Ռուբեն Հայրապետյան

Ո՞վ կփոխարինի Ռուբեն Հայրապետյանին. կոնկրետ անուն է շրջանառվում. «Փաստ»

442
«Փաստ» օրաթերթի աղբյուրները վստահեցրել են, որ ամեն վայրկյան կարող է հրապարակվել Ֆուտբոլի ֆեդերացիայի նախագահի հրաժարականի մասին հայտարարությունը։

ԵՐԵՎԱՆ, 13 հուլիսի — Sputnik. Երեկ ամբողջ օրը համառ լուրեր էին շրջում, որ արդեն իսկ փաստացի որոշված է ՀՀ ֆուտբոլի ֆեդերացիայի նախագահ Ռուբեն Հայրապետյանի հրաժարականի հարցը: Չնայած նա անընդհատ ողջ ուժով փորձում էր դիմադրել նման հեռանկարին, սակայն, ըստ էության, այլևս անհնար է դիմադրել: Այս մասին գրում է «Փաստ» օրաթերթը։

«Ավելին, մեր աղբյուրը շեշտում էր, որ հրաժարականը կայացած փաստ է, ձգձգվում է միայն պաշտոնական հայտարարությունը, որը կարող է լինել ամեն վայրկյան (մեր աղբյուրները չէին բացառում, որ դա լինի նույնիսկ թերթի՝ տպագրության իջնելուց հետո, իսկ եթե ոչ, ապա մոտ օրերին)»,- նշված է հոդվածում:

Ըստ թերթի` շատ ավելի ուշագրավ է Հայրապետյանի փոխարեն ֆեդերացիայի նախագահի թեկնածուի անունը, որն օրվա ընթացքում ակտիվորեն սկսեց շրջանառվել:

«Խոսքը ՀՀ ԱԱԾ տնօրեն Արթուր Վանեցյանի մասին է, ով, ի դեպ, ուղեկցում էր վարչապետ Նիկոլ Փաշինյանին՝ լեգենդների՝ Երևանում կայացած հանդիպման ժամանակ»,- նշում է հոդվածագիրը:

Թերթը զրուցել է ԱԱԾ մամուլի խոսնակ Սամսոն Գալստյանի հետ:

Հարցին` լուրերը համապատասխանո՞ւմ են իրականությանը, թե` ոչ, Գալստյանը պատասխանել է. «Եթե լուրեր կան, որ ֆուտբոլի ֆեդերացիայի նախագահը հրաժարական է տալու, գուցե իրե՞ն դիմեք»:

Ճշտող հարցին, այսինքն` ոչ հերքում, ոչ հաստատո՞ւմ եք տեղեկատվությունը, որ կարող է ԱԱԾ տնօրենը դառնալ ֆուտբոլի ֆեդերացիայի նախագահ, ԱԱԾ խոսնակն ասել է. «Ես տեղեկատվություն չունեմ, որ ձեզ փոխանցեմ»:

442
Ըստ թեմայի
Կառավարությունը հրաժարվել է արտոնություն տրամադրել Ռուբեն Հայրապետյանի ռեստորանին
Ռուբեն Վարդանյանը խոսեց Նիկոլ Փաշինյանին սատարելու և ԱԱԾ բացահայտումների մասին
Ի՞նչ կապ ունեն Ռուբեն Հայրապետյանն ու Վարդան Մինասյանը