Ժիրայր Սեֆիլիյան

Ժիրայր Սեֆիլյանին ազատ արձակեցին

692
(Թարմացված է 16:24 13.06.2018)
Վերաքննիչ դատարանը բավարարեց կալանքը փոխելու միջնորդությունը:

ԵՐԵՎԱՆ, 13 հունիսի – Sputnik. Շուշիի առանձակի գումարտակի հրամանատար Ժիրայր Սեֆիլյանը, «Հիմնադիր խորհրդարանի» համակիր Գևորգ Սաֆարյանը, Ներսես Պողոսյանը, Սասունիկ Կիրակոսյանը, Հրայր Թոփչյանն ու Գալուստ Գրիգորյանը դատարանի դահլիճից ազատ արձակվեցին։

Վերաքննիչ դատարանը բավարարեց նրանց կալանքը փոխելու վերաբերյալ միջնորդությունը։

Ժիրայր Սեֆիլյանի, Գևորգ Սաֆարյանին և Ներսես Պողոսյանին ազատ արձակելու համար անձնական երաշխավորություն էին ներկայացրել «Ծառուկյան» և «Ելք» դաշինքի պատգամավորները:
Սեֆիլյանն անազատության մեջ էր արդեն շուրջ 2 տարի: 

Ժիրայր Սեֆիլյանին մեղադրանք էր առաջադրվել ՀՀ ՔՕ-ի 35-225-րդ հոդվածի 1-ին մասի, 35-225-րդ հոդվածի 1-ին մասի, 35-219-րդ հոդվածի 3-րդ մասի 1-ին կետի հատկանիշներով, որոնցում ճանաչվեց մեղավոր:

Մեղադրական եզրակացության մեջ ասվում էր, որ Սեֆիլյանը մի խումբ անձանց հետ նախնական համաձայնությամբ, 2015 թվականի ապրիլի 24-ին Երևանում բռնություն գործադրելով, գույք ոչնչացնելով և վնասելով, ինչպես նաև իշխանության ներկայացուցչին զինված դիմադրություն ցույց տալով արտահայտված, հասարակական անվտանգությունը վտանգող զանգվածային անկարգություններ հրահրելու ուղղակի դիտավորությամբ, սկսած 2014 թվականի մայիսից կատարել է դրա կազմակերպմանն ուղղված նախապատրաստական գործողություններ, բացի այդ, 2015 թվականի նոյեմբերից մինչև 2016 թվականի մայիսի 18-ն ընկած ժամանակահատվածում, կազմակերպված խմբի կազմում ապօրինի կերպով ձեռք է բերել, պահել և փոխադրել հրազեն և ռազմամթերք` նպատակ ունենալով զենքի գործադրմամբ, կյանքի համար վտանգավոր բռնություն գործադրելով զավթել և պահել ռազմավարական նշանակության շենքեր, շինություններ, սակայն իր կամքից անկախ հանգամանքներով ավարտին չի հասցվել:

692