակը, և ինչ կապ ունի Հայաստանը
Ուժեղ ռուբլին օգուտ է տալիս ԵԱՏՄ երկրների տնտեսություններին. փորձագետը բացատրեց` ինչու
Ի՞նչ կանի Հայաստանը, եթե դիտարկվի Ադրբեջանի` ՀԱՊԿ–ին և ԵԱՏՄ–ին անդամակցելու հարցը
Հայաստանը ԵԱՏՄ-ում․ տնտեսագետը ներկայացրել է հիմնական խնդիրներն ու թերացումները