Նարեկ Բաբայան

Լենա Նազարյանի ամուսինը կղեկավարի Գալուստ Սահակյանի որդու ղեկավարած կառույցը

466
(Թարմացված է 14:55 12.06.2018)
Նիկոլ Փաշինյանի որոշել է` ով պետք է ղեկավարի Պետական գույքի կառավարման կոմիտեն։

ԵՐԵՎԱՆ, 12 հունիսի — Sputnik. Նարեկ Բաբայանը նշանակվեց տնտեսական զարգացման և ներդրումների նախարարության պետական գույքի կառավարման կոմիտեի նախագահ։ Այս մասին նշված է կառավարության կայքում։

Բաբայանին այս պաշտոնում նշանակելու որոշումը ՀՀ վարչապետ Նիկոլ Փաշինյանը ստորագրել է երեկ` հունիսի 11-ին։

Բաբայանը Փաշինյանի համախոհներից է, «Ելք» խմբակցության անդամ Լենա Նազարյանի կինը։

Մինչ այս, կառույցը ղեկավարում էր ՀՀԿ փոխնախագահ Գալուստ Սահակյանի որդին` Արման Սահակյանը։

Նարեկ Բաբայանը ծնվել է 1984թ. հունիսի 17-ին Երևանում:

2001թ.-ին ավարտել է Երևանի թիվ. 185 միջնակարգ և Չայկովսկու անվան երաժշտական դպրոցները:

2001-2005թթ.-ին սովորել է ԵՊՀ ֆիզիկայի ֆակուլտետում՝ ստանալով բակալավրի որակավորում:

2005-2007թթ.-ին ծառայել է ՀՀ Զինված Ուժերում, պահեստազորի լեյտենանտ է:

2007-2009թթ.-ին աշխատել է որպես ջրամատակարարման, ջեռուցման և հովացման համակարգերի տեղակայման մասնագետ:

2009-2011թթ.-ին աշխատել է ՀՀ էկոնոմիկայի նախարարությունում, որպես առաջին կարգի մասնագետ գիտելիքի տնտեսության բաժնում։

2011-2012թթ․֊ին եղել է նույն նախարարության փոքր և միջին ձեռնարկատիրության վարչության առաջատար մասնագետ:

2013-2018թթ․֊ին աշխատել է Մտավոր սեփականության գործակալությունում՝ որպես գյուտերի և օգտակար մոդելների բաժնի գլխավոր մասնագետ-փորձագետ:

12.06.2018թ.-ին ՀՀ Վարչապետի որոշմամբ նշանակվել եմ Պետական գույքի կառավարման կոմիտեի նախագահ:

2008թ. մարտի 1-ից հետո եղել է «ՀԻՄԱ» երիտասարդական նախաձեռնության հիմնադիրներից:

2013թ.-ից «Քաղաքացիական Պայմանագիր» հանրային-քաղաքական միավորման անդամ է:

2015-2016թթ..-ին եղել է Քաղաքացիական պայմանագիր կուսակցության Վարչության անդամ:

2017թ․ ԱԺ և Երևան քաղաքի ընտրություններին եղել է «Ելք» դաշինքի նախընտրական ցուցակում Քաղաքացիական պայմանագիր կուսակցության կողմից առաջադրված թեկնածու։

466