Կաթողիկոսի դեմ ուղղված ակցիա

Ոստիկանությունը չի պատրաստվում միջամտել կաթողիկոսի հակառակորդների «գործերին»

123
Ցուցարարներին դուրս են հանել դիվանատնից և թույլ են տվել փողոցում կանգնել որքան կուզեն։

ԵՐԵՎԱՆ, 10 հուլիսի — Sputnik. Ոստիկանությունը չի պատրաստվում միջամտել Մայր Աթոռի մոտ տեղի ունեցող ակցիաներին։ Այս մասին լրագրողներին ասաց ՀՀ ոստիկանապետ Վալերի Օսիպյանը։

«Չենք պատրաստվում այս պահին որևէ բան իրականացնել, ակցիայի շրջանակներում մասնակիցներն իրենց պահում են օրենքին համապատասխան ու որևէ հարց չկա միջամտության համար»,-նշեց նա:

Նշենք, որ «Նոր Հայաստան, նոր Հայրապետ» նախաձեռնության անդամներն այսօր առավոտյան կրկին բողոքի ակցիա էին կազմակերպել Մայր Աթոռում։

Նրանք հրաժարվում էին հեռանալ` պահանջելով Ամենայն Հայոց կաթողիկոս Գարեգին Բ-ի հրաժարականը։

Բողոքողները շրջապատել էին Մայր Աթոռ Ս. Էջմիածնի Դիվանատան տարածքը, բայց ոստիկանությունը տարածքն ազատեց ցուցարարներից։

Ոստիկանությունը տարածքից հեռացրեց նաև վրաններն ու ցուցարարների մյուս իրերը։

Հիշեցնենք` տևական ժամանակ է` Ամենայն հայոց կաթողիկոսի հրաժարականի պահանջով շարժում է ձևավորվել` «Նոր Հայաստան, նոր Հայրապետ» անվանումով։ Շարժման մասնակիցները` Հայր Կորյուն վարդապետի, Տեր Արմեն քահանայի և Տեր Կորյուն քահանայի գլխավորությամբ, հավաքվում են Երևանում կաթողիկոսի նստավայրը համարվող Կաթողիկե և Սուրբ Աննա եկեղեցիների բակում, երթեր և ցույցեր անցկացնում ինչպես Երևանում, այնպես է Էջմիածնում։

123
թեգերը:
Վալերի Օսիպյան, Հայաստան
թեմա:
«Նոր Հայաստան, նոր հայրապետ» նախաձեռնություն (17)
Ըստ թեմայի
Կաթողիկոսը Կորյուն աբեղային ապաշխարելու շանս է տալիս, նա դեմ է նրան կարգալույծ անելուն
Համասեռամոլներն ու կաթողիկոսը. Կոնդակի հիմքում քրեական օրենսգի՞րքն է
Սկանդալ Էջմիածնում. կաթողիկոսի հրաժարականը պահանջողներն ուզում են տեսնել Սուրբ Գեղարդը
Կաթողիկոսի հրաժարականը պահանջողները ներխուժել են Մայր Աթոռի դիվանատուն
Կաթողիկոսը հորդորում է իր դեմ ակցիաներ չանցկացնել. տեսանյութ