Երևանի քաղաքապետարան

«Երևան» հիմնադրամում արձանագրվել է մոտ 2 միլիարդ դրամի վատնում. Վանեցյան

311
(Թարմացված է 15:06 09.08.2018)
Լուրը լրագրողների հետ զրույցում հայտնել է ՀՀ ԱԱԾ պետ Արթուր Վանեցյանը։

ԵՐԵՎԱՆ, 9 օգոստոսի — Sputnik. Նախնական տվյալներով` «Երևան» հիմնադրամում արձանագրվել է 1,8 մլրդ դրամի կամ 3,75 մլն դոլարի վատնում: Այս մասին այսօր լրագրողների հետ զրույցում ասաց է ՀՀ ազգային անվտանգության ծառայության տնօրեն Արթուր Վանեցյանը:

«Այս պահի դրությամբ արձանագրել ենք 1,8 մլրդ դրամի վատնում», — հայտնեց նա:

Հիշեցնենք, որ ավելի վաղ «Երևան» հիմնադրամի տնօրեն Աշոտ Ղազարյանն ու Դավթաշեն վարչական շրջանի ղեկավարի տեղակալ Խաչատուր Կիրակոսյանը ձերբակալվել են:Հունիսի 13-ին հայտնի է դարձել, որ ՀՀ քաղաքացիներ Վ.Գ.-ից և Ա.Խ.-ից այն մասին, որ Երևանի քաղաքապետարանի պաշտոնատար անձինք, կառուցապատման և գույքի ձևակերպման համապատասխան թույլտվություններ տրամադրելու դիմաց, բացի օրենքով սահմանված վճարումներից, իրենց պարտադրել են «Երևան» հիմնադրամին փոխանցել խոշոր չափերով գումարներ:

Նյութերի նախապատրաստման ընթացքում պարզվել է, որ վերոնշյալ պատրվակով առձեռն ստացված գումարների մի մասը հիմնադրամի հաշվեհամար չի մուտքագրվել և հափշտակվել է:

Հանցագործության մասին հաղորդումների հիման վրա ՀՀ ԱԱԾ քննչական վարչությունում հարուցվել է քրեական գործ ՀՀ քրեական օրենսգրքի 308-րդ հոդվածի 2-րդ մասի («Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ») և 178-րդ հոդվածի 2-րդ մասի 1.1 կետի («Պաշտոնական դիրքն օգտագործելով կատարված խարդախություն») հատկանիշներով:

Երևանի քաղաքապետարանի վարչական շենքում տեղակայված «Երևան» հիմնադրամի աշխատասենյակներում քրեական գործով կատարվել են խուզարկություններ: Իրականացվում են լայնածավալ օպերատիվ-հետախուզական միջոցառումներ և քննչական գործողություններ` քաղաքացիներից գումարների հավաքագրման հանգամանքները, ծախսերի ուղղությունները և նպատակայնությունը, ինչպես նաև օրինականությունը պարզելու ուղղությամբ:

311
թեգերը:
ՀՀ ազգային անվտանգության ծառայություն. ԱԱԾ, Տարոն Մարգարյան, Արթուր Վանեցյան
Ըստ թեմայի
ԱԱԾ-ն բերման է ենթարկել Մարտունու զինկոմին
ԱԱԾ–ն կոռուպցիոն նոր սխեմա է բացահայտել. ինչպես են զորակոչիկներին ազատել ծառայությունից
ԱԱԾ–ի ներկայացուցիչը պարզաբանում է ուրիշի ավտոմեքենայով Վրաստան մուտք գործելու կանոնները
Կրկին Նարեկ Սարգսյանը. նախաքննությունը հանձնարարվել է ԱԱԾ քննչական վարչությանը
ԱԱԾ–ն առաջիկայում կոռուպցիոներների նոր անուններ կհնչեցնի
Հունաստանի խորհրդարան

Հունաստանի խորհրդարանը վավերացրեց ՀՀ-ԵՄ համաձայնագիրը

4
(Թարմացված է 14:46 08.07.2020)
Փաստաթղթի վավերացմանը դեմ է արտահայտվել Հունաստանի Կոմունիստական կուսակցությունը: Կողմ են արտահայտվել իշխող «Նոր ժողովրդավարություն», հիմնական ընդդիմադիր «ՍԻՐԻԶԱ», «Փոփոխության Շարժում», «Հունական լուծում» և «Մերա 25 » կուսակցությունները:

ԵՐԵՎԱՆ, 8 հուլիսի – Sputnik. Հուլիսի 7-ին Հունաստանի խորհրդարանի լիագումար նիստում վավերացվել է Հայաստանի Հանրապետության և Եվրոպական միության միջև համապարփակ և ընդլայնված գործընկերության համաձայնագիրը: Տեղեկությունը հայտնում է Հունաստանում Հայաստանի դեսպանությունը։

Նիստը նախագահել է Հունաստանի խորհրդարանի նախագահի տեղակալ Աթանասիոս Բուրասը՝ «Նոր ժողովրդավարություն» կուսակցությունից:

Համաձայնագիրը խորհրդարան էր մտել հունիսի 24-ին:

Հուլիսի 1-ին Հունաստանի խորհրդարանի արտաքին գործերի և ազգային պաշտպանության մշտական հանձնաժողովում վավերացմանը նախորդել էր համաձայնագրի վերաբերյալ քննարկումներն ու լսումները, որի հիմնական բանախոսներն էին իշխող «Նոր ժողովրդավարություն» կուսակցության պատգամավոր Աթանասիոս Կավվադասը և հիմնական ընդդիմադիր «ՍԻՐԻԶԱ» կուսակցության պատգամավոր Աթանասիոս (Նասոս) Եվֆիմիու Աթանասիոսը:

Համաձայնագրին կողմ են արտահայտվել իշխող «Նոր ժողովրդավարություն», հիմնական ընդդիմադիր «ՍԻՐԻԶԱ», «Փոփոխության Շարժում» (Կինիմա Ալաղիս), «Հունական լուծում» (Էլլինիկի Լիսի) և «Մերա 25 » կուսակցությունները:

Դեմ է արտահայտվել Հունաստանի Կոմունիստական կուսակցությունը:

Հիշեցնենք` Հայաստանի Հանրապետության և Եվրոպական միության միջև Համապարփակ և ընդլայնված գործընկերության համաձայնագիրը ստորագրվել էր 2017թ.–ի նոյեմբերի 24-ին Բրյուսելում: Այն արդեն վավերացրել են Բուլղարիան, Չեխիան, Դանիան, Գերմանիան, Էստոնիան, Իռլանդիան, Կիպրոսը, Լատվիան, Լիտվան, Լյուքսեմբուրգը, Հունգարիան, Մալթան, Լեհաստանը, Ռումինիան, Սլովակիան, Ֆինլանդիան, Միացյալ Թագավորությունը և Հայաստանի Հանրապետությունը:

Ֆրանսիայի Սենատը ընդունեց Հայաստան- ԵՄ համաձայնագրի վավերացումը թույլատրող օրենք

4
թեգերը:
համաձայնագիր, Հունաստան, Եվրամիություն, Հայաստան
Ըստ թեմայի
Չեխիան վավերացրել է Հայաստան–ԵՄ համաձայնագիրը
Գերմանիան վավերացրել է ՀՀ-ԵՄ համաձայնագիրը
Ստորագրվել է ռեադմիսիայի մասին ՀՀ-ԵՄ համաձայնագիրը կիրարկող արձանագրություն
Ամպրոպաբեր ամպեր. արխիվային լուսանկար

Սև ծովից ցիկլոն է գալիս. Սուրենյանն ասել է` ինչպես պաշտպանվել

44
(Թարմացված է 14:31 08.07.2020)
Հանրապետությունում ուլտրամանուշակագույն ճառագայթման ինտեսիվությունը շարունակում է նորմայից բարձր մնալ։

ԵՐԵՎԱՆ, 8 հուլիսի – Sputnik. Սև ծովից ցիկլոնի ներթափանցմամբ պայմանավորված` հուլիսի 9-13-ին` հատկապես երեկոյան ժամերին, Հայաստանի Հանրապետության առանձին շրջաններում սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ամպրոպների ժամանակ հնարավոր են ուժեղ քամիներ, պոռթկումները` մինչև 25-30մ/վրկ։ Տեղեկությունը Facebook–ի իր էջում հայտնել է Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

Հայաստանում ուժգին քամի է լինելու. ցիկլոնը վտանգավոր է

«Ազգաբնակչությանը խորհուրդ ենք տալիս ամպրոպի ժամանակ խուսափել բացօթյա տարածքներում գտնվելուց։ Օդի ջերմաստիճանը հուլիսի 9-11-ին աստիճանաբար կնվազի 6-8 աստիճանով»,–գրել է Սուրենյանը:

Նա հիշեցրել է, որ ուլտրամանուշակագույն ճառագայթման ինտեսիվությունը սպասվում է նորմայից բարձր և խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արևի ուղիղ ճառագայթներից։

Պարետը նոր որոշում է ստորագրել. ոմանք կարող են դիմակ չդնել

44
թեգերը:
ցիկլոն, Հայաստան, Անձրև, Քամի, Գագիկ Սուրենյան
Ըստ թեմայի
Գագիկ Սուրենյանը կոչով դիմել է գյուղատնտեսներին
Տորնադո Գավառ քաղաքում. Գագիկ Սուրենյանը լուսանկար է հրապարակել
Հայկական ամառը մոտենում է. Գագիկ Սուրենյանը 37-38 աստիճան տաքություն է կանխատեսում

Առանց դիմակի, խմած ու բորբոքված. ինչ է եղել իրականում Ստեփանավանում

0
Դիմակ չդնելու համար ոստիկանները փորձել են տուգանել մի տղամարդու, սակայն վերջինս ալկոհոլի ազդեցության տակ է եղել և չի ենթարկվել ոստիկանների պահանջներին։

ՀՀ ոստիկանությունը տեղեկացնում է, որ համացանցում տեսանյութ է տարածվել` հերթական անգամ փորձ անելով խեղաթյուրել ոստիկանության գործողությունները։

Ստեփանավանում միջադեպ էր տեղի ունեցել ոստիկանության ծառայողների և քաղաքացիների միջև։ Ոստիկանությունը հայտնում է, որ միջադեպի տեսագրությունը մեկնաբանվում է հետևյալ կերպ` իբր ոստիկանության Ստեփանավանի բաժնի ծառայողները քաղաքացուն բերման են ենթարկում դիմակ չդնելու համար։

«Հուլիսի 3-ին Ստեփանավանում ոստիկանները նկատել են «Օպել» մակնիշի ավտոմեքենա, որի ուղևորներից մեկը դիմակով չէ։ Ոստիկանները տղամարդուն ներկայացրել են իրավախախտումը և պահանջել անձը հաստատող փաստաթուղթ՝ արձանագրություն կազմելու համար։ Նա, գտնվելով ալկոհոլի ազդեցության տակ, չի ներկայացրել փաստաթուղթ և հայհոյանքներ է հնչեցրել՝ չկատարելով ոստիկանության ծառայողների օրինական պահանջները»,–նշված է ոստիկանության հաղորդագրության մեջ։

Ոստիկանության ծառայողները փորձել են նրան բերման ենթարկել, սակայն այդ ընթացքում տղամարդը հարվածներ է հասցրել նրանց։ Տարածք հրավիրված օժանդակ ուժերի միջոցով տղամարդը բերման է ենթարկվել ոստիկանության Ստեփանավանի բաժին։

Դեպքի առթիվ քրեական գործ է հարուցվել քրեական օրենսգրքի 316-րդ հոդվածի 1-ին մասի` իշխանության ներկայացուցչի նկատմամբ բռնություն գործադրելու հատկանիշներով։

Տղամարդը ձերբակալվել է։

Ոստիկանությունը հայտնում է նաև, որ նախորդ տարի նույն անձը, դարձյալ գտնվելով ալկոհոլի ազդեցության տակ, չի կատարել ՃՈ–ի օրինական պահանջները և դիտավորությամբ վնասել է նրանց ծառայողական ավտոմեքենան։ Այս դեպքի առթիվ ևս քրեական գործ էր հարուցվել։

Նշենք, որ մայիսի 25-ից Հայաստանում դիմակ դնելը պարտադիր է հանրային տրանսպորտում և նույնիսկ փողոցում։ Միակ բացառությունը տունն է և սրճարանը։

Դիմակ չդնելու համար քաղաքացիները կարող են տուգանվել 10 000 դրամի չափով։

Ֆրանսիայում ուղևորները ծեծելով սպանել են ավտոբուսի վարորդին, որը պահանջել է դիմակ դնել

0
թեգերը:
ալկոհոլ, տղամարդ, ՀՀ Ոստիկանություն, Ոստիկանություն, Ստեփանավան
թեմա:
Կորոնավիրուսը Հայաստանում և Արցախում