Բողոքի ակցիա. արխիվային լուսանկար

Բողոքի ակցիա` ի պաշտպանություն Սամվել Բաբայանի

161
Ակցիան կշարունակվի նաև հունիսի 15-ին, երբ դատարանը կքննի Սամվել Բաբայանի գործով վճռաբեկ բողոքը։

ԵՐԵՎԱՆ, 4 հունիսի — Sputnik. Սամվել Բաբայանի աջակիցները բողոքի ակցիա են իրականացնում Վճռաբեկ դատարանի դիմաց։

Նրանք դատարանից պահանջում են անհապաղ նիստ նշանակել և ազատ արձակել ԼՂ ՊԲ նախկին հրամանատար Սամվել Բաբայանին: Բանն այն է, որ Բաբայանի պաշտպանի բողոքը Վճռաբեկ դատարանը վարույթ է ընդունվել մայիսի 25-ին, սակայն մինչ օրս այդ հարցով նիստ չի գումարվել, նիստը նշանակվել է հունիսի 15-ին։

«Երկու պատգամավորի՝ Սասուն Միքայելյանի և Հովիկ Աղազարյանի երաշխավորմամբ խափանման միջոց կալանավորումը փոխելու միջնորդություն էր ներկայացվել Վճռաբեկ դատարան: Մեր ճնշումների արդյունքում, հուսով եմ՝ Վճռաբեկ դատարանը խափանման միջոցը փոխելու վերաբերյալ միջնորդությունը կքննի հունիսի 15-ին»,-ասաց ակցիային մասնակցող քաղաքագետ Անդրանիկ Թևանյանը։

Ազգային անվտանգության ծառայության նախկին տնօրենի նախկին տեղակալ Գուրգեն Եղիազարյանն էլ իր ելույթում հայտնեց, որ բողոքի իրենց ակցիան նոր Հայաստանի ու դրա ղեկավարների դեմ չէ, հակառակը` հօգուտ Նոր Հայաստանի է։

«Մենք պետք է ոչ թե պարտադրենք, այլ հասկացնենք, որ այսպես չի կարելի։ Մեր հերոսները ազատության մեջ պիտի լինեն»,–ասաց նա։

Սամվել Բաբայանի մեկ այլ աջակից՝ քաղաքագետ Երվանդ Բոզոյանն էլ ասաց, որ դատական համակարգը պետք է փոխվի, իսկ դատավորներին հնարավորություն է տրված օբյեկտիվ որոշում կայացնելու և Նոր Հայաստանից երես չթեքելու։

Սամվել Բաբայանի աջակիցները հաջորդ ակցիան որոշեցին անցկացնել հունիսի 15-ին, երբ Վճռաբեկ դատարանը կքննի խափանման միջոց կալանավորումը փոխելու վերաբերյալ միջնորդությունը։

Հիշեցնենք` ՀՀ ընդհանուր իրավասության առաջին ատյանի դատարանը 2017թ–ի նոյեմբերի 28-ին Արցախի հերոս, Արցախի պաշտպանության բանակի նախկին հրամանատար Սամվել Բաբայանին մեղավոր ճանաչվեց և դատապարտվեց 6, Սանասար Գաբրիելյանին` 3, Արմեն Պողոսյանին` 2 տարվա ազատազրկման։ Կարեն Քոչարյանի, Անդրանիկ Քոչարյանի, Ժորա Զաքարյանի և Դավիթ Հարությունյանի նկատմամբ դատարանը որոշել էր 2 տարվա ազատազրկման պատիժը պայմանականորեն չկիրառել` սահմանելով փորձաշրջան:

2018թ–ի փետրվարի 27-ին ՀՀ վերաքննիչ դատարանը անփոփոխ էր թողել Սամվել Բաբայանի, Սանասար Գաբրիելյանի և Արմեն Պողոսյանի դատավճիռները։

161
թեգերը:
Սամվել Բաբայան, Արցախ
Ըստ թեմայի
Սամվել Բաբայանի սպասելիքները վերաքննիչ դատարանից չարդարացան
Սամվել Բաբայանի «Իգլա» գործը. դատարանը հասավ Մոսկվայից բերված փաստաթղթերին
«ՕՐՕ» դաշինքը հայտարարություն է տարածել Սամվել Բաբայանի ձերբակալության վերաբերյալ