Հայաստանի ատոմակայանում

Հայաստանի ատոմակայանի «երկվորյակները» մինչև 60 տարի կաշխատեն

83
(Թարմացված է 17:32 25.05.2018)
Ատոմակայանի կյանքը երկարաձգելու հնարավորություն կա. Ռուսաստանում ու Բուլղարիայում նման կայանների կյանքը երկարաձգում են մինչև 60 տարի։

ԵՐԵՎԱՆ, 25 մայիսի — Sputnik. Հայկական ատոմակայանը կարող է դեռ երկար աշխատել։ Այս մասին լրագրողներին ասաց «ՀԱԷԿ» ՓԲԸ գլխավոր տնօրեն Մովսես Վարդանյանը։

Հայկական ատոմակայանի երկրորդ գործող էներգաբլոկը ընդամենը 30 տարուց մի քիչ շատ է աշխատել։ Համեմատության համար նշենք, որ նույն ռեակտորներով (ՋՋԷՌ-440) մի շարք կայաններ շատ ավելի երկար են աշխատում։ Կոլսկալա ԱԷԿ-ի (Ռուսաստան) ու Կոզլոդույ ԱԷԿ-ի (Բուլղարիա) աշխատանքի ժամկետն արդեն երկարաձգվել է մինչև 60 տարի։

«Այդ պատճառով մենք էլ կարող ենք երկարաձգել։ Հատկապես, որ մենք կարող ենք օգտվել արտասահմանցի գործընկերների փորձից։ Քանի որ մեր կայանը համեմատաբար ավելի երիտասարդ է։ Իսկ դա նշանակում է` երբ մեր երկարացնելու հերթը գալիս է, ուրիշների մոտ այն անցած է լինում, ու կարելի է օգտվել նրանց փորձից», —ասաց Վարդանյանը։

Կարևոր է գնահատել փոխարինման ենթակա մասերի մնացորդային պաշարը։ Վարդանյանն ասաց, որ խոսքն առաջին հերթին ռեակտորի ու դրա կորպուսի մասին է։

Նախարար Գրիգորյանն իր հերթին նշեց, որ հանրապետությունում նոր կայանի համար դեռ գումար չկա։ Մյուս կողմից էլ` դրա խիստ անհրաժեշտությունն էլ չկա։ «Դա չի նշանակում, որ մենք լիովին մոռանում ենք նոր կայանի գաղափարի մասին։ Կքննարկենք հնարավոր տարբերակները», — հավելեց նա։

ԱԷԿ-ի աշխատանքի երկարացման աշխատանքն իրականացվում է 270 միլիոն վարկային գծով ու Ռուսաստանի կառավարության տրամադրած 30 միլիոն դոլար դրամաշնորհով։ Աշխատանքը նախատեսվում է վերջացնել մինչև 2019 կամ 2020 թվականը, իսկ կայանի ծառայության նախագծային ժամկետը երկարացվել է մինչև 2027 թվական։ Հիմնանորոգման գլխավոր կապալառուն «Ռոսատոմ սերվիս» ընկերությունն է, որն ընդգրկված է «Ռոսատոմ» պետական կորպորացիայում։

83
թեգերը:
Հայաստան
Ըստ թեմայի
Հայաստանի ատոմակայանն է անվտա՞նգ, թե՞ Թուրքիայի «Ակույուն»
Որտե՞ղ է Հայաստանը պահում իր ռադիոակտիվ «աղբը». լույս արտադրող կայանի մութ կողմերը
Ատոմակայանը փակելու փոխարեն կկառուցենք նորը. Հայաստանը գիտի իր անելիքը
Ինչպես է Հայաստանը շահագործումից հանելու ատոմակայանը. դուռը փակելո՞ւ է, ու վե՞րջ