Գյուղ

Բացահայտում. Ուրցաձորի գյուղապետը յուրացրել է մանկապարտեզին հատկացված 26 միլիոն դրամը

843
(Թարմացված է 14:36 04.07.2018)
Նա գրպանն է դրել նորոգման գումարը, հետո էլ մանկապարտեզին հատկացված խաղալիքների, գրենական պիտույքների և տնտեսական ապրանքների համար նախատեսված փողերը։

ԵՐԵՎԱՆ, 4 հուլիսի — Sputnik. Ոստիկանության Արարատի բաժինը տեղեկություններ է ստացել, որ Ուրցաձոր համայնքի ղեկավարը, պաշտոնեական դիրքը չարաշահելով, յուրացրել է գումար։ Բաժնի աշխատակիցները համագործակցեցին ոստիկանության Արարատի մարզային վարչության ծառայողների հետ։ Հունիսի 19-ին ստացված տեղեկությունների առնչությամբ ձեռնարկվել են միջոցառումներ։ Այս մասին հայտնում է ՀՀ ոստիկանության մամուլի ծառայությունը։

Արդյունքում մի քաղաքացի բանավոր հաղորդում է տվել, որ Ուրցաձոր գյուղի համայնքապետը յուրացրել է 2007 թվականին գյուղի մանկապարտեզի նորոգման համար հատկացված 25 միլիոն դրամը։ Բացի այդ, 2017-2018 թթ․ Ուրցաձորի համայնքապետը յուրացրել է նաև նույն մանկապարտեզին հատկացված խաղալիքների, գրենական պիտույքների և տնտեսական ապրանքների համար նախատեսված տարեկան 1 մլն դրամը։

Հունիսի 22-ին էլ Ուրցաձորի մեկ այլ բնակիչ ոստիկանությունում բանավոր հաղորդում տվեց, որ 2016 թ․ համայնքապետը իրենից վերցրել է 100 000 դրամ ընդհանուր արժեքով 3 գառ։ Խոստացել էր փոխարենը վճարել նրա հողի հարկերն ու չեղյալ համարել այդ պահին՝ 170 000 դրամի հողի պարտքը։ Բայց չարաշահել էր վստահությունը ու ո՛չ հողի հարկն էր վճարել, ո՛չ զրոյացրել պարտքերը և ո՛չ էլ վճարել վերցրած գառների համար։ Արդյունքում՝ հողի հարկի ընդհանուր պարտքը դարձել էր շուրջ 570 000 դրամ։

Կատարվածի հանգամանքները պարզվում են։

Կատարվում է քննություն։

843
Ըստ թեմայի
ԱԱԾ–ն գործողություններ է իրականացնում Ալեքսանդր (Սաշիկ) Սարգսյանի տանը. լուսանկարներ
Ստուգումներ և բացահայտումներ. ՊԵԿ–ը հենց «Սպայկան» չէր ստուգում
Բռնություն

Մանկատան սաներին ծեծել են, հոգեկան տառապանք պատճառել․ 2 աշխատակից է ձերբակալվել

11
(Թարմացված է 18:21 19.09.2020)
Նախաքննության ընթացքում կատարվել են մի շարք քննչական գործողություններ, այդ թվում՝ հարցաքննություններ:

ԵՐԵՎԱՆ, 19 սեպտեմբերի — Sputnik. ՀՀ քննչական կոմիտեն տեղեկացնում է, որ «Մանկան տուն» ՊՈԱԿ-ի երկու աշխատակցուհիներ ձերբակալվել են՝ սաների նկատմամբ ֆիզիկական ուժեղ ցավ կամ հոգեկան ուժեղ տառապանք պատճառելու կասկածանքով։

«Բացահայտվել է «Մանկան տուն» ՊՈԱԿ-ի աշխատակիցների կողմից նշված հաստատության սաներին առերևույթ ծեծի ենթարկելու և նրանց նկատմամբ  պարբերաբար դաժան վերաբերմունք դրսևորելու դեպք: Փաստի առթիվ ոստիկանությունում սեպտեմբերի 18-ին հարուցվել է քրգործ՝ ՀՀ քրեական օրենսգրքի 119-րդ հոդվածի (Ֆիզիկական ուժեղ ցավ կամ հոգեկան ուժեղ տառապանք պատճառելը) 2-րդ մասի 3-րդ և 5-րդ կետերով»,-նշված է հաղորդագրության մեջ։

Նախաքննության ընթացքում կատարվել են մի շարք քննչական գործողություններ, այդ թվում՝ հարցաքննություններ:

Քրեական գործով էական նշանակություն ունեցող հանգամանքներ պարզելու նպատակով նշանակվել են դատաբժշկական փորձաքննություններ: Նախաքննությունը շարունակվում է:

Ինչու են մանկատան շրջանավարտներն անհավասար իրավիճակում հայտնվել. Բաթոյանի մեկնաբանությունը

11
թեգերը:
ազատում, ծեծ, երեխա, մանկատուն
Ըստ թեմայի
«25 տարի հույսով սպասել եմ». մանկատների 18 շրջանավարտ բնակարանի գնման վկայագրեր ստացան
Գյումրիում կորոնավիրուսի նոր օջախ է հայտնաբերվել. թիրախում մանկատան սաներն են
«Յուղոտ վերնագիր». կառավարությունը 166 բնակարան կնվիրի մանկատան շրջանավարտներին
Լևոն Վարդանյան

«Հին Երևանի» աշխատանքներում ամեն ինչ չէ, որ հարթ է ընթանում

17
(Թարմացված է 17:29 19.09.2020)
«Հին Երևան» նախագծի հեղինակ, ճարտարապետ Լևոն Վարդանյանը Sputnik Արմենիայի եթերում անդրադարձել է նախագծի շինարարական աշխատանքների ընթացքին։
Վարդանյան. «Հին Երևանի» նախագծի շրջանակում կանգնած ենք իրացման աշխատանքների խնդրի առջև

Լևոն Վարդանյանի տեղեկացմամբ` աշխատանքներն արդեն մոտենում են ավարտական փուլին, մնացել է միայն կենտրոնական ծածկն ու բարեկարգման ընդհանուր աշխատանքը։ Ճարտարապետը հույս է հայտնում, որ այս տարի աշխատանքները կավարտվեն։

«Մենք հիմա կանգնած ենք իրացման աշխատանքների խնդրի առջև։ Խոսքը վերաբերում է նախևառաջ Արամի և Բուզանդի փողոցների բնակիչների փոխհատուցման խնդրին։ Այդ հատվածում աշխատանքներն ավարտվում են, որտեղ կան երեք տեսակի հուշարձաններ` պահպանվող, տեղափոխվող և վերստեղծվող»,– նշում է ճարտարապետը։

Լևոն Վարդանյանի փոխանցմամբ` երբ տեղափոխվող հուշարձանները կրկին կհավաքվեն նույն տեղում, այդժամ ծրագիրը ժողովրդի համար ավելի ընկալելի կլինի։ Ճարտարապետը տեղեկացնում է, որ իր օրոք ապամոնտաժվել է մեկ շենք` «Աֆրիկյանների եկամտաբեր տունը»։ Նա սկզբից ղեկավարել է աշխատանքները  և պնդում է, որ շենքի երեսի դիմահար քարերն ամբողջությամբ պահպանվել են, իսկ ինչ վերաբերում է շինարարական մյուս հատվածներին, ապա բոլոր քարերը պետք է պահպանվեն, իսկ անհնարինության դեպքում՝անպայմանլրացվեն։

«Մինչ օրս իրացման աշխատանքների մոտ 65 տոկոսն է կատարված, մնացածի հետ կապված կան բարդություններ, որովհետև բնակիչների հետ աշխատանքներ են տարվում, տեսնենք ինչով այդ ամենը կավարտվի։ Սպասում ենք, որ գոնե ևս մեկ տարածք մաքուր լինի, որ սկսենք շինարարական աշխատանքները»,– նշում է ճարտարապետը։

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Լևոն Վարդանյանի փոխանցմամբ` տարածքի նկատմամբ գերակա շահն ի սկզբանե հաստատվեց, այնուհետև գերակա շահի մասին օրենքը վերահաստատվեց։ Այսօր շատ դժվար է իրացման աշխատաքներ կատարել ամբողջ քաղաքում, առավել ևս՝ կենտրոնում։ Ըստ նրա` նախագծի ներդրողների հետ շենքերի ֆունկցիոնալ նշանակության հարցերը դեռ չեն հստակեցվել, որովհետև դա ամենաբարդ պրոբլեմներից է։ Նախագիծը ենթադրում է բազմաֆունկցիոնալ կենտրոն, և եթե պատվիրատուն մի քանի տարի սպասում է, որպեսզի ավարտվեն իրացման աշխատանքները և ինքը սկսի շինարարությունը, ապա ինչպե՞ս կարող է անորոշ ժամանակահատվածում կոնկրետ որևէ ֆունկցիայի մասին խոսք լինել։

17
թեգերը:
ճարտարապետ, «Հին Երևան» նախագիծ
Ըստ թեմայի
«Հին Երևանը» 2–րդ սերիա կունենա. իշխանությունը համուհոտը վերադարձնելու նոր տարբերակ ունի
Ռուսերեն ու գերմաներեն հայհոյող և հայերեն խոսող «գուշակ» թութակը. կյանքը հին Երևանում
«Սիրում եմ Երևանը, որն արդեն չկա՝ Հին Բաղնիքի մոտի փողոցները». Պիոտրովսկի