Տարոն Մարգարյան

Տարոն Մարգարյանը պաշտոնապես հրաժարական տվեց

459
(Թարմացված է 18:49 09.07.2018)
Նախկին քաղաքապետը ներողամտություն է խնդրել բոլոր այն համաքաղաքացիներից, որոնց հետ համատեղ ճանապարհն ընդհատվել է։

ԵՐԵՎԱՆ, 9 հուլիսի — Sputnik. Տարոն Մարգարյանը հրաժարական տվեց։ Լուրը պաշտոնապես թողարկել է Երևանի քաղաքապետարանի պաշտոնական կայքը։

Նա նաև ուղերձ է հղել իր համաքաղաքացիներին։

«Սիրելի՛ համաքաղաքացիներ, խոսքս ուղղում եմ ձեզ՝ հայտնելու Երևանի քաղաքապետի պաշտոնից հրաժարվելու իմ որոշման մասին և շնորհակալությունս հայտնելու ձեզանից յուրաքանչյուրին՝ համագործակցության ու համատեղ աշխատանքի համար։

Միասին անցած ճանապարհի ընթացքում փորձել եմ լսել ձեզանից յուրաքանչյուրի ձայնը և քայլ առ քայլ կարգավորել մայրաքաղաքի խնդիրները, եղել խոստմանս ու ծրագրերիս հավատարիմ։ Այդ առումով, ակնկալում եմ ներողամտություն մեր բոլոր այն համաքաղաքացիներից, որոնց հետ մեր համատեղ ճանապարհն ընդհատվում է»,–ասված է Մարգարյանի ուղերձում։

Վերջում արդեն նախկին քաղաքապետը շնորհակալություն է հայտնել Երևանի ավագանու իր գործընկերներին, Երևանի քաղաքապետարանի և վարչական շրջանների աշխատակազմերին, գործընկեր կառույցներին և անհատներին՝ համատեղ աշխատանքի ու միասին անցած ուղու համար։

459
թեգերը:
Հրաժարական, Տարոն Մարգարյան
Ըստ թեմայի
«Չկա նման բան». ԱԱԾ պետը` Տարոն Մարգարյանի մասին
Տարոն Մարգարյանը մտքափոխվե՞լ է. «Ժամանակ»
ԱԱԾ-ն Տարոն Մարգարյանի տանը խուզարկություն չի իրականացրել. Վանեցյան
Խաժակյան. «Տարոն Մարգարյանի հրաժարականը կա, մնում է` այդ մասին հայտարարվի»
Միշա Ալոյան

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

3
Ռուս հայտնի մարզիկ Միխայիլ Ալոյանը չի մոռանում, որ նրա մրցակիցները երիտասարդ և հավակնոտ տղաներ են, ովքեր երազում են օլիմպիական խաղերի մասին:

ԵՐԵՎԱՆ, 27 մայիսի – Sputnik. Ռուսաստանցի բռնցքամարտիկ Միխայիլ Ալոյանը Տոկիոյի Օլիմպիական խաղերի ուղեգրի համար պայքարում հարգանքով է վերաբերում բոլոր հակառակորդներին, այդ հավատարմագիրը նվաճելու շանսը կախված է միայն մենամարտերին իր սեփական պատրաստվածությունից։ Այդ մասին մարզիկն ասել է ՌԻԱ Նովոստիին տված հարցազրույցում։

Պատասխանելով հարցին, թե Ռուսաստանում ում է համարում իր հիմնական հակառակորդը օլիմպիական ուղեգրի համար պայքարում, Ալոյանը նշել է՝ Ռուսաստանի չեմպիոն Ռասուլ Սալիևին՝ Դաղսատանից, ավելացնելով, որ երկրում այլ ուժեղ բռնցքամարտիկներ էլ կան։

«Բոլորն ինձ ծանոթ են, բայց չէի ցանկանա որևէ մեկին առանձնացնել։ Ես նրանց ճանաչում եմ, բայց կարծում եմ՝ իմ գլխավոր հակառակորդը ինքս եմ։ Եթե ես լավ պատրաստված լինեմ, ապա կարող եմ հաղթել բոլորին»,-նշել է Ալոյանը։

Միշա Ալոյան. թող իմ մեդալի հետևից գան Սիբիր

Միաժամանակ, բռնցքամարտիկը չի մոռանում, որ երիտասարդ ու փառասեր հակառակորդներ ունի, որոնք երազում են ելույթ ունենալ Օլիմպիական խաղերում։

«Մեր երկրում մրցակցություն կա, և դա լավ է, այն միայն օգնում է։ Չի կարելի թուլանալ, և նման մրցակցության պայմաններում ցանկացած բռնցքամարտիկ միայն աճում է»,-ընդգծել է մարզիկը։

Կրկին հաղթանակ․ Միշա Ալոյանը հաղթել է Էսպինոզային տեսարժան մարտում

Նշենք, որ Ալոյանը ծնվել է 1988թ․օգոստոսի 23-ին ՀԽՍՀ Բամբակաշատ գյուղում։ 1997թ-ին ընտանիքի հետ տեղափոխվել է Նովոկուզնեցկ, որտեղ էլ հենց սկսել է զբաղվել բռնցքամարտով։ Նա ՌԴ վաստակավոր սպորտի վարպետ է։

2012թ-ի Լոնդոնի Օլիմպիական խաղերում Ալոյանը բրոնզե մեդալ է նվաճել մինչև 52 կգ քաշային կարգում, 2016թ-ի Ռիո-դե-Ժանեյրոյի Օլիմպիական խաղերում նա արծաթ է նվաճել նույն քաշային կարգում, բայց դոպինգ օգտագործելու պատճառով նրան որակազրկել են։

3
թեգերը:
մարզիկ, Տոկիո, Օլիմպիական խաղեր, բռնցքամարտիկ, բռնցքամարտ, Ռուսաստան
Ըստ թեմայի
Կանադահայ բռնցքամարտիկ Էրիկ Բազինյանը լուսանկար է հրապարակել անպարտելի Ֆլոյդ Մեյվեզերի հետ
Բռնցքամարտիկ Կարեն Չուխաջյանը հաղթել է մինչ այդ անպարտելի ռուսաստանցի մարզիկին. տեսանյութ
Հայ և վրացի բռնցքամարտիկները ձերբակալվել են Ռոսգվարդիայի աշխատակցի վրա հարձակվելու համար
Մահացել է Թուրքիայի առաջին պրոֆեսիոնալ բռնցքամարտիկ Կարպիս Զաքարյանը
Տղամարդիկ

Հայաստանում առցանց առևտուրը 2021թ-ից կիրականացվի միայն էլեկտրոնային կտրոններով

13
(Թարմացված է 16:11 27.05.2020)
Հայաստանում առցանց առևտրով զբաղվողները խախտում են Հարկային օրենսգիրքը: «Իմ քայլն» առաջարկում է փոխել օրենքն ու էլեկտրոնային հարթակում աշխատողներին բերել իրավական դաշտ:

ԵՐԵՎԱՆ, 27 մայիսի – Sputnik. Կորոնավիրուսի համավարակի տարածմանը զուգահեռ Հայաստանում օրեցօր ակտիվանում է առցանց առևտուրը: Միաժամանակ ավելանում են նաև «Հարկային օրենսգրքի» խախտման դեպքերը: ՀՀ ֆինանսների նախարարի տեղակալ Արման Պողոսյանն այսօր ԱԺ–ում «Հարկային օրենսգրքի» փոփոխությունների նախագծի ներկայացման ժամանակ ասաց, որ առցանց առևտրի դեպքում գնորդին կա՛մ ՀԴՄ կտրոն չի տրամադրվում, կա՛մ կտրոնը տպագրվում է նախապես ու գնորդին հանձնվում առաքիչի միջոցով, ինչը օրենքի խախտում է:

«Այլ տարբերակ չկա: Հաշվիչ դրամարկղային մեքենան պատվերի հասցե տեղափոխելու հնարավորություն նույնպես չկա: Այդ հնարավորությունն առաջարկվում է տրամադրել ավանդական ՀԴՄ–ների համար մինչև տարեվերջ, իսկ 2021թ-ի հունվարի 1-ից սկսած, երբ որ պայմանականորեն մենք կհամարենք, որ անցումային փուլն ավարտվել է, էլեկտրոնային հարթակների միջոցով առք ու վաճառք իրականացնելու պարագայում կիրառելի կլինի բացառապես էլեկտրոնային հսկիչ դրամարկղային մեքենաների միջոցով նախապես տրամադրվող ՀԴՄ կտրոնը»,- ասաց փոխնախարարը՝ հավելելով, որ այդ ոլորտում աշխատող գործարարները մինչև տարեվերջ ժամանակ կունենան իրենց աշխատանքը հարմարեցնել նոր օրենքի պահանջներին:

Փաշինյանը վաճառել է իր ավտոմեքենան ու ավանդ ներդրել բանկում

Նախագծի հեղինակ «Իմ քայլը» խմբակցության պատգամավոր Գևորգ Պապոյանը հայտնեց, որ նախագիծը մշակվել է մինչև կորոնավիրուսի համավարակը: Բայց արտակարգ դրության ու տեղաշարժի սահմանափակումների ընթացքում առավել տեսանելի դարձավ դրա անհրաժեշտությունը:

Պապոյանի խոսքով` նախագծի հիմնական նպատակը առցանց առևտուրը էլեկտրոնային վճարային համակարգ ու էլեկտրոնային ՀԴՄ կտրոնների դաշտ տեղափոխելն է:

Բարի գալուստ ապագա. նստել եմ թախտին, սպասում եմ առաքմանը, նրանք ինձ հաց ու ջուր են բերում

13
թեգերը:
առևտուր, առցանց վաճառք, Հայաստան
Ըստ թեմայի
Նիկոլ Փաշինյանը շնորհակալ է բոլոր նրանց, ովքեր ՀԴՄ կտրոն են պահանջում
Դիմակ ներկրողները, արտադրողները և վաճառողները կօգտվեն մեզ պարտադրված վիճակից. Մելքումյան
ՀՀ-ում կասեցվել է շուրջ 650 տնտեսվարողի գործունեություն. ԱԱՏՄ-ն խախտումներ է հայտնաբերել