Աննա Հակոբյան

Փաշինյանի կինը խնդրանքով դիմել է ժողովրդին

765
(Թարմացված է 17:37 11.06.2018)
Նա խնդրում է, որ մարդիկ իրենց դատարկ բնակարանները տրամադրեն սոցիալական խնդիրներ ունեցողներին

ԵՐԵՎԱՆ, 11 հունիսի — Sputnik. ՀՀ վարչապետ Նիկոլ Փաշինյանի կինը` Աննա Հակոբյանը, հայրենակիցներին հորդորում է իրենց դատարկ բնակարանները ժամանակավորապես տրամադրել սոցիալական խնդիրներ ունեցող ընտանիքներին։ Այս մասին նա գրել է Facebook սոցիալական ցանցի իր էջում։

«Սիրելի ժողովուրդ, Հայաստանում և այլ երկրներում բնակվող բարեսիրտ քաղաքացիներ։ Ես ամեն օր ստանում եմ սատարման տասնյակ խնդրագրեր, որոնց մի մասը հնարավոր է լուծել միայն բարի կամքի դրսևորման շնորհիվ:

Այս առիթով դիմում եմ իմ այն հայրենակիցներին, որոնք Երևանում կամ Հայաստանի այլ որևէ բնակավայրում ունեն դատարկ բնակարաններ և պատրաստ են ժամանակավորապես՝ առնվազն մի քանի ամսով, տրամադրել սոցիալական խնդիրներ ունեցող ընտանիքների՝ ազատելով նրանց վարձ վճարելու բեռից:

Չեմ խուսափի իմ անձնական երաշխիքը տալ, որ այդ հյուրընկալումը կլինի իսկապես ժամանակավոր, մինչև բնակարանն ազատելու՝ տանտիրոջ պահանջը: Օգնել ցանկացող մարդկանց խնդրում եմ իրենց կոորդինատներն ուղարկել ann.hakobyan2018@gmail.com հասցեին»,- գրել է նա:

Գրառման տակ նա նշել է. «Խորին շնորհակալությամբ և ձեզ հետ միասին աշխարհն ավելի լուսավոր դարձնելու կամքով՝ Ձեր Աննա Հակոբյան»։

Նշենք, որ Աննա Հակոբյանը նաև «Հայկական ժամանակ» օրաթերթի գլխավոր խմբագիրն է։

765
Ըստ թեմայի
Նիկոլ Փաշինյանի գանգրահերը, կամ ինչ գիտենք մենք Հայաստանի առաջին տիկնոջ մասին
«Փաշինյան, հյուր ունենք», կամ այց վարչապետի ծնողներին