Ալեն Սիմոնյան

Երևանի նոր քաղաքապետ չի ընտրվի. «Ելքի» սցենարը

1653
(Թարմացված է 15:55 10.07.2018)
Տարոն Մարգարյանը դիմումը գրել էր 10 օր առաջ: «Ելքը» մեկնաբանում է Տարոն Մարգարյանի հրաժարականի որոշումն ու ներկայացնում հնարավոր զարգացումների սեփական տարբերակը:

ԵՐԵՎԱՆ, 10 հուլիսի – Sputnik. Երևանի նոր քաղաքապետ չի ընտրվի,կանցկացվեն Երևանի ավագանու նոր ընտրություններ: Տարոն Մարգարյանի հրաժարականից հետո իրադարձությունների հնարավոր զարգացման այսպիսի կանխատեսում արեց ԱԺ «Ելք» խմբակցության պատգամավոր, Երևանի ավագանու նախկին անդամ Ալեն Սիմոնյանը:

«Կա՛մ 3 ամիս ավագանին նիստ չի գումարում ու դրանից հետո ցրվում է, կա՛մ քաղաքապետի հրաժարականից հետո արտահերթ նիստ է հրավիրվում, որը վարում է Կամո Արեյանը` առաջին փոխքաղաքապետը: Դրանից հետո 15 օրվա ընթացքում առաջադրումներ են լինում, և նոր քաղաքապետի ընտրություններ են լինում: Եթե 1 թեկնածու է լինում, 27 ձայնով ընտրվում է: Եթե 2 թեկնածու և ավելի, պարզ մեծամասնությունով է ընտրվում: Բայց ես ենթադրում եմ, որ այդ թեկնածուները կա՛մ չեն լինի, կա՛մ չեն ընտրվի, և 13+15+45 օր հետո մենք կունենանք ավագանու ընտրություններ»,- ասաց Սիմոնյանը:

Նա նաև նշեց, որ դա իր կանխատեսումն է: Իսկ «Ելք» դաշինքն ու «Քաղաքացիական պայմանագիր» կուսակցությունը ո՛չ այս, ո՛չ էլ քաղաքապետի հնարավոր թեկնածուի առաջադրման հարցը դեռ չեն քննարկել:

Անդրադառնալով Տարոն Մարգարյանի` երեկ հրապարակված հրաժարականին, Ալեն Սիմոնյանն այն ուշացած կոչեց` հայտնելով, որ իր տեղեկություններով հրաժարականի դիմումը գրվել էր դեռ 10 օր առաջ: Իսկ թե ինչու այն միայն երեկ ներկայացվեց, Սիմոնյանի համոզմամբ, դա իրավիճակին չտիրապետելու և մեկ օր շատ քաղաքապետի աշխատասենյակում մնալու ցանկության հետևանք էր:

Նշենք, որ երեկ` հուլիսի 9-ին, Տարոն Մարգարյանը հրաժարվեց Երևանի քաղաքապետի պաշտոնից։

1653
թեգերը:
Տարոն Մարգարյան, Հայաստան
Ըստ թեմայի
Պարզ չէ՝ Տարոն Մարգարյանը հրաժարական Փաշինյանի հորդորով է ներկայացրել, թե ոչ. «Ժողովուրդ»
«Չկա նման բան». ԱԱԾ պետը` Տարոն Մարգարյանի մասին
ԱԱԾ-ն Տարոն Մարգարյանի տանը խուզարկություն չի իրականացրել. Վանեցյան
«Տարոն Մարգարյանի վերաբերյալ տեսանյութի պատասխանները կտան իրավապահ մարմինները». Փաշինյան
Արմեն Սարգսյան

«Սա հսկայական դժբախտություն է». Արմեն Սարգսյանը` կորոնավիրուսի մասին

14
(Թարմացված է 12:44 29.05.2020)
Արմեն Սարգսյանը կոչով դիմել է քաղաքացիներին ու շնորհակալություն հայտնել բժիշկներին։

ԵՐԵՎԱՆ, 29 մայիսի – Sputnik. ՀՀ նախագահ Արմեն Սարգսյանը դիմել է ՀՀ քաղաքացիներին՝ կոչ անելով լինել զգոն և պահպանել անհրաժեշտ բոլոր կանոնները:

«Չեմ ուզում` մեր հայրենակիցներից որևէ մեկը մտածի, որ եթե օրական 10 կամ ավելի քիչ մարդիկ են մահանում, կարելի է սա համարել սովորական կյանք։ Սա սովորական կյանք չէ։ Սա հսկայական դժբախտություն է: Պատկերացրեք` 5, 10, 15 ընտանիքներ իրենց հարազատներին են կորցրել»,-ասել է նախագահը:

Սարգսյանը ցավակցություն է հայտնել մահացածների հարազատներին՝ ևս մեկ անգամ հորդորելով լինել շատ ուշադիր, սկզբունքային ու կարգապահ:

Նախագահը նաև իր շնորհակալական խոսքն է ուղղել բժիշկներին՝ ծանրաբեռնված ու նվիրված աշխատանքի համար:

«Անկախ նրանից, թե ինչ է կատարվում, մենք այսօր գիտենք, որ բժիշկներն աշխատում են օր ու գիշեր, իրենց ու իրենց ընտանիքի կյանքն են վտանգի տակ դնում։ Հիվանդանոցներին պետք է վերաբերվենք որպես առողջության բաստիոնների, ամրոցների։ Բոլոր բժիշկներին հայտնում եմ իմ խորին շնորհակալությունը՝ սկսած գլխավոր բժիշկներից մինչև հերթապահ բժիշկներ, սանիտարներ, պահակներ։ Դուք այսօրվա մեր հերոսներն եք»,- ասված է նախագաի ուղերձում։

Ի դեպ, նախագահն իր ուղերձը հղել է կրթության փորձագետ Անահիտ Բախշյանի հետ հանդիպման ժամանակ:

Հատկանշական է, որ նախագահի մամուլի ծառայության հրապարակած տեսանյութում ու լուսանկարներում հանդիպմանը ներկա Արմեն Սարգսյանը, Անահիտ Բախշյանն ու նախագահի աշխատակազմի աշխատակիցը դիմակներով չեն: Հանդիպման սկզբում նախագահն առաջարկում է հանել դիմակները՝ նշելով, որ միմյանցից բավական հեռավորության վրա են գտնվում:

Հայաստանում կորոնավիրուսով վարակվածների թիվը վերջին մեկ օրում ավելացել է 460-ով և հասել 8676–ի։

14
թեգերը:
Արմեն Սարգսյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն
Մեկ օրում` 7 մահ. Հայաստանում կորոնավիրուսի հերթական զոհերից մեկը 42 տարեկան է
Արխիվային լուսանկար

Հայաստանում 24 ժամով դադարեցվել է 1156 կազմակերպության գործունեություն

19
Կազմակերպությունների գործունեությունը դադարեցվել է համապատասխան մարմինների կողմից հայտնաբերված խախտումների պատճառով։

ԵՐԵՎԱՆ, 29 մայիսի - Sputnik. Պարետի կողմից սահմանված նորմերի խախտման դեպքերով՝ մայիսի 29-ի դրությամբ 24 ժամով կասեցվել է 1156 կազմակերպության գործունեություն։ Տեղեկությունը հայտնում է ՀՀ կառավարության մամուլի ծառայությունը։

«Բոլոր ստուգվողներին տրամադրվել է խորհրդատվություն և խախատումների անհապաղ վերացման պարտադիր կատարման ցուցումներ»,- նշված է հաղորդագրության մեջ։

ԱԱՏՄ ստուգումները շարունակվում են. ովքեր են առավել հաճախ խախտում պարետի որոշումները

Այս պահի դրությամբ ընդհանուր առմամբ իրականացվել է 17572 ստուգում։ Ստուգումներն անցկացվել են ՀՀ առողջապահական և աշխատանքի, ՀՀ սննդամթերքի անվտանգության, ՀՀ Քաղաքաշինության, տեխնիկական և հրդեհային անվտանգության, ՀՀ կրթության և  Շուկայի Վերահսկողության տեսչական մարմինները։

Միջմարզային ճանապարհներին կրկին գործելու են անցակետեր. Փաշինյանը խոսեց խստացումների մասին

19
Ըստ թեմայի
932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է
Կասեցվել է «Մարս Ավիայի» շահագործողի վկայականը. Քաղավիացիայի կոմիտե
«Արմենիա» ավիաընկերությունը կասեցնում է իր չվերթերի գերակշիռ մասը
ՀՀ-ում կասեցվել է շուրջ 650 տնտեսվարողի գործունեություն. ԱԱՏՄ-ն խախտումներ է հայտնաբերել
Դավիթ Հարությունյան

Հարությունյան. «ԱԺ կողմից հանրաքվեի չեղարկումը հակասահմանադրական է»

0
(Թարմացված է 12:41 29.05.2020)
ՀՀ արդարադատության նախկին նախարար Դավիթ Հարությունյանը Sputnik Արմենիայի եթերում  անդրադարձել է Ազգային ժողովում քննարկված «Հանրաքվեի մասին» օրենքում փոփոխություններ կատարելու նախագծին։  
Հարությունյան. Հանրաքվեի չեղարկումը ԱԺ կողմից չի տեղավորվում Սահմանադրության տրամաբանության մեջ

ՀՀ արդարադատության նախկին նախարար Դավիթ Հարությունյանի դիտարկմամբ` «Հանրաքվեի մասին» օրենքում փոփոխություններ կատարելու նախագիծը բացարձակապես հակասահմանադրական է։ Ըստ նրա` հղում անել, որ ակտն ընդունող մարմինը կարող է հենց այդ ակտը չեղարկել, որևէ իրավական հիմք չունի։

«Հիմնավորման հետ կապված բերեմ մի պարզ օրինակ. ԱԺ–ն նշանակում է Վճռաբեկ դատարանի դատավոր, արդյո՞ք կարող է ԱԺ–ն հետագայում չեղարկել նախապես ընդունած իր որոշումը, իհարկե ոչ։ Կան որոշակի առանձնահատուկ ակտեր, ինչը հստակ է նաև Սահմանադրությամբ, որոնց դեպքում հանրաքվեի չեղարկումը ԱԺ–ի կողմից բացարձակապես չի տեղավորվում Սահմանադրության տրամաբանության մեջ»,– Sputnik Արմենիայի հետ զրույցում ասաց նա։ 

Հարությունյանը ողջունում է գործող իշխանությունների՝ Վենետիկի հանձնաժողով դիմելու որոշումը։ Այն, ըստ նախկին պաշտոնյայի, սկզբունքորեն հիմնական խաղի կանոնն է, որին ենթարկվում են Եվրոպայի խորհրդի անդամ բոլոր երկրները համապատասխան փոփոխություններ կատարելիս կամ  նախաձեռնելիս։ 

«Բայց բացարձակապես չի տեղավորվում տրամաբանության մեջ հանձնաժողովին դիմելն ու կարծիք հայցելը` միևնույն ժամանակ կատարելով քայլեր, որոնք ուղղված են այդ օրինագիծը հրատապ ռեժիմով ընդունելուն` նախքան հանձնաժողովի կարծիքը ստանալը»,– նշեց Հարությունյանը։ 

Ղազարյան. «ՍԴ ճգնաժամի լուծումը բացառվում է առանց հանրաքվեի»

Հարությունյանը դժվարանում է կանխատեսումներ անել, քանի որ ԱԺ–ն իր վարքագծով ի սկզբանե անտեսում է Վենետիկի հանձնաժողովի կարծիքը։ Կլինի այն դրական, թե բացասկան, այլ հարց է, բայց քանի որ գործընթացն, ըստ նրա, տրամաբանական չէ, հետևաբար դժվար է ասել, թե հաջորդ անտրամաբանական քայլը որն է լինելու։ Դավիթ Հարությունյանի կարծիքով` ողջամիտ մոտեցումը հանրաքվեի նշանակման սահամադրականության վիճարկումն է ՍԴ–ում` հաշվի առնելով, որ նախագիծն ակնհայտ հակասահմանադրական է։ 

«Դատավորների համատարած վեթինգ հնարավոր չէ՝ առանց Սահմանադրությունը փոխելու»․ նախարար

0
թեգերը:
Վենետիկի հանձնաժողով, սահմանադրություն, հանրաքվե, ԱԺ, Դավիթ Հարությունյան
Ըստ թեմայի
Կստեղծվի հանրաքվեի հռչակագիր. արդեն իսկ սահմանվել է 6 դրույթ
Հանրաքվեն հետագա կարևոր ռեֆորմների հնարավորություն է ստեղծում. «Այո»–ի շտաբի ներկայացուցիչ
Ո՞ր դատարանն է քննելու հանրաքվեի հարցը. պատասխանում է նախարարը
ՍԴ ճգնաժամի հանգուցալուծումը կարող է լինել առանց հանրաքվեի․ Ռուբեն Ռուբինյան