ԵՐԵՎԱՆ, 12 հուլիսի — Sputnik. Հայաստանում տեղի ունեցած ժողովրդավարական փոփոխությունները ոգևորել են Եվրոպական հանձնաժողովի նախագահ Ժան-Կլոդ Յունկերին։ Այս մասին նա հայտնել է ՀՀ վարչապետի հետ հանդիպման ժամանակ։
Յունկերը պատրաստակամություն է հայտնել շարունակաբար աջակցելու Հայաստանում իրականացվող բարեփոխումներին։
Նիկոլ Փաշինյանը շնորհակալություն է հայտնել նախորդ բոլոր տարիներին ցուցաբերված աջակցության համար և հավաստիացրել, որ ԵՄ աջակցությունն այսուհետ առավել նպատակային կօգտագործվի:
«Հայաստանում արդեն շուրջ երկու ամիս տևող հակակոռուպցիոն պայքարի շարունակականությունը մեր կառավարության հիմնական գերակայություններից է»,- ասել է ասել է Նիկոլ Փաշինյանը:
Նշենք, որ Փաշինյանը Բելգիայի Թագավորություն է մեկնել աշխատանքային այցով։