«Սպայկա»

Հարված բյուջեին. խոշոր ձեռնարկությունները մոտ 2 միլիարդ դրամի հարկ չեն վճարել

6142
(Թարմացված է 21:31 03.07.2018)
ՊԵԿ հետաքննության և ՀՀ ոստիկանության աշխատակիցներն այսօր պարզել են, թե 3 տարվա ընթացքում «Սպայկա» և «Գրինպրոդուկտ» ընկերություններն ինչքան վնաս են հասցրել պետությանը։

ԵՐԵՎԱՆ, 3 հուլիսի — Sputnik. Այսօր հարուցված քրեական գործերի շրջանակներում, ՊԵԿ հետաքննության և ՀՀ ոստիկանության աշխատակիցները համատեղ խուզարկություններ են կատարել «Վիլլիջ Գրուպ» ՍՊԸ-ի, «Գրինպրոդուկտ» ՍՊԸ-ի և վերջիններիս հետ որոշակի փոխկապակցվածություն ունեցող «Սպայկա» ՍՊԸ-ի գործունեության հասցեներում:

Ինչպես տեղեկացնում են ՊԵԿ մամուլի ծառայությունից, ավելի վաղ՝ 2018 թվականի հունիսի 22-ին, ՀՀ պետական եկամուտների կոմիտեի խոշոր և միջին հարկ վճարողների հարկային տեսչություն-վարչության աշխատակիցների կողմից «Վիլլիջ Գրուպ» ՍՊԸ-ի կողմից պակաս հաշվարկված հարկային պարտավորությունների վերաբերյալ նախնական հաշվարկ է կատարվել, համաձայն որի հիշյալ ընկերությունը 2015 թվականի հունվարի 1-ից մինչև 2018 թվականի ապրիլի 30-ն ընկած ժամանակահատվածում ՌԴ է արտահանել ընդհանուր 16.781.003.467 դրամ արժողությամբ 18.164.891 կգ տարբեր տեսակի պանիր: Ընկերությունը ՀՀ տարածքում չի ունեցել ձեռքբերումներ այլ տնտեսվարողներից, հետևաբար պանրի ձեռքբերումները ֆիզիկական անձանցից կատարված լինելու արդյունքում պետական բյուջե չի հաշվարկվել եկամտային հարկ՝ 1.669.694.074 ՀՀ դրամի չափով:

Դեպքի առթիվ 2018 թվականի հուլիսի 2-ին ՀՀ ՊԵԿ հետաքննության վարչության հետաքննության բաժնում հարուցվել է քրեական գործ: Պանրի ձեռքբերման իրական աղբյուրը պարզելու համար կատարվում են քննչական գործողություններ և օպերատիվ-հետախուզական միջոցառումներ:

Բացի այդ, ՀՀ ՊԵԿ խոշոր և միջին հարկ վճարողների հարկային տեսչություն-վարչության աշխատակիցների կողմից կատարվել է «Գրինպրոդուկտ» ՍՊ ընկերության հարկային պարտավորությունների նախնական հաշվարկ, որի արդյունքում պարզվել է, որ հիշյալ ընկերությունը 2017 թվականի հաշվարկով ներկայացրել է 2.139.518.476 ՀՀ դրամի չափով իրացման պակաս շրջանառություն, ինչի արդյունքում պակաս է հաշվարկել և պետական բյուջե վճարել 427.903.695 ՀՀ դրամ գումար: Մասնավորապես՝ 2017 թվականի ընթացքում «Գրինպրոդուկտ» ՍՊ ընկերությունը, ունենալով ընդամենը մեկ աշխատակից, ՀՀ-ից ՌԴ է արտահանել մեծ քանակությամբ լոլիկ և մեկ կիլոգրամ լոլիկի արժեքը հայտարարագրել է շուկայականից էականորեն ցածր գնով:

6142
թեգերը:
ՀՀ պետական եկամուտների կոմիտե, Հայաստան
Ըստ թեմայի
Իրավապահներն ու ՊԵԿ-ը մտել են «Սպայկա» ընկերություն
6 միլիոն 800 հազար դոլար ավանդի պայմանագրեր` Սերժ Սարգսյանի եղբորորդու բնակարանում. ՊԵԿ
Պետբյուջե վերադարձրին 800 միլիոն դրամ. ՊԵԿ–ը գնացել է պետությանը պատճառված վնասի հետքերով
Չգրանցված աշխատողներ, չվճարված հարկեր. ՊԵԿ–ի նոր բացահայտումները