ԵՐԵՎԱՆ, 12 սեպտեմբերի — Sputnik. Համացանցում լուրեր են տարածվել, որ ոստիկանները քիչ առաջ զինաթափել և բերման են ենթարկել Սամվել Ալեքսանյանի թիկնազորին։
ՀՀ ոստիկանության տեղեկատվության և հասարակայնության հետ կապերի վարչության պետ Աշոտ Ահարոնյանը Sputnik Արմենիայի հետ զրույցում հաստատեց, որ 5 մարդու բերման են ենթարկել, սակայն չնշեց, թե ովքեր են նրանք։
«5 հոգու են բերման ենթարկել, նրանցից մի քանիսը զինված են։ Հիմա ստուգում են զենքերի օրինական լինելը», — ասաց Ահարոնյանը։
Համացանցում նաև տեսանյութ է հրապարակվել, որում է երևում է «ռեյդ-զինաթափում» օպերացիան։Հիշեցնենք, որ երեկ երեկոյան Դավթաշենում հրավիրված նախընտրական հանրահավաքում վարչապետ Նիկոլ Փաշինյանը ԱԱԾ-ին և ոստիկանությանը հանձնարարեց «ռեյդ անել, օլիգարխներին, բարձրաստիճան պաշտոնյաներին, թիկնազորներին պառկեցնել ասֆալտին և զինաթափել» և 2 ժամվա ընթացքում զեկուցել իրեն։ Նա հայտարարեց, որ եթե գերատեսչությունները չկարողանան երկրում կարգ ու կանոն հաստատել, ապա ինքն անձամբ կհագնի «կամուֆլյաժն» ու կանի դա:
