ԵՐԵՎԱՆ, 11 հուլիսի — Sputnik, Արմենուհի Մխոյան. Վերջին ամիսներին Շիրակի մարզում ավելացել է կոռուպցիոն բնույթի և պաշտոնական դիրքի չարաշահումներ գործերի բացահայտումների թիվը: Պարզվում է՝ «աթոռի» ընձեռած հնարավորությունից օգտվել են շատերը, ովքեր այդ շանսն ունեցել են՝ համայնքի ղեկավարից մինչև դպրոցի ու բուժհաստատության տնօրեն: Շիրակի մարզի դատախազ Կարեն Գաբրիելյանից Sputnik Արմենիան հետաքրքրվեց`ինչն է բացահայտումների աճի պատճառը՝ թավշյա հեղափոխության արդյունքում ավելացե՞լ են այսպես կոչված «գործ տվողները», թե՞ ԱԱԾ է սկսել ավելի լավ աշխատել:

© Sputnik / Armenuhi Mkhoyan

Բուլկու արտադրամաս` համալսարանի շենքում. ՊԵԿ-ի նոր բացահայտումը

«Կոռուպցիայի դեմ պայքարը միշտ էլ եղել է մեր ուշադրության կենտրոնում, բայց միանշանակ ԱԱԾ–ն վերջերս շատ ավելի լավ է աշխատում: Գնահատում եմ նաև ոստիկանության Շիրակի մարզային վարչության աշխատանքը»,–ասաց դատախազը:

Այս կիսամյակում հարուցվել է կոռուպցիոն բնույթի մոտ 42 քրեական գործ: «Մեր նպատակը կոռուպցիոն բնույթի հանցագործությունների բացահայտումն է և այդ համատեքստում մեղավորներին պատժելը, բայց նաև մեր խնդիրն է պետությանը պատճառած վնասի վերականգնումը»,- նշեց Կարեն Գաբրիելյանը՝ փաստելով, պատճառած վնասի կամավոր վերականգնման պարագայում կիրառվում են խրախուսական նորմեր: Ի դեպ, նշենք, որ 6 ամիսների ընթացքում վերականգնվել է մոտ 36 մլն դրամ գումար, մինչդեռ, մոտավոր հաշվարկներով պատճառվել է ավելի քան 80 մլն դրամի վնաս: «Մնացած գումարի վերականգնման ուղղությամբ ակտիվ գործողություններ են կատարվում, և մենք ունենք քրեական գործեր, որտեղ ենթադրյալ հանցանք կատարած անձիք վնասը վերականգնում են մաս-մաս»,-նշեց Կարեն Գաբրիելյանը փաստելով՝ սա վերաբերում է ինչպես գյուղապետներին, այնպես էլ դպրոցների տնօրեններին, պաշտոնատար այլ անձանց: Ի դեպ, ձերբակալված գյուղապետերից 2–ը, անմիջապես վերականգնելով վնասը, արգելանքից ազատվել են: Կալանավորված դպրոցի տնօրենի խափանման միջոցը փոխվել է, երբ նա ևս տվել է խոստովանական ցուցմունք և վերականգնել ամբողջ գումարը։

© Sputnik / Armenuhi Mkhoyan

Մեծ փողերի յուրացում Շիրակի պետական համալսարանում. հարուցվել է քրգործ

Այս ընթացքի աղմկոտ բացահայտումներից մեկը Շիրակի մայր բուհին է վերաբերում։ Համապատասխան փաստաթղթերի ուսումնասիրությամբ պարզվել է, որ ինստիտուտի 2010-2012թ.թ. 2 ուսումնական տարիներին, որպես ուսումնական վարձավճարներ, կանխիկ հավաքագրվել է ընդհանուր 1.185.492.655 ՀՀ դրամ գումար, որից 722.285.794 դրամ գումարը մուտքագրվել է դրամարկղ, իսկ մնացած 463.206.861 դրամը մուտքագրվելու վերաբերյալ փաստեր ձեռք չեն բերվել: Տվյալներ են ստացվել նաև այն մասին, որ 2012-2016թթ. ուսումնական տարիների ընթացքում կազմակերպել է դրամահավաք դիպլոմների և դրանց միջուկների տպման աշխատանքները կազմակերպելու համար՝ յուրաքանչյուր շրջանավարտից 5.500 ՀՀ դրամի չափով: Արդյունքում չորս տարում շրջանավարտներից հավաքագրվել է ընդհանուր շուրջ 20.000.000 ՀՀ դրամ, այն դեպքում, երբ դրա համար բուհի բյուջեով նախատեսված են եղել համապատասխան միջոցներ: Այս պահին, ըստ դատախազի, կատարվում են անհրաժեշտ քննչական գործողություններ: Որևէ անձի նկատմամբ մեղադրանք դեռ չի առաջադրվել: Քրեական գործը նախաքննության մարմին ուղարկվել է հուլիսի 9-ին:

Դասախոսներ Գագիկ Համբարյանի և Հովհաննես Խորիկյանի՝ բուհի նախկին ռեկտոր Սահակ Մինասյանի ենթադրյալ ապօրինությունների մասին հայտարարության հիման վրա հարուցված քրեական գործի կապակցությամբ էլ դատախազը տեղեկացրեց, որ կատարվում են ակտիվ քննչական գործողություններ, նշանակված են մի քանի փորձաքննություններ, այդ թվում` ստուգումներ։

Չարաշահումներ կան նաև Մարալիկի բժշկական կենտրոնում:

Շիրակի մարզի դատախազը փաստում է` ապօրինությունների մասին տվյալները տարբեր կերպ են ստացվում, այդ թվում նաև մարզպետարանի աուդիտի արդյունքներով: Այս պահին 10-ից ավելի նախապատրաստվող նյութեր կան՝ կոռուպցիոն բնույթի, 15-ից ավելի ուսումնասիրություններ էլ կատարվում են Շիրակի մարզի դատախազության կողմից:

Կարեն Գաբրիելյան խորհուրդ է տալիս բոլորին հանցագործության մասին ինֆորմացիա ունենալու դեպքում դիմել իրավապահ մարմիններին, երևույթը ոչ թե «գործ տալ» որակելով, այլ անպատժելիությունը վերացնելու և իրավապահ մարմիններին օգնելու փորձ:

Կարեն Վրթանեսյանի դիտարկմամբ` իրականում Ադրբեջանը 44-օրյա պատերազմից հետո որևէ կերպ չի դադարեցրել ռազմաշունչ հռետորաբանությունը, շատ արագ համալրում է ռազմական կորուստները, գնում է նոր սպառազինություն, վերախմբավորում է զինված ուժերը։ Ըստ նրա` ակնհայտ է, որ Ադրբեջանը չի համարում պատերազմն ավարտված և պատրաստվում է հաջորդ լայնածավալ ռազմական գործողություններին։

© Photo : official site of the Ministry of Foreign Affairs of the RA

«Զանգեզուրով` Ադրբեջանի պատմական տարածքով» անցնող միջանցք չկա. ՀՀ ԱԳՆ-ն պատասխանել է Ալիևի

«Ընդհանրապես մեր անվտանգության ամբողջ համակարգը կաթվածահար վիճակում է։ Այնպիսի տպավորություն է, որ ՊՆ–ի ու ԱԱԾ–ի լրատվական բաժիններն ավելի շատ Ադրբեջանի շահերն են պաշտպանում, քան Հայաստանի քաղաքացիների։ Մանավանդ բանակի և Նիկոլ Փաշինյանի միջև վերջին կոնֆլիկտը միանշանակորեն լավ չէ ընդհանուր անվտանգության համատեքստում։ Այն, ինչ կատարվում է պատերազմից հետո, պետք է ընթանար բոլորովին այլ ճանապարհով։ Նույնիսկ մի կողմ թողնելով այն հարցը, որ երկիրը պարտության տարած թիմը պետք է հրաժարական տար, մենք շատ արագ պետք է զբաղվեինք մեր բանակի վերազինմամբ, կորուստների վերականգնմամբ, նորությունների մշակմամբ»,– նշեց ռազմական փորձագետը։

Վրթանեսյանի կարծիքով` պատերազմից հետո մեր անվտանգային համակարգն ու բանակը թողնվեցին ինքնահոսի` դրանից բխող բոլոր ռիսկերով։

Անդրադառնալով ՀՀ երկրորդ նախագահ Ռոբերտ Քոչարյանի տեսակետին, որ բանակի վերականգնման համար անհրաժեշտ կլինի 3 միլիարդ դոլար, Վրթանեսյանն ընդգծեց, որ իրենց թիմի ու նախկին նախագահի հաշվարկները գրեթե նույնն են, և այդ գումարն անհրաժեշտ է մեր զինված ուժերը գոնե մինչպատերազմյան վիճակի բերելու համար։

«Բայց հաշվի առնենք, որ նաև շատ մեծ քանակով ռազմական ենթակառուցվածքներ են ոչնչացվել կամ հանձնվել թշնամուն` սկսած զորամասերից, վերջացրած դիրքերով։ Պետք է նորից իրականացվեն ամրաշինական աշխատանքներ, կառուցվեն ճանապարհներ, իսկ որոշ տեղերում ենթակառուցվածքները պետք է հիմնվեն զրոյից»,– նշեց ռաազմական փորձագետը։

Շուշիում ադրբեջանցի վանդալները պղծել են Հովհաննես Թևոսյանի կիսանդրին. տեսանյութ

Վրթանեսյանի խոսքով` վերջին պատերազմը ցույց տվեց, որ պետք է շատ արագ զարգացնել բանակը` այդ ուղղությամբ կատարելով անհրաժեշտ գնումներ, մասնավորապես՝ պետք է ձեռք բերել ԱԹՍ–ներ։ Ըստ նրա` մեզ պետք են ավելի մեծ գումարներ, որպեսզի փորձենք ոչ միայն բալանսի բերել բանակը, այլև որոշակի գերակայություն ապահովել։