Բողոքի ակցիա

«Տարոն Մարգարյանի վերաբերյալ տեսանյութի պատասխանները կտան իրավապահ մարմինները». Փաշինյան

409
(Թարմացված է 14:23 26.06.2018)
Վարչապետը կոչ արեց դադարեցնել բողոքի ակցիաները և չխանգարել կառավարության բնականոն աշխատանքին:

ԵՐԵՎԱՆ, 25 հունիսի — Sputnik. Տարոն Մարգարյանի վերաբերյալ տեսանյութը բազմաթիվ հարցեր է առաջացնում, որոնց պատասխանները պիտի տան իրավապահ մարմինները: Անդրադառնալով Տարոն Մարգարյանի ունեցվածքի վերաբերյալ այսօր համացանցում տարածված տեսանյութին՝ ֆեյսբուքյան ասուլիսի ժամանակ ասաց ՀՀ վարչապետ Նիկոլ Փաշինյանը:

«Արդեն գիտեք՝ «Երևան» հիմնադրամի նկատմամբ քրեական գործ է հարուցվել, և բոլոր հարցերը հետևողականորեն իրենց պատասխանները կստանան»,-ասաց վարչապետն ու հավելեց, որ Հայաստանում քաղբանտարկյալներ չպիտի լինեն, եթե քաղաքական մոտիվներով ինչ-որ մեկին բանտարկեն, կնշանակի ամեն ինչ իզուր էր, և բան չի փոխվել:

«Ոչ մի ահազանգ առանց քննության չի մնում, բայց որևէ գործողություն պիտի հիմնված լինի փաստերի վրա: Այս պարագայում անիմաստ է կրկին ակցիաներ անել քաղաքապետարանի մոտ, որովհետև դուք սրանով նաև ճնշում եք գործադրում կառավորության վրա»,-ասաց Փաշինյանը:

Նա կոչ արեց այդ քաղաքացիական ակցիաներն անել այն ժամանակ, երբ կառավարության հանդեպ վստահություն չկա:

«Կառավարություն ենք դարձել, որ դուք չգնանք փողոցներում կանգնենք: Մենք փողոցներում կանգնել ենք, մեր իշխանությունը հաստատել ենք, էլ ինչի՞ փողոցում բողոքել: Ես մեր կողմնակիցներին կոչ եմ անում հետ մնալ նման ակցիաններից, որ տարբերենք սաբոտաժը իրականությունից»,-ասաց ՀՀ վարչապետը:

Նիկոլ Փաշինյանը պահանջեց և կոչ արեց չիրականացնել անհնազանդության ակցիաներ, որովհետև դրանով կառավարությանը շեղում են օրակարգից:

409
թեգերը:
Տարոն Մարգարյան, Նիկոլ Փաշինյան
թեմա:
ՀՀ վարչապետ Նիկոլ Փաշինյան (851)
Ըստ թեմայի
Տարոն Մարգարյանը խոսեց իր հրաժարականի մասին
Տարոն Մարգարյանին անհանգստացնո՞ւմ են ԱԱԾ–ի բացահայտումները
Տարոն Մարգարյանի դեմ քրեական գործ չի հարուցվել. քաղաքապետարանը հերքում է
ԱԱԾ-ն մտե՞լ է Տարոն Մարգարյանի տուն, թե՞ ոչ