Իրանա–հայկական սահման

Իրանի քաղաքացին որոշել էր 2 կգ թմրանյութ բերել Հայաստան. որտե՞ղ էր նա թաքցրել թմրամիջոցը

133
(Թարմացված է 18:22 10.07.2018)
Իրանի քաղաքացու մոտ հայտնաբերվել է 2 կգ քաշով «ափիոն» տեսակի թմրամիջոցի նմանվող կոշտ զանգված։

ԵՐԵՎԱՆ, 10 հուլիսի —Sputnik. Պետական եկամուտների կոմիտեի մաքսանենգության դեմ պայքարի վարչության և Հարավային մաքսատուն-վարչության Մեղրիի մաքսային կետ-բաժնի աշխատակիցները «Ագարակ» պետական սահմանային անցման կետի մաքսային հսկողության գոտում հուլիսի 9-ին հսկողություն են իրականացրել Իրանից ոտքով ՀՀ պետական սահմանը հատած ԻԻՀ քաղաքացի Ա.Ն.-ի նկատմամբ, ով իր կասկածելի վարքագծով հայտնվել էր աշխատակիցների ուշադրության կենտրոնում:

Պետական եկամուտների կոմիտեի տեղեկատվության և հասարակայնության հետ կապերի բաժինը հայտնում է, որ անձնական զննման արդյունքում քաղաքացու որովայնի և մեջքի հատվածում հայտնաբերվել է ինքնակպչուն ժապավենով նախապես ամրացված 2 կգ քաշով «ափիոն» տեսակի թմրամիջոցի նմանվող կոշտ զանգված:

Իրանի քաղաքացին այդ կերպ փորձել է շրջանցել մաքսային հսկողությունը և ՀՀ սահմանով տեղափոխել մաքսանենգ ապրանք: Նա բերման է ենթարկվել և տեղափոխվել ՊԵԿ քննչական վարչություն:

Փաստի առթիվ հարուցվել է քրեական գործ: ԻԻՀ քաղաքացի Ա.Ն.-ն ձերբակալվել է:

133