Նորակառույցներ

Բնակարանային հարց. երևանցիները ստիպված են ընտրություն կատարել հյուղակի ու դղյակի միջև

1169
Ուզու՞մ եք ապշեք։ Անշարժ գույքի վաճառքի մասին կայքերն ուսումնասիրեք։ Կոնտրաստն ապշեցնում է ու ստիպում մտածել` ով ու ինչպես է Երևանում բնակարան ընտրում։

Նանա Մարտիրոսյան. Sputnik Արմենիա

Հայաստանի անշարժ գույքի շուկայում քաոս է տիրում։ Դրանում համոզվելու համար բավական է մի քանի օր հետևել կայքերում անշարժ գույքի վաճառքի մասին հայտարարություններին։

Ռիելթորական ընկերությունները կտրուկ տատանումները բացատրում են առաջին հերթին ներքաղաքական գործընթացներով։

Ստեղծվել է իրավիճակ, երբ անշարժ գույքի սեփականատերերի հիմնական մասը, վստահելով ռիելթերների կանխատեսումներին, որ մինչև տարեվերջ գները 15%–ով աճելու են, դեռ չեն շտապում դրանց հրաժեշտ տալ, իսկ այն մարդիկ, ովքեր արդեն վաճառել են բնակարանը, չեն կարողանում նորը գնել։

Իրավիճակը բարդացնում են սոցիալական ու տնտեսական ծանր վիճակը, գնաճը ու հիփոթեկային վարկերի բարձր տոկոսադրույքները, որոնք «բնակարանային հարցն» էլ ավելի արդիական է դարձնում։ Այդ ֆոնին անհնար է անտեսել շատ աչք ծակող գներով հայտարարությունները։

Որոշ թվեր այնքան ապշեցուցիչ են, որ դժվար է պատկերացնել` ով կարող է իրեն թույլ տալ Հայաստանում այդպիսի անշարժ գույք գնել։ Բայց կարծես բախտավորներ կան։

Sputnik Արմենիան ուսումնասիրել է Հայաստանի բնակարանների առքուվաճառքի ամենախոշոր կայքերն ու ներկայացնում է ամենաթանկ ու ամենաէժան բնակարանները։

84 քառակուսի մետրը`750 հազար դոլար։ Կարծում եք` կատա՞կ է։ Ոչ։ Ամիրյան փողոցում, Հանրապետության հրապարակից հինգ րոպե հեռավորության վրա, մոնոլիտ շենքի 11–րդ հարկում կարելի է «երազանքի տունը» գնել։ Տերը վստահեցնում է, որ բնակարանը նախագծել ու կառուցել է հայտնի ճարտարապետական բյուրոն, իսկ շինարարության մեջ օգտագործվել են Իտալիայից ու Գերմանիայից բերած հատուկ նյութեր։ Բնակարանի հատակը բնական ընկուզենու և կաղնու մանրահատիկից է, տանը հայ հայտնի աբստրակցիոնիստ նկարիչների գործեր կան, օրիգինալ իտալական շրջանակաձողերի վրա մանրանկարներ ու գծանկարներ են կախված։

Ավելի համեստ եկամուտ ունեցող, բայց քաղաքի կենտրոնում բնակվել ցանկացող մարդկանց համար կան երկու սենյականի բնակարաններ 200–250 հազար դոլարով։ Սայաթ Նովա փողոցի վրա բնակարանի մեկ քառակուսի մետրն արժե 2747 դոլար, իսկ դրա ընդհանուր մակերեսը 31 քառակուսի մետր է։

Մյուսը գտնվում է Թումանյան փողոցի աղյուսե 5 հարկանի շենքի 3–րդ հարկում։ Բնակարանն ունի անհրաժեշտ տեխնիկա։ Կա առավելություն`  պատշգամբ, որը Կասկադին է նայում, բայց թերություններ էլ կան` բնակարանը միայն 74 քառակուսի մետր է։ Իսկ դա նշանակում է, որ այդ բնակարանի մեկ քառակուսի մետրը արժի 3108  դոլար։

Դժվար է հավատալ, բայց պարզվում է` Հայաստանում կարելի է վաճառել (կամ փորձել վաճառել) 40 քառակուսի մետրանոց մեկ սենյականոց բնակարանը 160  հազար դոլարով։ Բնակարանը գտնվում է Մոսկովյան փողոցի 6 հարկանի քարե շենքի չորրորդ հարկում։ Որպես առավելություն նշվում է վերելակի առկայությունն ու բաց պատշգամբը։

Հիմա խոսենք իսկապես հասանելի բնակարանների մասին, դրանք Երևանում, այնուամենայնիվ, կան։ Թեև պետք է նշել, որ դրանք հիմնականում ծայրամասերում են գտնվում։

Օրինակ` Խաղաղ Դոնի փողոցում միայն 9 հազար դոլարով կարելի է 17 քառակուսի մետրանոց բնակարան գնել։ Բնականաբար, պայմանները համեստ են, վերանորոգում չկա, կահույք էլ։

Մյուս ծայրամասում` Նուբարաշենում, կարելի է 14 500 հազար դոլարով 42 քառակուսի մետրանոց տուն գնել։

Հիշեցնենք` Ազգային վիճակագրական ծառայության տվյալներով` երկրի միջին աշխատավարձը կազմում է 170 հազար դրամից մի փոքր պակաս։ Կենտրոնական բանկի վերջին տվյալներով` հիփոթեկային վարկերի միջին տոկոսադրույքը ֆիզիկական անձանց համար մայիսի վերջին 11,3% է կազմում, ընդ որում` դրամային վարկերի միջին տոկոսադրույքը մայիսին կազմել է 12,81%։

2017 թվականին երկրում անշարժ գույքի ավելի քան 46,3  հազար գործարք է կնքվել։ Միայն Երևանում վերջին տարվա ընթացքում անշարժ գույքի առքուվաճառքի 14 հազար գործարք է եղել։ 2017 թվականին մեկ քառակուսի մետրի համար միջին գինը 550 դոլար է եղել, իսկ առավելագույն շեմը հասել է մի քանի հազար դոլարի։

1169
Ըստ թեմայի
ԿԲ-ն ու ՊՆ-ն քննարկել են «Մատչելի բնակարան զինծառայողներին» ծրագրի մանրամասները
Սպայական կազմի զինծառա­յողները բնակարան կգնեն առանց տոկոսադրույքի ու կանխավճարի
Գյումրիում կառուցվել է ավելի շատ բնակարան, քան քանդվել է, բայց քաղաքում դեռ անօթևաններ կան
Հիփոթեքով բնակարան գնող հարուստները եկամտահարկը հետ չեն ստանա
Գագիկ Ծառուկյան

Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը

3
(Թարմացված է 21:33 13.07.2020)
Գագիկ Ծառուկյանը կոչով դիմել է իր թիմակիցներին, որ հաշվի առնեն ստեղծված պատերազմական իրավիճակը։

ԵՐԵՎԱՆ, 13 հուլիսի – Sputnik. Ստեղծված պատերազմական իրավիճակում ներքաղաքական բոլոր հարցերը դառնում են այլևս երկրորդական։ Նման հանձնարարական է տվել իր թիմին «Բարգավաճ Հայաստան» կուսակցության նախագահ Գագիկ Ծառուկյանը, Facebook սոցցանցի իր էջում գրառմամբ հայտնում է ԲՀԿ առաջնորդի մամուլի խոսնակ, ԲՀԿ–ական պատգամավոր Իվետա Տոնոյանը։

«Բոլորիս գերխնդիրը մեկն է՝ լինել միասնական, լինել պետության կողքին և համատեղ ջանքերով դիմակայել թշնամու ոտնձգություններին և արժանի հակահարված հասցնել նրան»,–ասել է Ծառուկյանը։

ԲՀԿ ղեկավարի խոսքով` այսօր, երբ Ադրբեջանի ռազմաքաղաքական ղեկավարությունը կրկին անցել է ակնհայտ սադրանքների, երբ հայ-ադրբեջանական պետական սահմանին իրավիճակը լարված է, երբ երկրի անվտանգության հարցը վեր է ամեն ինչից, յուրաքանչյուրիս պարտքն է միավորել բոլոր ջանքերը հանուն մեր երկրի ու ժողովրդի պաշտպանության, հանուն արտաքին թշնամու դեմ պայքարի:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Մինսկի խումբը հայտարարություն է տարածել

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

3
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, դիրքեր, հրետակոծություն, Տավուշ, Հայաստան, Ադրբեջան
Զինծառայող, արխիվային լուսանկար

Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից

21
Աստանան պատրաստակամություն է հայտնել ամեն կերպ աջակցել միջազգային կազմակերպությունների շրջանակում հակամարտության կարգավորման խաղաղ ուղիներ գտնելու հարցում։

ԵՐԵՎԱՆ, 13 հուլիսի – Sputnik. Ղազախստանի արտաքին գործերի նախարարությունը Հայաստանին և Ադրբեջանին կոչ է արել հրաժարվել վիճահարույց հարցերի լուծման համար ուժի կիրառումից։

Հուլիսի 12-ին ադրբեջանական կողմը գնդակոծել էր հայկական դիրքերն ու փորձել գրոհել։ Հայկական կողմի պատասխան կրակի արդյունքում հակառակորդը, կորուստներ կրելով, վերադարձել էր իր դիրքեր։ Ադրբեջանի ԶՈւ–ն այսօր առավոտյան վերսկսել էր հայկական դիրքերի գնդակոծումը։

Պաշտոնապես նշվում է, որ Ադրբեջանը 4 զոհ և 4 վիրավոր ունի, հայկական կողմը` 5 վիրավոր։

Մինսկի խումբը հայտարարություն է տարածել

«Ղազախստանի հանրապետությունը խորապես մտահոգված է հայ–ադրբեջանական սահմանին տեղի ունեցած զինված միջադեպով, որը հանգեցրել է մարդկային զոհերի։ Կոչ ենք անում մեր բարեկամական Ադրբեջանի Հանրապետությանն ու Հայաստանի Հանրապետությանը զսպվածություն դրսևորել և հրաժարվել ուժային միջոցների կիրառումից վիճահարույց հարցերի լուծման համար», – գրված է ԱԳՆ–ի կայքում տեղադրված հաղորդագրության մեջ։

Ղազախստանը կարծում է, որ COVID-19 համավարակի և աշխարհում սոցիալ–տնտեսական իրավիճակի վատթարացման ֆոնին, առճակատման հետագա էսկալացիան կարող է հանգեցնել անկանխատեսելի հետևանքների։

«Խաղաղության և համաձայնության շուտափույթ ձեռքբերման հույս ենք հայտնում, նախևառաջ, երկկողմանի ձևաչափում։ Պատրաստ ենք ամեն կերպ միջազգային կազմակերպությունների` այդ թվում՝ ՄԱԿ–ի, ԵԱՀԿ–ի, ԱՊՀ–ի,  ԱՓՎՄԽ–ի (Ասիայում փոխգործակցության եւ վստահության միջոցների) շուրջ խորհրդակցության շրջանակում աջակցել հակամարտության կարգավորման խաղաղ ուղիներ փնտրելու հարցում», – նշված է հաղորդագրության մեջ։

Հիշեցնենք, որ ԵԱՀՄ ՄԽ համանախագահները արդեն դատապարտել են Հայաստանի և Ադրբեջանի սահմանին տեղի ունեցած միջադեպը` կոչ անելով կողմերին կանխել հետագա էսկալացիան։

21
թեգերը:
ուղերձ, հրետակոծություն, Ադրբեջան, Հայաստան, Ղազախստան
Ըստ թեմայի
Հայ-ադրբեջանական լարվածություն. Լավրովը Թուրքիայի՞ն է սաստել
Մնացականյանը Լավրովի հետ է խոսել. քննարկել են հայ–ադրբեջանական սահմանի լարված իրավիճակը
Ադրբեջանը հայտնվել է բարդ իրավիճակում․ քաղաքագետը՝ լարվածության ստեղծման պատճառների մասին
Հայկական ուժերն ադրբեջանական մի քանի անօդաչու են խոցել, այդ թվում՝ կամիկաձե