Տարոն Մարգարյան

Փաշինյա՞նն է հորդորել, որ Տարոն Մարգարյանը հեռանա. վարչապետի պատասխանը

194
(Թարմացված է 13:51 20.07.2018)
Նիկոլ Փաշինյանը պատասխանեց Երևանի նախկին քաղաքապետի հրաժարականի և նոր քաղաքապետի թեկնածուներ ունենալ–չունենալու հարցին։

ԵՐԵՎԱՆ, 20 հուլիսի — Sputnik. Ես անձամբ Տարոն Մարգարյանին ոչ մի բան չեմ հորդորել։ Այսօր, պատասխանելով Երևանի քաղաքապետի պաշտոնի շուրջ ստեղծված իրավիճակի մասին լրագրողների հարցերին` ասաց ՀՀ վարչապետ Նիկոլ Փաշինյանը։

Ինչ վերաբերում է թեկնածու ունենալ-չունենալու հարցին, Փաշինյանն ասաց. «Թեկնածուն ոչ թե ես, այլ մեր քաղաքական ուժը պիտի ունենա»։

Նա ավելացրեց, որ քաղաքապետի թեկնածուի, ինչպես նաև ավագանու արտահերթ ընտրությունների մասին քաղաքական տարբեր ֆորմատներով քննարկումներ են ընթանում։

«Թե Քաղաքացիական պայմանագրի, թե այլ ֆորմատներով է քննարկվում, թեկնածուների անուններն էլ շրջանառում են մամուլում։ Այնպես որ կարծում եմ` դուք տեղյակ եք բոլոր քննարկումներին»,- ասաց Փաշինյանը` չցանկանալով այլ մանրամասներ հայտնել։

Վարչապետը նաև ասաց, որ մասնակցում է ինչպես ՔՊ վարչության նիստերին, այնպես էլ «Ելք» դաշինքի շրջանակներում տեղի ունեցող քննարկումներին։

«Թավշյա հեղափոխությունից» հետո մի շարք ակտիվիստներ մի քանի օր շարունակ քաղաքում բողոքի ակցիաներ էին իրականացնում` պահանջելով Երևանի քաղաքապետ Տարոն Մարգարյանի հրաժարականը։ Նա հրաժարական ներկայացրեց հուլիսի 9-ին։
194
թեգերը:
Տարոն Մարգարյան, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (944)
Ըստ թեմայի
Ո՞վ կնստի Տարոն Մարգարյանի աթոռին. կանայք ակտիվացել են
Ինչո՞ւ է Տարոն Մարգարյանը հրաժարական տվել. բացատրում է ՀՀԿ–ական փաստաբանը
Գալուստ Սահակյանը խոսել է Տարոն Մարգարյանի ունեցվածքից
Տարոն Մարգարյանի 50 երանգները․ ինչ է թողել իր հետևից Երևանի քաղաքապետը