Էլեկտրական ցանցեր

Կարապետյանը կարող է հանգիստ լինել. կառավարությունը չի պատրաստվում ՀԷՑ–ը վերցնել «Տաշիրից»

234
Նախարարը բավարար է գնահատում ՀԷՑ–ի աշխատանքը։

ԵՐԵՎԱՆ, 30 հունիսի — Sputnik. Կառավարությունը չի քննարկում Հայաստանի էլեկտրական ցանցերը «Տաշիր» ընկերությունից վերցնելու հարցը։ Այսօր լրագրողների հետ զրույցում ասաց ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:

Նախարարը չնշեց նաև, թե գոհ է արդյոք կառավարությունը ՀԷՑ-ի աշխատանքից։

«ՀԷՑ-ի կառավարման աշխատանքներից գոհ լինելու վերաբերյալ կարծիք ես այս պահին չպետք է ունենամ, որովհետև այն կլինի շատ սուբյեկտիվ և կողմնակալ: Ինձ թվում է` ՀԷՑ-ի աշխատանքներից գոհ կամ դժգոհ լինելու վերաբերյալ կարծիք պետք է արտահայտի բնակչությունը»,- ասաց նա:

Այդուհանդերձ, Արթուր Գրիգորյանը նշեց, որ ՀԷՑ-ի մատուցած ծառայությունների որակը բավարար է:

Հայաստանի էլեկտրական ցանցերի կառավարումը «Տաշիր» ընկերությունների խմբի կառավարմանն է հանձնվել 2015թ. հոկտեմբերից։ «Տաշիր» ընկերության սեփականատերը ռուսաստանաբնակ գործարար Սամվել Կարապետյանն է։

Այսօր «Տաշիրը» ՀԷՑ բաժնետոմսերի 100 տոկոս բաժնետերն է։

ՀԷՑ-ի կառավարումը «Տաշիր» ընկերությունների խմբի կառավարմանը հանձնելու որոշում կայացվեց, երբ էլեկտրաէներգիայի սակագնի թանկացման դեմ բողոքի ցույցերի արդյունքում «Ինտեր ՌԱՕ» ռուսական ընկերությունը վաճառեց ՀԷՑ-ի բաժնետոմսերն ու հրաժարվեց դրա կառավարումից:

234
Ըստ թեմայի
Էլեկտրաէներգիայի սակագինը մասնակի կփոխհատուցվի. «Տաշիր» խմբի հայտարարությունը
Արթուր Գրիգորյանը պարզաբանում է` ինչու է խզվել «Տաշիր կապիտալի» հետ գործարքը
«Տաշիրը» գնեց «Իզվեստիայի» շենքը
ԱԳՆ

ՀՀ քաղաքացիները հունիսի 1-ից կկարողանան Չինաստան մեկնել սովորական անձնագրով. ԱԳՆ

0
Չինաստան ժամանելուց հետո Հայաստանի քաղաքացիները ստիպված կլինեն 14 օր մեկուսանալ սեփական միջոցների հաշվին։

ԵՐԵՎԱՆ, 30 մայիսի – Sputnik. Մայիսի 31-ին ավարտվում է «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրի ժամանակավոր կասեցման ժամկետը, և հունիսի 1-ից սովորական անձնագրեր կրող ՀՀ քաղաքացիները իրավունք կունենան առանց արտոնագրերի ձևակերպման մեկնել Չինաստան: Տեղեկությունը հայտնում է ՀՀ արտգործնախարարությունը։

Միևնույն ժամանակ ԱԳՆ-ն հորդորում է ՀՀ քաղաքացիներին Չինաստան այցելություն ծրագրել միայն խիստ անհետաձգելի դեպքերում:

«Այցելություն ծրագրելու պարագայում Չինաստան մեկնելուց առաջ ՀՀ քաղաքացիները պետք է լրացնեն համապատասխան հայտարարություն առողջական վիճակի վերաբերյալ, ինչպես նաև Չինաստան ժամանելուց հետո անցնեն պարտադիր 14-օրյա կարանտին հատկացված վայրում՝ սեփական միջոցների հաշվին»,– նշված է հաղորդագրության մեջ:

Հիշեցնենք, որ նոր տիպի կորոնավիրուսային համաճարակով պայմանավորված` 2020թ. փետրվարի 1–ից մինչ մարտի 31–ը ժամանակավորապես կասեցվել էր «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրով սահմանված՝ ՀՀ մուտքի արտոնագրի պահանջի վերացումը Չինաստանի Ժողովրդական Հանրապետության սովորական անձնագրեր կրող անձանց համար։

 

0
ԱԻՆ աշխատակից

Սևանում տղամարդն ընկել է մոտ 4 մետր խորությամբ փոսը և մահացել

6
(Թարմացված է 12:23 30.05.2020)
Փրկարարները փոսից հանել են 73–ամյան Սերյոժա Վ․-ի դին և հանձնել շտապօգնության աշխատակիցներին։

ԵՐԵՎԱՆ, 30 մայիսի – Sputnik. Սևան քաղաքի Ցամաքաբերդ թաղամասում քաղաքացին ընկել է մոտ 4 մետր խորությամբ փոսի մեջ և մահացել։ Տեղեկությունը հայտնում է ՀՀ արտակարգ իրավիճակների նախարարությունը։

«Մայիսի 29-ին, ժամը 11։50-ին Ճգնաժամային կառավարման ազգային կենտրոնն ահազանգ է ստացել, որ Սևան քաղաքի Ցամաքաբերդ թաղամասում քաղաքացին ընկել է մոտ 4 մետր խորությամբ փոսը»,– նշված է հաղորդագրության մեջ։

Դեպքի վայր է մեկնել ԱԻՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Արտակարգ դեպք Երևանում. սննդի կետը միտումնավո՞ր են հրկիզել

Պարզվել է, որ քաղաքացին ընկել է Սոս Մանուկյանի անվան փողոցի տներից մեկի բակի մոտ գտնվող փոսը։

Փրկարարները փոսից հանել են Սերյոժա Վ․-ի դին (ծնված 1947 թ) և հանձնել շտապօգնության աշխատակիցներին։

«Զվարթնոց» օդանավակայանի մոտակայքում շղթայական ավտովթար է տեղի ունեցել

6
թեգերը:
ՀՀ արտակարգ իրավիճակների նախարարություն (ԱԻՆ), Մահ, տղամարդ, Սևան, Հայաստան
թեմա:
Վթար, պատահար, սպանություն, գողություն
Ըստ թեմայի
Էջմիածնում «Lexus»-ը վրաերթի է ենթարկել տատին և 2 թոռներին. վարորդը փախել է
Վրաերթ Կոտայքի մարզում. 75-ամյա տղամարդը մահացել է
Արտառոց դեպք Արմավիրի մարզում. 14–ամյա աղջիկը նետվել է «կարմիր կամրջից»