Փաշինյանը խոսեց ծիծաղելի գների մասին և ասաց` ուր պետք է գնան վարձակալության գումարները
(Թարմացված է 17:28 11.08.2018)
Տավուշի մարզում վարչապետի հետ աշխատանքային քննարկման ժամանակ հետաքրքիր փաստեր են բացահայտվել։ Արամ Հարությունյանը տարիներ շարունակ հրաժարվել է վճարել վարձակալության դիմաց գոյացած միլիոնները։ԵՐԵՎԱՆ, 11 օգոստոսի — Sputnik. «Սևան» և «Դիլիջան» ազգային պարկերում հողատարածքները ծիծաղելի գներով են վարձակալության են տրված։ Այսօր Դիլիջանում մարզային ու համայնքային ղեկավար կառույցների ներկայացուցիչների հետ անցկացրած աշխատանքային խորհրդակցության ժամանակ հայտարարեց վարչապետ Նիկոլ Փաշինյանը։
«Ես գիտեմ, որ «Դիլիջան» ազգային պարկում ընդհուպ 5 դրամով, 50 դրամով վարձակալության տրված հողեր կան։ Մեր մոտեցումը պետք է լինի բոլոր այդ պայմանագրերը վերանայել հետևյալ տրամաբանությամբ. կա՛մ դրանք բերվում են նորմալ գնային իրավիճակի, կա՛մ եթե նման ծիծաղելի գումարով է տրվում, պետք չէ ընդհանրապես վարձակալության տալ, թող դրանք մնան նորմալ անտառ, որպեսզի մարդիկ կարողանան հավասար կերպով օգտվել այդ անտառներից»,- ասաց վարչապետը։
Ներկաներից մեկը Նիկոլ Փաշինյանին հայտնեց, որ բնապահպանության նախկին նախարար Արամ Հարությունյանն 83 մլն դրամի հողատարածքի վարձակալության պարտք ունի ազգային պարկին։
©
Photo : press office of the Government of RA
«Տարիներ շարունակ ասել է` կվճարեմ ու չի վճարում»,- ասաց Ազգային պարկի ներկայացուցիչը։
Վարչապետը վստահեցրեց, որ որևէ կապ չունի, թե ով է տարածքի վարձակալը։ Թե՛ Դիլիջանում և թե՛ Սևանում վարձակալության պայմանագրերը պետք է ուսումնասիրվեն ու վերանայվեն։
«Սևանում, ուր գնում ես, տեսնում ես ցանկապատ է դրած։ Այդ ցանկապատները պետք է ընդհանրապես վերացնել։ Եվ հիմնականում այդ ամենը կապվում է պաշտոնյաների անունների հետ։ Կապ չունի` նախկին թե ներկա։ Պաշտոնյայի գործը պետական ծառայություն իրականացնելն է, ոչ թե այս ու այնտեղ վարձակալություն կամ սեփականություն ձեռք բերելը»,- ասաց Փաշինյանը։
Նա շեշտեց, որ բնության տարածքների վարձակալությունից ստացված գումարները պետք է ծառայեն բնությանը հասցված վնասի վերականգնմանը և հանձնարարեց խնդրին հրատապ լուծում տալ։
թեգերը:
Հայաստանն այս տարի չի մասնակցի «Եվրատեսիլին»
(Թարմացված է 14:40 05.03.2021)
Հանրային հեռուստաընկերությունը հայտարարություն է տարածել` հայտնելով, թե որն է նման որոշում կայացնելու պատճառը։ ԵՐԵՎԱՆ, 5 մարտի – Sputnik. Համապարփակ քննարկումներից և բանակցություններից հետո Հանրային հեռուստաընկերությունը հայտարարում է, որ Հայաստանն այս տարի չի մասնակցի «Եվրատեսիլ» երգի միջազգային մրցույթին:
«Տեղի ունեցած իրադարձությունները, ժամանակի սղությունը և այլ օբյեկտիվ հանգամանքներ անհամադրելի են երգի մրցույթում Հայաստանի պատշաճ ներկայացման հետ»,– նշված է հեռուստաընկերության տարածած հաղորդագրության մեջ, որը հրապարակվել է Facebook–ում:
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն կորոնավիրուսի համավարակի պատճառով: Հայաստանը պետք է ներկայացներ Աթենա Մանուկյանը։
«Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Ռոտերդամում անցկացվելիք մրցույթի նոր կանոնները կապված են կորոնավիրուսային իրավիճակի և վարակի տարածման կանխարգելման հետ։ «Եվրատեսիլի» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։ Իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։
Հայաստանի հավաքականի նախկին ֆուտբոլիստը Հարավային Ամերիկայում ՀՖՖ դեսպան է նշանակվել
(Թարմացված է 14:39 05.03.2021)
Ֆուտբոլիսն ասել է, որ շատ երջանիկ է կրկին հայկական ֆուտբոլում ներգրավված լինելու հնարավորության համար։ ԵՐԵՎԱՆ, 5 մարտի – Sputnik. Հայաստանի ազգային հավաքականի նախկին կիսապաշտպան Մարկոս Պիզելին նշանակվել է Հարավային Ամերիկայում ՀՖՖ դեսպան: Տեղեկությունը հայտնում է Հայաստանի ֆուտբոլի ֆեդերացիայի մամուլի ծառայությունը։
ՀՖՖ պաշտոնական կայքի հետ զրույցում Մարկոս Պիզելին խոսել է իր զգացողությունների, ծրագրերի և նպատակների մասին։
«Շատ երջանիկ եմ կրկին հայկական ֆուտբոլում ներգրավված լինելու հնարավորության համար: Կանեմ առավելագույնը՝ Հայաստանին վերադարձնելու այն ամենը, ինչ այդ երկիրն է տվել ինձ: Իմ գործառույթներից մեկը կլինի տարբեր միջոցառումների ժամանակ Հայաստանը ներկայացնելը: Բացի այդ, ես պետք է ավելի սերտ հարաբերություններ հաստատեմ Հարավային Ամերիկայում հայկական սփյուռքի հետ: Հնարավոր է՝ կարողանամ նոր ֆուտբոլիստներ հայտնաբերել, որոնք ապագայում կհամալրեն Հայաստանի ազգային հավաքականը: Ես մեծ ցանկություն ունեմ սովորելու: Վստահ եմ՝ ՀՖՖ-ն կաջակցի ինձ այդ հարցում, իսկ ես կփորձեմ իմ ներդրումն ունենալ հայկական ֆուտբոլի զարգացման գործում»,– ասել է նա:
ՀՖՖ նախագահ Արմեն Մելիքբեկյանը ևս անդրադարձել է Մարկոս Պիզելիի նշանակմանը:
©
Sputnik / Asatur Yesayants
«Մոտ մեկ ամիս առաջ արդեն հայտարարել էինք Յուրա Մովսիսյանի՝ Հյուսիսային Ամերիկայում ՀՖՖ դեսպան նշանակվելու մասին: Այժմ որոշել ենք, որ նմանատիպ գործառույթներով Հարավային Ամերիկայում կզբաղվի մեր նշանավոր ֆուտբոլիստներից ևս մեկը՝ Մարկոս Պիզելին: Մենք շարունակում ենք հավատարիմ մնալ մեր որդեգրած քաղաքականությանը. մեզ համար շատ կարևոր է, որպեսզի Հայաստանի ազգային հավաքականում մեծ ներդրում ունեցած ֆուտբոլիստները շարունակեն ներգրավված մնալ հայկական ֆուտբոլում, իրենց փորձն ու գիտելիքները ծառայեցնեն հայկական ֆուտբոլի զարգացմանը: Հարավային Ամերիկան շատ կարևոր տարածաշրջան է մեզ համար: Այստեղ կան հայկական մեծաքանակ համայնքներ, որոնցում շատ են ֆուտբոլով զբաղվող երիտասարդները: Վստահ եմ, որ Մարկոս Պիզելին հենց այն անձնավորությունն է, որը կարող է գտնել հայազգի ֆուտբոլիստներ, որոնք կարող են համալրել Հայաստանի տարբեր տարիքային հավաքականները»,– ասել է Մելիքբեկյանը:
Հիշեցնենք` հունվարի 11-ին հայտնի դարձավ, որ Բրազիլիայում անհատական պարապմունքների ժամանակ ստացած վնասվածքի պատճառով ֆուտբոլիստը հավելյալ բուժզննում է անցել Հայաստանում, և պարզ է դարձել, որ նրան անհրաժեշտ է վիրահատություն, որից, սակայն, Պիզելին հրաժարվել է և որոշել է ավարտել իր կարիերան:
Հայաստանի ազգային հավաքականի կազմում Պիզելին անցկացրել է 66 խաղ ու դարձել 11 գոլի հեղինակ: Բրազիլացի ֆուտբոլիստը 35 տարեկան է։