Բվեճ

Կարմիր գրքում գրանցված բվեճն այլևս զվարճանքի առարկա չէ. նա կապրի Կենդանաբանական այգում

232
(Թարմացված է 18:11 13.07.2018)
Կարմիր գրքում գրանցված գիշատիչ թռչունը «Ուրախ ժամանց» ընկերություն է բերվել մոտ 20 տարի առաջ՝ աչքի և թևերի վնասվածքով:

ԵՐԵՎԱՆ, 13 հուլիսի — Sputnik. «Հաղթանակ» զբոսայգում վանդակի մեջ պահվող բվեճը տեղափոխվեց Կենդանաբանական այգի: Կարմիր գրքում գրանցված գիշատիչ այս թռչունը, ըստ «Ուրախ ժամանց» ընկերության ներկայացուցչի, իրենց մոտ է բերվել մոտ 20 տարի առաջ՝ աչքի և թևերի վնասվածքով:

«Իրենք փորձել են գիշատիչ թռչունի համար լավ պայմաններ ստեղծել, բայց դրա համար միան ցանկությունը բավարար չէ: Եթե վայրի թռչունը կամ կենդանին ինչ-ինչ հանգամանքների բերումով վայրի բնությունից հայտնվել է մարդու հոգածության տակ, ապա գոնե մասնագետները պիտի զբաղվեն նրանով»,- ասաց Կենդանաբանական այգու կենդանաբույժ Հարություն Հովհաննիսյանը:

Ընդհանուր առմամբ՝ թռչունն ակտիվ ու պինդ է երևում, իսկ առողջական վիճակի այլ մանրամասները կարանտինի ժամանակահատվածում պարզ կդառնան:

Հիշեցնենք` որ Կառավարությանն առընթեր բնապահպանության և ընդերքի տեսչական մարմինը օրեր առաջ ահազանգ էր ստացել, որ  «Հաղթանակ» զբոսայգում կարմիր գրքում գրանցված թռչուն է պահվում: Գալով այգի՝ տեսչական մարմնի աշխատակիցները պարզել են, որ այն բվեճ է, որը պահվում է Կառավարության որոշմամբ Կարմիր գրքում գրանցված կենդանիների համար  սահմանված ազատավանդակների նորմերին չհամապատասխանող վանդակում:

Բվեճը Կենդանաբանական այգի է տեղափոխվել Բնապահպանության և ընդերքի տեսչական մարմնի, Երևանի կենդանաբանական այգու և վայրի կենդանուն տիրապետող հանդիսացող «Ուրախ ժամանց» ընկերության եռակողմ համաձայնությամբ:

  • Կարմիր գրքում գրանցված թռչունին տեղափոխեցին Կենդանաբանական այգի
    Կարմիր գրքում գրանցված թռչունին տեղափոխեցին Կենդանաբանական այգի
    © Sputnik / Aram Nersesyan
  • Կարմիր գրքում գրանցված թռչունին տեղափոխեցին Կենդանաբանական այգի
    Կարմիր գրքում գրանցված թռչունին տեղափոխեցին Կենդանաբանական այգի
    © Sputnik / Aram Nersesyan
  • Կարմիր գրքում գրանցված թռչունին տեղափոխեցին Կենդանաբանական այգի
    Կարմիր գրքում գրանցված թռչունին տեղափոխեցին Կենդանաբանական այգի
    © Sputnik / Aram Nersesyan
  • Կարմիր գրքում գրանցված թռչունին տեղափոխեցին Կենդանաբանական այգի
    Կարմիր գրքում գրանցված թռչունին տեղափոխեցին Կենդանաբանական այգի
    © Sputnik / Aram Nersesyan
1 / 4
© Sputnik / Aram Nersesyan
Կարմիր գրքում գրանցված թռչունին տեղափոխեցին Կենդանաբանական այգի
232
թեգերը:
Երևան
Ըստ թեմայի
Այցելե՞լ, թե՞ չայցելել կենդանաբանական այգի. Առողջապահության նախարարության պատասխանը
Վագրն Ակնալճից տեղափոխվեց Երևանի կենդանաբանական այգի. տեսանյութ
Սկանդալ կենդանաբանական այգում. մասնագետը մեղադրեց, ԵԿԱ աշխատակիցը պնդեց` վտանգ չկա
Ի՞նչ է կատարվում Մանվել Գրիգորյանին պատկանող կենդանաբանական այգում. տեսանյութ