Նիկոլ Փաշինյան

Նիկոլ Փաշինյանը շրջում է խանութներում և ստուգում գները. լուսանկար

2052
(Թարմացված է 17:00 02.06.2018)
ՀՀ վարչապետը պարզել է, որ խանութներից շատերում թանկացում չկա։

ԵՐԵՎԱՆ, 2 հունիսի — Sputnik. ՀՀ վարչապետ Նիկոլ Փաշինյանը շրջայց է կատարել Երևանի խանութներում և այդ մասին գրել Facebbok սոցիալական ցանցի իր էջում։

«Շրջայց կատարեցի մի քանի խանութներում: Ամեն ինչ նորմալ է։ Ոմանք էլի գերագնահատում են իրենք իրենց»,- նշել է նա:

Փաշինյանը եղել է նաև հայտնի սուպերմարկետներից մեկում և ստուգել մսի գինը։

«Պատահական մտա «Քարֆուր» եւ տեսա այսպիսի վիճակ. ոչ մի թանկացում»,- գրել է նա:

Նշենք, որ Նիկոլ Փաշինյանը երեկ ֆեյսբուքյան իր էջում դիմել էր արհեստական թանկացումներով սպառնացող տնտեսվարողներին և խոստացել նրանց, որ կզգան օրինականության համոզիչ ուժը:

«Նրանք, ովքեր ուզում են արհեստական թանկացումներով ապացուցել, թե ապօրինությունն ավելի լավ է, քան օրինականությունը, իրենց վրա կզգան օրինականության համոզիչ ուժը: Բոյկոտեք թալանչիներին և կոռուպցիոներներին»,- գրել էր նա: Հիշեցնենք, որ Ազգային անվտանգության ծառայությունը կոռուպցիոն և տնտեսական բնույթի հանցագործությունների դեմ պայքարի շրջանակում բացահայտել էր, որ «Ալեքս Հոլդինգ» ՍՊ ընկերությունը խուսափել է խոշոր չափի հարկեր վճարելուց:

Տարածած հայտարարության համաձայն` «Երևան Սիթի» սուպերմարկետների ցանցում գործունեություն են ծավալել 461 ԱՁ-եր, դրանց մի մասը գրանցվել են առանց քաղաքացիների գիտության: Այս գործողությունից հետո որոշակի թանկացումներ էին գրանցվել` հատկապես գյուղմթերքի շուկայում: Նիկոլ Փաշինյանին կոչով դիմել էին մի շարք սուպերմարկետների ղեկավարներ՝ նշելով, որ խոշոր առևտրային ցանցերի գործունեությունը, այդ թվում գյուղմթերքի գների կայունությունը, հայտնվել է ռիսկի տակ:

2052
թեգերը:
Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (856)
Ըստ թեմայի
Հարձակում «սուպերմարկետների արքայի» վրա և պանրի մասին նամակ Փաշինյանին
Մինչև ուր են տանում կոռուպցիայի թելերը. շրջանառում են երկրի ղեկավարների անունները
Սամվել Ալեքսանյանը սպառնացել է բարձրացնել գները. «Հրապարակ»
Ինչպես են նվազել բանանի, շաքարավազի և մի շարք այլ մթերքների գները. պարզաբանում է ՏՄՊՊՀ–ն
Գները որքա՞ն կաճեն 2018 թվականին. մեկնաբանում է Կենտրոնական բանկը