Նախարարի բարձրաձայն մտքերը. Թորոսյանը հարց է ուղղել քաղաքացիներին և սպասում է պատասխանի
(Թարմացված է 12:48 30.06.2018)
Առողջապահության նախարարը մտորում է պոլիկլինիկաներում նոր հերթապահություն սահմանելու մասին։ԵՐԵՎԱՆ, 30 հունիսի — Sputnik. ՀՀ առողջապահության նախարար Արսեն Թորոսյանը ֆեյսբուքյան իր էջում հրապարակած գրառումով ուզում է պարզել քաղաքացիների կարծիքը` ճի՞շտ կլինի արդյոք, որ հանգստյան օրերին պոլիկլինիկաներում բժիշկների հերթապահություն սահմանվի։
«Ի՞նչ կարծիքի եք, եթե քաղաքային պոլիկլինիկաներում ոչ աշխատանքային օրերին մեկական բժշկի և բուժքրոջ հերթապահություն սահմանվի»,- գրել է նա։
Թորոսյանն իր գրառմանը կցել է #ԲարձրաձայնՄտքեր հեշթեգը։
Ոմանք համարել են, որ դա շատ լավ միտք է, ճիշտ որոշում։
«Այո, քանի որ դա կթեթևացնի շտապօգնության աշխատանքը, նաև կթեթևացնի հիվանդանոցների բեռը: Նաև կոռուպցիոն ռիսկը կնվազի, հիվանդանոց ամեն դիմողին ստացիոնար չեն ձևակերպի: Համամիտ եմ Ձեզ հետ, ամեն ինչ սկսվում է առաջնային օղակից, ու պետք է շատ ուժեղացնենք այդ հատվածը»,- գրել է օգտատերերից մեկը:
Շատերն էլ վստահեցրել են, որ անիմաստ է, որովհետև այդ օրերին այսպես թե այնպես հերթապահություն կա հիվանդանոցներում։
«Բայց պոլիկլինիկայում հերթապահելու իմաստը ո՞րն է։ Եթե հանգստյան օրերին փակ կլինի քարտադարանը,լաբորատորիան,նեղ մասնագետների կաբինետները,ստիպված`բժիշկը պետք է հիվանդին ուղարկի ստացիոնարում հերթապահող բժշկի մոտ,իսկ երեսուն հազար դրամ ստացող բուժքույրը,կարծում եմ չի համաձայնվի հերթապահել շաբաթ-կիրակի օրերին, մարդկանց պետք են հանգստյան օրեր»,- գրել է մեկ այլ օգտատեր։
Ոմանք նշել են պոլիկլինիկաների թերությունները` դժգոհելով առաջնային օղակի աշխատանքից` երկար հերթեր, ավելորդ թղթաբանություն։
թեգերը:
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
(Թարմացված է 23:31 02.03.2021)
Վարորդները տեղում ենթարկվել են փորձաքննության։ Պարզվել է, որ նրանք եղել են սթափ վիճակում:
ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։
«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:
Վթարի հետևանքով 5 հոգի մարմնական վնասվածքներով տեղափոխվել են «Արմավիր» բժշկական կենտրոն:
Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:
Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել
Ոստիկանությունը պարզում է վիրավորների ինքնությունը:
Վարորդները տեղում ենթարկվել են փորձաքննության, պարզվել է, որ նրանք եղել են սթափ:
Դեպքի վայրում հավաքվածներն ասել են, որ վիրավորների մեջ երեխաներ կան:
Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է