Հովանոցի տակ

Հայաստանի իշխանությունը 2020 թվականից կուժեղացնի օֆշորների դեմ պայքարը. արդեն հաստատ է

89
(Թարմացված է 18:21 13.07.2018)
Իշխանությունները երկու տարի դադար են վերցրել տվյալների բազա կազմելու համար։

ԵՐԵՎԱՆ, 13 հուլիսի — Sputnik. ՀՀ իշխանությունները 2020 թվականից կսկսեն ստուգել տրանսֆերտային գնագոյացումը (transfer pricing)։ Այս մասին այսօր մամուլի ասուլիսի ժամանակ ասաց ՀՀ պետական եկամուտների կոմիտեի ղեկավար Դավիթ Անանյանը։

Տրանսֆերտային գնագոյացումը փոխկապակցված ընկերությունների միջև գործարքների վերլուծությունն է։ Դրանց միջև գործարքները հաճախ շուկայականից ցածր գներով են կնքվում` ավելի քիչ հարկ վճարելու համար։ Իսկ եթե փոխկապակցված ընկերությունը օֆշորում են գրանցում, կարելի է ընդհանրապես հարկ չվճարել։

Տրանսֆերտային գնագոյացումը վերլուծում է` որ ընկերություններն են փոխկապակցված, իսկ որոնք ոչ, որ գործարքներն են ուղղված հարկերից խուսափելուն։

Հայաստանի օրենսդրության համապատասխան փոփոխությունները պատրաստվել էին ու պետք է ուժի մեջ մտնեին 2018 թվականից, հետո հետաձգվել էին մինչև 2020 թվականը։

Մինչ այդ, կառավարությունը համապատասխան օրինական ակտեր կընդունի ու կասկածելի գործարքների տվյալների բազա կստեղծի։

 

 

89
թեգերը:
Հայաստան
Ըստ թեմայի
ՀՀ կառավարության վճռական պայքարը կոռուպցիայի դեմ կրելու է շարունակական բնույթ. Փաշինյան
Փաշինյանը հորդորել է կոռուպցիայի դեմ պայքարում խստորեն հետևել օրինականությանը
Փաշինյանն ու Ծառուկյանը մի ձեռքով միմյանց դեմ են պայքարում, մյուսով` ՀՀԿ–ի