ԵՐԵՎԱՆ, 8 հուլիսի — Sputnik, Նելլի Դանիելյան.Կոռուպցիոն բացահայտումների արդյունքում հայտնաբերված թալանը կառավարությունում ոչ միայն հաշվել, այլև նույնիսկ որոշել են, թե ինչ նպատակի են ուղղելու։

Սյունիք այցի ժամանակ վարչապետ Նիկոլ Փաշինյանը հայտարարեց, որ կոռուպցիոն սխեմաների բացահայտումների արդյունքում պետությանը վերադարձված միջոցներից 10 մլրդ դրամը կհատկացվի համայնքներին` որպես սուբվենցիա։

Իրականում, պարզվում է, որ ոչ միայն վարչապետի հիշատակած 10 միլիարդը, այլև թալանված գումարներից ընդհանրապես ոչ մի լումա մինչև օրս բյուջե չի հասել։ Այս մասին Sputnik Արմենիային հայտնեցին Ֆինանսների նախարարությունից։

Մեր հարցմանն ի պատասխան նախարարությունից ասացին, որ կոռուպցիոն հանցագործությունների բացահայտման արդյունքում առգրավված գումարներից ոչ մի դրամ առ այսօր պետական բյուջե չի մուտքագրվել։

Վարչապետի ու Ֆինանսների նախարարության հակասական հայտարարությունների մասին Sputnik Արմենիայի հարցին առաջին փոխվարչապետ Արարատ Միրզոյանը պատասխանեց. «Եթե ֆինանսների նախարարն ասում է, որ դեռ չի հասել, ուրեմն դեռ չի հասել, դեռ ճանապարհին է»:

Հիշեցնենք`«Յանս» ռեստորանային համալիրի տարածքում հայտնաբերված 1 100 400 ԱՄՆ դոլարի, 230.500 եվրոյի, 36 մլն դրամի և «Էլիպս» ՍՊԸ–ում հայտնաբերված 50 000 դոլարի մասին հաղորդագրության մեջ Քննչական կոմիտեն նշել էր, որ դրանք «քննիչի որոշմամբ ի պահ են հանձնվել Կենտրոնական բանկին՝ մինչև քննությամբ կպարզվի դրանց ծագումը և դատարանի վերջնական վճռով կորոշվի դրանց հետագա ճակատագիրը»:

Այս տեղեկությունները հաստատեցին նաև ԿԲ–ում` հրաժարվելով, սակայն, հայտնել, թե արդյո՞ք այլ քրեական գործերով հայտնաբերված գումարները ևս նախաքննական մարմինները հանձնել են իրենց պահպանությանը։ ԿԲ մամուլի խոսնակ Հարություն Կբեյանը ասաց, որ Կենտրոնական բանկը այդ գումարները չի տնօրինում, այլ միայն պահպանում է մինչ դրանց մասին վերջնական որոշում կայացվի։

Իսկ ՔԿ նախագահի խորհրդական Սոնա Տռուզյանը Sputnik Արմենիային հարցին ի պատասխան ասաց, որ քրեական վարույթների շրջանակներում առգրավված գումարները նախաքննական մարմնի որոշմամբ, ապահով պահպանման համար, մինչև նախաքննության ու դատաքննության ավարտը ի պահ են տրվում կենտրոնական բանկին։ Իսկ դրանց ճակատագիրը որոշվում է դատական վերջնական ակտով։ «Եթե հաստատվի դրանց հանցավոր ծագումն ու դատարանը վճռի վերադարձնել պետական բյուջե, այդ ժամանակ դրանք հետ կվերցվեն ԿԲ-ից ու կմուտքագրվեն բյուջե»,– ասաց Տռուզյանը։

Իսկ ինչ վերաբերում է կոռուպցիոն հանցագործությունների կասկածանքով հայտնաբերված ու առգրավված անօրինական գումարներին, դրանց ստույգ չափը քննչական մարմինները հրաժարվում են հայտնել, քանի որ դրանց վերաբերյալ քրեական գործերը քննվում են տարբեր վարույթներով և միասնական հաշվարկ չի վարվում։

Հայաստանում իշխանափոխությունից` մայիսի 8-ից ի վեր Քննչական կոմիտեն, Հատուկ քննչական ծառայությունն ու Ազգային անվտանգության ծառայությունը կոռուպցիոն հանցագործությունների մասին շուրջ 6 տասնյակ հաղորդագրություններ են տարածել, որոնց մեծ մասում խոսվում է նաև հայտնաբերված անօրինական ծագմամբ գումարների, հափշտակված ու չարաշահված պետական միջոցների, ապօրինի հարստացման դեպքերի ու անօրինական ունեցվածքի մասին։

Այս հաղորդագրություններում հիշատակված գումարների պարզ հաշվարկի արդյունքում մենք հետևյալ պատկերը ստացանք. մայիսի 8-ից մինչ օրս ՔԿ վարույթում քննվող քրեական գործերով հայտնաբերվել են ընդհանուր առմամբ 1 513 836 994 դրամի հափշտակությունների, չարաշահումների դեպքեր: ՀՔԾ վարույթում քննվող քրեական գործերով հափշտակությունները, չարաշահումներն ու ապօրինի հարստացման դեպքերը միասին հասնում են 4 316 507 880 դրամի, իսկ ԱԱԾ վարույթում քննվող դեպքերով` 7 387 840 000 դրամի չարաշահումներ:

Այսպիսով, 3 քննչական մարմիններում քննվող քրեական գործերով ու պաշտոնապես հայտարարված տվյալներով, 2018թ-ի մայիսի 8-ից մինչ օրս հայտնաբերվել, բացահայտվել, կամ հիմնավորվել են 13 218 184 874 դրամի չարաշահումների,  հափշտակությունների, պետությունից թաքցված ունեցվածքի դեպքեր:

Եթե այս տվյալներին ավելացնենք նաև հուլիսի 7-ին ՀՔԾ հայտարարած նոր տվյալները` Սերժ Սարգսյանի եղբոր ընտանիքին պատկանող 3 341 834 290 դրամի մասին, ապա այդ թիվը կգերազանցի արդեն 16 մլրդ դրամը, ավելի կոնկրետ` կհասնի 16 560 019 164 դրամի:

Այս գումարների օրինական կամ անօրինական լինելու մասին վերջնական դիրքորոշումը կհայտնի դատական համակարգը` քրեական գործերի քննության ավարտին` դատական վերջնական ակտով: Մինչ այդ բոլոր հայտարարություններն արվում են հիմնավոր կասկածի մակարդակով, դե իսկ ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ օրինական ուժի մեջ մտած դատավճռով:

ԵՐԵՎԱՆ, 4 մարտի - Sputnik. ՀՀ նախագահ Արմեն Սարգսյանը, հիմք ընդունելով ՀՀ վարչապետ Նիկոլ Փաշինյանի միջնորդությունը, մի շարք զինծառայողների հետմահու պարգևատրելու հրամանագիր է ստորագրել։

Աղջկա հետ առևտուր եմ անում, բոլորը զարմացած նայում են. Արտյոմի կյանքն ամպուտացիայից հետո

Հայրենիքի պաշտպանության գործում ներդրած ավանդի, մարտական գործողությունների ընթացքում ցուցաբերած խիզախության և անմնացորդ նվիրումի համար Հայաստանի Հանրապետության պաշտպանության նախարարության ներքոհիշյալ զինծառայողները հետմահու պարգևատրվել են.

Քիմիական զենքն Արցախում․ ինչի՞ մասին են վկայում հայ զինվորների այրվածքները

«Մարտական խաչ» 1-ին աստիճանի շքանշանով՝

Նարեկ սարկավագ Պետրոսյան` Հայաստանի Հանրապետության զինված ուժերի հոգևոր առաջնորդության առաջնորդի օգնական։

«Դոբրին». զոհված Վարուժան Մատոսյանն ուզում էր 100 տարի ապրել և Արարատը բարձրանալ

Արիության մեդալով՝

Խաչիկ Լևոնի Ավետիսյան` թիվ N զորամասի գումարտակի հրամանատարի տեղակալ, մայոր,

Սևակ Վարդանի Օհանյան` թիվ N զորամասի վաշտի հրամանատար, կապիտան,

Մնացական Գեղամի Խաչատրյան` թիվ 70179 զորամասի դասակի հրամանատար, ավագ լեյտենանտ,

Գևորգ Եղիշեի Մանուկյան` թիվ 60925 զորամասի ժամկետային պարտադիր զինծառայող, շարքային,

Գնել Աբելի Պետրոսյան` թիվ N զորամասի ժամկետային պարտադիր զինծառայող, շարքային։

«Չեմ կարող վախկոտի պես ապրել». Վահեն իր վերջին վիրավորին կուրանալուց փրկեց, ինքը զոհվեց

Մարտական ծառայության մեդալով՝

Ռուդոլֆ Յուրիկի Դոխոյան` թիվ N զորամասի բաժանմունքի պետ, փոխգնդապետ,

Կարեն Հրահատի Հակոբյան` թիվ N զորամասի դիվիզիոնի հրամանատար, փոխգնդապետ,

Ռաֆայել Հովհաննեսի Վասիլյան` թիվ N զորամասի զորատեսակի պետ, մայոր,

Խորեն Հրանտի Ալեքսանյան` թիվ N զորամասի գումարտակի հրամանատարի տեղակալ, մայոր,

Ռուբեն Աշոտի Պրազյան` թիվ N զորամասի վաշտի հրամանատար, կապիտան,

Արարատ Կապլոյի Ծատուրյան` թիվ N զորամասի ջոկի սանհրահանգիչ, ենթասպա,

Արամիկ Կամոյի Դանիելյան` թիվ N զորամասի ջոկի հրամանատար, ենթասպա,

Արթուր Արայիկի Առաքելյան` թիվ N զորամասի բուժակ, ենթասպա,

Նարեկ Յուրիկի Ելուղյան` թիվ N զորամասի պայմանագրային զինծառայող, սերժանտ,

Տիգրան Արթուրի Խաչատրյան` թիվ N զորամասի պայմանագրային զինծառայող, սերժանտ,

Հարություն Կառլենի Հարությունյան` թիվ N զորամասի պայմանագրային զինծառայող, կրտսեր սերժանտ,

Մելիք Ռոբերտի Աթոյան` թիվ N զորամասի պայմանագրային զինծառայող, կրտսեր սերժանտ,

Վահագն Վանիկի Աֆրիկյան` թիվ N զորամասի պայմանագրային զինծառայող, կրտսեր սերժանտ,

Արա Յուրիկի Ափյան` թիվ N զորամասի պայմանագրային զինծառայող, շարքային,

Իգոր Համլետի Մանուկյան` թիվ N զորամասի պայմանագրային զինծառայող, շարքային,

Դավիթ Աշոտի Գևորգյան` թիվ N զորամասի պայմանագրային զինծառայող, շարքային,

Գարիկ Վաչագանի Բեգլարյան` թիվ N զորամասի պայմանագրային զինծառայող, շարքային,

Վահե Վաչիկի Գասպարյան` թիվ N զորամասի պայմանագրային զինծառայող, շարքային,

Ավագ Գևորգի Ռևազյան` թիվ N զորամասի պայմանագրային զինծառայող, շարքային,

Լևոն Գագիկի Եղիազարյան` թիվ N զորամասի պայմանագրային զինծառայող, շարքային,

Տիգրան Վահանի Զաքարյան` թիվ N զորամասի պայմանագրային զինծառայող, շարքային,

Սերգեյ Պավելի Բալբաբյան` թիվ N զորամասի պայմանագրային զինծառայող, շարքային,

Գոռ Արտուշի Իսախանյան` թիվ 95532 զորամասի պայմանագրային զինծառայող, շարքային,

Հայկ Մկրտչի Մկրտչյան` թիվ N զորամասի ժամկետային պարտադիր զինծառայող, շարքային,

Գոռ Վարդանի Երմալովյան` թիվ N զորամասի ժամկետային պարտադիր զինծառայող, շարքային,

Իսրայել Գագիկի Ակինյան` թիվ N զորամասի ժամկետային պարտադիր զինծառայող, շարքային,

Ավետիս Հակոբի Վարդանյան` թիվ N զորամասի ժամկետային պարտադիր զինծառայող, շարքային,

Վաղարշակ Հրաչիկի Բաղդասարյան` թիվ N զորամասի ժամկետային պարտադիր զինծառայող, շարքային,

Մորիս Գագիկի Խումարյան` թիվ N զորամասի ժամկետային պարտադիր զինծառայող, շարքային,

Գրիգոր Արայիկի Հովսեփյան` թիվ N զորամասի ժամկետային պարտադիր զինծառայող, շարքային,

Հարություն Ալիկի Պապեյան` թիվ N զորամասի ժամկետային պարտադիր զինծառայող, շարքային,

Արման Արշակի Մանուչարյան` թիվ N զորամասի ժամկետային պարտադիր զինծառայող, շարքային,

Գառնիկ Մանուկի Խաչատրյան` թիվ N զորամասի ժամկետային պարտադիր զինծառայող, շարքային,

Գարիկ Վալենտինի Մարգարյան` թիվ N զորամասի ժամկետային պարտադիր զինծառայող, շարքային,

Ռոբերտ Արտաշեսի Անանյան` թիվ N զորամասի ժամկետային պարտադիր զինծառայող, շարքային,

Հովհաննես Սմբատի Հովհաննիսյան` թիվ N զորամասի ժամկետային պարտադիր զինծառայող, շարքային,

Գևորգ Մնացականի Մնացականյան` թիվ N զորամասի ժամկետային պարտադիր զինծառայող, շարքային,

Արտյոմ Սարգսի Քոլանջյան` թիվ N զորամասի զինծառայող, ավագ սերժանտ,

Ռուբեն Ռաֆայելի Կիրակոսյան` թիվ N զորամասի զինծառայող, շարքային,

Համլետ Վլադիկի Աբրահամյան` թիվ N զորամասի զինծառայող, շարքային:

Հիշեցնենք` արդախյան վերջին պատերազմի զոհերի վերջնական թիվը մինչև այսօր հայտնի չէ։ Փետրվարի 18-ին ՀՀ գլխավոր դատախազությունը հայտնել էր, որ նույնականացվել է 3389 զինծառայողի մարմին։