Արմեն Աշոտյանը շնորհավորել է Սերժ Սարգսյանին
(Թարմացված է 11:18 30.06.2018)
Պատգամավորի գրառմանը, բնականաբար, հաջորդել են մեկնաբանությունները. ոմանք միացել են Աշոտյանի շնորհավորանքին, մյուսներն էլ իրականություն վերադառնալու կոչ արել նրան։ԵՐԵՎԱՆ, 30 հունիսի — Sputnik. ՀՀԿ փոխնախագահ, Ազգային ժողովի պատգամավոր Արմեն Աշոտյանը Facebook սոցիալական ցանցում շնորհավորել է ՀՀ նախկին նախագահ Սերժ Սարգսյանի ծննդյան օրը։
«Շնորհավոր ծնունդդ, Գերագույն գլխավոր հրամանատար»,- գրել է Աշոտյանը և հրապարակել Սարգսյանի լուսանկարը։
Նրա գրառմանը հաջորդած մեկնաբանություններում օգտատերերից մեկը նշել է, որ Սարգսյանն արդեն ավելի քան երկու ամիս գերագույն գլխավոր հրամանատար չէ։
Աշոտյանը պատասխանել է. «Արարողակարգի կանոնների համաձայն` նման բարձրաստիճան կոչումները նախկին չեն լինում և կարող են գործածվել նաև պաշտոնանկությունից հետո»։
Մեկ այլ օգտատեր էլ Աշոտյանին հորդորել է վերադառնալ իրականություն։
«Տարօրինակ կոչ է, որն ավելի շատ իմ անձնական էջը գրաքննելու հորդոր է հիշեցնում։ Մի արեք այդպես, պարզապես մի արեք»,- պատասխանել է պատգամավորը։
Աշոտյանին է միացել նաև ԱԺ պատգամավոր, հայտնի երգչուհի Շուշան Պետրոսյանը։
«Շնորհավոր ծնունդդ, հրամանատար»,- գրել է նա։
Նշենք, որ այսօր` հունիսի 30-ին, Սերժ Սարգսյանի ծննդյան օրն է։ Նա դառնում է 64 տարեկան։
Հիշեցնենք, որ 2008-2018 թվականներին ՀՀ նախագահի պաշտոնը զբաղեցրած, իսկ դրանից հետո ընդամենը մի քանի օր վարչապետի աթոռին նստած Սերժ Սարգսյանը ապրիլի 23-ին հրաժարական տվեց։ Մայիսի 8-ին վարչապետի պաշտոնը ստանձնեց Նիկոլ Փաշինյանը։
թեգերը:
Մի քիչ կտաքանա. եղանակի տեսություն
(Թարմացված է 14:44 02.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։
Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։
Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ
Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:
Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։
Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։
Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի
Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։
թեգերը:
թեմա:
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան
(Թարմացված է 23:31 02.03.2021)
Վարորդները տեղում ենթարկվել են փորձաքննության։ Պարզվել է, որ նրանք եղել են սթափ վիճակում:
ԵՐԵՎԱՆ, 2 մարտի - Sputnik. Այսօր՝ մարտի 2-ին, խոշոր ավտովթար է տեղի ունեցել Արմավիրի մարզում: Կան տուժածներ։ Տեղեկությունը հայտնում է shamshyan.com-ը։
«Ժամը 18:40-ի սահմաններում Արմավիր-Թալին և դեպի Քարակերտ գյուղ տանող ավտոճանապարհների հատման հատվածում բախվել են Արմավիր քաղաքի բնակիչ, 25-ամյա Գոռ Հովհաննիսյանի վարած Opel Astra մակնիշի և Քարակերտ գյուղի բնակիչ, 25-ամյա Սարգիս Խոսրովյանի վարած Opel Astra մակնիշի ավտոմեքենաները»,–գրում է կայքը:
Վթարի հետևանքով 5 հոգի մարմնական վնասվածքներով տեղափոխվել են «Արմավիր» բժշկական կենտրոն:
Հետաքննիչի հանձնարարականով ավտոմեքենաները տեղափոխվել են ոստիկանության Բաղրամյանի բաժնի պահպանվող հատուկ տարածք:
Երևանում գրանցվել է 70 վթար, որի պատճառով քաղաքում երթևեկությունը կաթվածահար է եղել
Ոստիկանությունը պարզում է վիրավորների ինքնությունը:
Վարորդները տեղում ենթարկվել են փորձաքննության, պարզվել է, որ նրանք եղել են սթափ:
Դեպքի վայրում հավաքվածներն ասել են, որ վիրավորների մեջ երեխաներ կան:
Թաիրով գյուղում տեղի ունեցած ավտովթարի հետևանքով 3 մարդ է տուժել. վարորդի վիճակը ծանր է