ԵՐԵՎԱՆ, 14 հուլիսի — Sputnik. ԱԺ երկարամյա ՀՀԿ-ական պատգամավոր, այժմ անկախ պատգամավոր, «Ջերմուկ գրուպ» ընկերության սեփականատեր Աշոտ Արսենյանը ԱԱԾ վերջին զարգացումներից տագնապած՝ որոշել է «Ջերմուկ գրուպ» ընկերությունը վաճառել ռուսական բանկերից մեկին և լքել Հայաստանը։ Այս մասին գրում է «Ժամանակ» օրաթերթը։
«Նա հասկանում է, որ «Լիդիան Արմենիայի» շուրջ զարգացումները և ջերմուկցիների արդարացի վրդովմունքը՝ մի կողմից, մյուս կողմից՝ Ջերմուկի մայր գործարանը տարիներ առաջ խաբեությամբ և մի շարք մութ գործարքների արդյունքում ամերիկահայ գործարար Կայծակ Ջեյթլյանից խլելու փաստերը մոտ ապագայում ԱԱԾ դիմակավորներին կարող են ուղղել իր հասցեներ»,- գրված է հոդվածում։
Նշենք, որ Արսենյանը պատգամավոր է 2003 թվականից։