«Ծեր, ալեհեր վրացի» Սոսո Պավլիաշվիլին ծնունդը նշել է Հայաստանում. տեսանյութ
(Թարմացված է 13:01 30.06.2018)
Հայտնի երգիչ Սոսո Պավլիաշվիլին արևոտ Հայաստանից շնորհակալություն է հայտնել շնորհավորանքների համար։ԵՐԵՎԱՆ, 30 հունիսի — Sputnik. Հանրահայտ երգիչ Սոսո Պավլիաշվիլին իր 54-ամյակը նշել է Երևանում և այդ մասին գրել է Instagram-ի իր էջում։
Երաժիշտը շնորհակալություն է հայտնել իր բաժանորդներին ու երկրպագուներին շնորհավորանքների համար։
«Երեկ Երևանում հաճույքով ելույթ ունեցա ու ժամանակ անցկացրի Շանսոն ակումբում։ Շատ շնորհակալ եմ», — գրել է Պավլիաշվիլին։
Բացի այդ, երգիչը տեսաուղերձ է հրապարակել, որում ևս մեկ անգամ շնորհակալություն է հայտնել իր երկրպագուներին ջերմ խոսքերի համար։
«Սիրելիներս, շնորհակալ եմ բոլոր այն մարդկանց, ովքեր այսօր ինձ հետ էին։ Շնորհակալ եմ բոլոր նրանց, ովքեր հիշեցին ինձ, շնորհավորեցին։ Ով չհիշեց ու չշնորհավորեց, թող ինձնից հարյուր անգամ լավ ապրի։ Ամենակարևորն այն է, որ մենք միասին ենք և ուրախանում ենք մեկս մյուսի համար։ Ուրեմն մենք երջանիկ մարդիկ ենք», — նշել է արտիստը։
Պավլիաշվիլիի բաժանորդները միացել են շնորհավորանքներին ու երգչին մաղթել երկար տարիների կյանք, երջանկություն ու առողջություն։
Սոսո (Իոսիֆ) Պավլիաշվիլին էստրադայի երգիչ է, կոմպոզիտոր։ Ծնվել է 1964 թվականի հունիսի 29-ին Թբիլիսիում։ Նա հաճախ է համերգներ տալիս Հայաստանում։
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
(Թարմացված է 23:31 02.03.2021)
Վարորդները տեղում ենթարկվել են փորձաքննության։ Պարզվել է, որ նրանք եղել են սթափ վիճակում:
ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։
«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:
Վթարի հետևանքով 5 հոգի մարմնական վնասվածքներով տեղափոխվել են «Արմավիր» բժշկական կենտրոն:
Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:
Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել
Ոստիկանությունը պարզում է վիրավորների ինքնությունը:
Վարորդները տեղում ենթարկվել են փորձաքննության, պարզվել է, որ նրանք եղել են սթափ:
Դեպքի վայրում հավաքվածներն ասել են, որ վիրավորների մեջ երեխաներ կան:
Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է