Բեզոարյան այծ

Բեզոարյան այծի փրկությունը. Նրան տեղափոխել են կենդանաբանական այգի

164
(Թարմացված է 21:45 22.05.2018)
Կարմիրգրքյան բեզոարյան այծը տեղափոխվեց Երևանի կենդանաբանական այգի:

ԵՐԵՎԱՆ, 22 մայիսի — Sputnik. ՀՀ բնապահպանության նախարարությունը ֆեյսբուքյան իր էջի միջոցով տեղեկացնում է, որ Կարմիր գրքում գրանցված բեզոարյան այծը «10-ից 10» զվարճանքի կենտրոնից տեղափոխվել է Երևանի Կենդանաբանական այգի։

Արջ
Пресс служба министерства охраны природы РА

«Նախնական պայմանավորվածության համաձայն այսօր՝ մայիսի 22-ին ՀՀ բնապահպանության նախարարության բնապահպանության և ընդերքի տեսչական մարմնի Երևանի տարածքային բաժնի աշխատակիցների և կենդանաբանական այգու համապատասխան մասնագետների համատեղ աշխատանքների արդյունքում «10-ից 10» զվարճանքի համալիրում պահվող կարմիրգրքյան բեզոարյան այծը տեղափոխվեց առավել լավ պայմաններով ապահովված Երևանի կենդանաբանական այգի:

Հիշեցնենք, որ մայիսի 17-ին լրատվական կայքերում և սոցիալական ցանցերում տեղ գտած «Հայտնի գործարարի զվարճանքի կենտրոնում կարմիրգրքյան բեզոարյան այծ է պահվում» վերտառությամբ հրապարակումների հետքերով Բնապահպանության և ընդերքի տեսչական մարմնի Երևանի տարածքային բաժնի աշխատակիցներն այցելել էին «10-ից 10» զվարճանքի համալիր և վերջինիս տնօրինության հետ համաձայանության եկել՝ կարմիրգրքյան կենդանուն Երևանի կենդանաբանական այգի տեղափոխելու հարցում»,–գրված է հաղորդագրության մեջ։

164
Հաքեր

Ինչպես տարբերել թացը չորից, կամ ինչ պետք է իմանան հայերը պատերազմի ժամանակ

35
(Թարմացված է 21:15 22.10.2020)
Մեր օրերում սոցիալական ցանցերի խելահեղ տարածվածությունը այս կամ այն կերպ ազդում է արցախյան պատերազմի վրա, առավել հաճախ` բացասաբար։ Փորձագետները մի քանի խիստ օգտակար խորհուրդ են տալիս օգտատերերին։

Ցանկացած պատերազմի ժամանակ սոցիալական ցանցերը կարող են հիմնականում երկու ուղղությամբ վնաս հասցնել։ Առաջինը կեղծ և շոկային բովանդակություն ունեցող տեքստերի տարածումն է, երկրորդը՝ կարևոր տեղեկության չկանխամտածված արտահոսքը։

Վնասակար բովանդակություն

Մեդիափորձագետ Սամվել Մարտիրոսյանի խոսքով` այսօր շատերը փորձում են համացանցի հերոս դառնալ։ Այդ տեսանկյունից արցախյան պատերազմի առաջին օրերին ամենավնասակար կոնտենտը տարածվում էր TikTok սոցիալական ցանցում։

«Այդ հարթակում շատ է այն մարդկանց թիվը, որոնք փորձում են գումար աշխատել «հայփի» հաշվին, և պատերազմի առաջին օրերին այնտեղ սկսել էին մեկը մյուսի հետևից լուսանկարներ և տեսանյութեր հրապարակել այն մասին, թե ինչպես են մեկնում կամավորների ավտոբուսները, ինչպես է տեղաշարժվում տեխնիկան և այլն։ Բնական է, որ այդպիսի հրապարակումները շատ դիտումներ էին հավաքում, բայց փաստացի դրանք օժանդակում էին հակառակորդի ռազմական հետախուզությանը»,-Sputnik Արմենիային ասաց մասնագետը։

Պատերազմից առաջ TikTok-ը ամենաշատ ներբեռնվող հավելվածն էր։ Ընդ որում՝ սկսել էր պահանջված դառնալ ոչ միայն դեռահասների, այլև երիտասարդների և ավելի ավագ սերնդի շրջանում։

Բայց այդ չինական հավելվածի հայ օգտատերերը աստիճանաբար սկսեցին հասկանալ նմանատիպ հրապարակումների վտանգը և ավելի մեծ պատասխանատվությամբ վերաբերվել դրան։

Քաղաքագետ, ՀՀ ԱԺ տեղեկատվության և հասարակայնության հետ կապերի վարչության նախկին պետ Կնյազ Սարոյանն էլ Sputnik Արմենիային հայտնեց, որ իրադարձությունների վայրում արված սելֆին ու տեսանյութը հակառակորդին թույլ են տալիս հաշվարկել տեղանքի կոորդինատները և ավելի ճշգրիտ հարվածներ հասցնել:

Համբերել և զգույշ լինել. հոգեբանը` պատերազմական իրավիճակում հայտնվածների խնդիրների մասին

Նրա խոսքով` հայկական լրատվամիջոցներն այդ առումով բավականին գրագետ են աշխատում, ինչը չի կարելի ասել սոցիալական ցանցերի օգտատերերի մասին:

«Այդ տեսանկյունից պետք է բնակչության մեդիագրագիտության բարձրացման ուղղությամբ աշխատանքներ իրականացնել»,-ընդգծեց Սարոյանը։

«Թրոլերի ֆաբրիկա»

Սոցիալական ցանցերից բխող հիմնական վտանգներից մեկը Ադրբեջանի, այսպես կոչված, «թրոլերի ֆաբրիկայի» համակարգված հարձակումներն են։

«Հայաստանում այդ երևույթների մասին վաղուց էին խոսում, իսկ հիմա Facebook-ի ադմինիստրացիան ևս սկսել է արգելափակել դրանք»,-ասում է Սամվել Մարտիրոսյանը։

Մեկ շաբաթ առաջ Facebook-ի ղեկավարությունը ջնջել է հազարավոր ֆեյք էջեր, որոնց հեղինակները համագործակցում էին Ադրբեջանի իշխանությունների հետ։

Մասնագետի խոսքով` խաղաղ ժամանակ Ադրբեջանի «թրոլերի ֆաբրիկան» աշխատում է երկրի քաղաքական ընդդիմության դեմ, իսկ հակամարտության սրման ժամանակ՝ Հայաստանի։

Ադրբեջանում սոցիալական ցանցերն արգելափակվել են պատերազմի հենց առաջին օրերին։ Բայց արգելափակումը չի տարածվում «հավաքագրված» օգտատերերի վրա։

Մարտիրոսյանի խոսքով՝ «թրոլերի» մի մասը Ադրբեջանի իշխող կուսակցության երիտթևի ներկայացուցիչներն են։ Մյուս մասը պարզապես համագործակցում է պետության հետ։ Այդ մարդիկ «ֆեյք» են աշխատում որոշակի աշխատավարձի դիմաց։

«Անգամ Facebook-ը նկատել էր, որ նրանք ակտիվ են միայն աշխատանքային ժամերին։ Բայց նրանց, իհարկե, պատերազմի պատճառով մոբիլիզացրել են։ Կան «կենտրոնակայաններ», որտեղ շատ լավ ինտերնետ կա, մինչդեռ ամբողջ Ադրբեջանում թրաֆիկը մոտ տասն անգամ պակասել է, իսկ սոցցանցերի թրաֆիկը գործնականում զրոյական է»,-ասում է նա»

«Թրոլերը» հայերի դեմ հոգեբանական աշխատանք են իրականացնում՝ տարածելով ապատեղեկատվություն, քարոզչական նյութեր, հատուկ պատրաստված տեսահոլովակներ և հոգեբանական ազդեցություն ունեցող լուսանկարներ։

«Սա նոր երևույթ չէ։ Պետական մակարդակով նման համակարգված գործունեությունը Ադրբեջանում իրականացվում է 2014-2015 թվականներից։ Ընդ որում՝ ներքաղաքական դաշտում դա թույլ է տալիս ճնշում գործադրել ընդդիմադիրների վրա»,-ավելացնում է փորձագետը։

«Կոտրած» օգտահաշիվներ

Հաճախ նաև «կոտրում» են հայ օգտատերերի հաշիվները։

«Դա հիբրիդային բաղադրիչ է, երբ ադրբեջանցի հաքերները կոտրում են էջերը և տվյալները փոխանցում «թրոլերի ֆաբրիկային» կամ հատուկ ծառայություններին։ Այդպես կարելի է հայերի անունից հեշտությամբ կեղծ նորություններ տարածել, ընդ որում, որպես կանոն՝ հայերեն»,-ասում է Սամվել Մարտիրոսյանը։

Նրա խոսքով՝ նման բան հաճախ էր տեղի ունենում Twitter-ում այս տարվա հուլիսին տավուշյան հատվածում իրավիճակի սրման օրերին։

Անկախ հետազոտողներն ու միջազգային կազմակերպությունները, որոնք զբաղվում են սոցցանցերում պետական քարոզչության բացահայտմամբ, Twitter-ում մոտ 30 հազար կեղծ հաշիվներ են հայտնաբերել, որոնք համակարգված կերպով նույն ժամանակահատվածում նույն տեղեկությունն էին տարածում։ Սոցիալական ցանցի ադմինիստրացիան դրանց մի մասն արգելափակել է, բայց մյուս մասը դեռ ակտիվ է։

«Հաքերներն, օրինակ, կարող են «իրենցով անել» որևէ էջ, որտեղ 30 հազար հայ հետևորդ կա։ Իսկ մեր օգտատերերը հիմնականում չեն փորձում պարզել աղբյուրը և կեղծ լուր են տարածում»,-նշում է փորձագետը և քաղաքացիներին կոչ անում այս կամ այն տեղեկությունը տարածելուց առաջ անպայման ստուգել աղբյուրները։

Պատերազմի սարսափները. ինչպես են հոգեբաններն աշխատում վիրավոր զինծառայողների հետ

Կնյազ Սարոյանն էլ ընդգծում է, որ ֆեյքերն առավել հաճախ շոկային կոնտենտ են տարածում։ Նրանց նպատակը զգացմունքային ցնցում առաջացնելն է։ Հենց այդպիսի կոնտենտն է ամենից շատ տարածվում։

Քաղաքագետի խոսքով՝ նման բովանդակությունը վտանգավոր է նրանով, որ բնակչության շրջանում վախ և խուճապ է առաջացնում։ Առավել ևս, որ շատերի համար սոցիալական ցանցերը տեղեկությունների հինական աղբյուրն են։

«Քանի դեռ մեր օգտատերերի մեդիագրագիտությունն այնքան էլ բարձր չէ, որ պարզապես արգելափակեն կամ բողոքարկեն նման էջերը, ապա բնական է, որ դրանց գործունեությունը էական բացասական ազդեցություն է գործելու մեր մեդիադաշտում»,-նշում է Սարոյանը։

Նա ավելացնում է, որ ադրբեջանական կողմը նույնքան ակտիվ աշխատում է նաև արտաքին լսարանի վրա։ Ակնառու օրինակ են միջազգային լրատվամիջոցների հրապարակումների տակ գրված բազմաթիվ մեկնաբանությունները։ Նմանատիպ գործողություններով հակառակորդը ջանում է հայատյաց կոնտենտ տարածել։

35
թեգերը:
Սամվել Մարտիրոսյան, Կնյազ Սարոյան, Արցախ, Հայաստան
Ըստ թեմայի
Սթրեսակայունության մարզումներ. ինչ է անհրաժեշտ իմանալ պատերազմական դրության ժամանակ
Զինվորների մոտ ընդհանրապես հեռախոս չպետք է լինի. դա շատ ու շատ վտանգավոր է
Պատերազմ Արցախում` առանց սեփական զինվորների. ո՞րն է Էրդողանի գերնպատակը
Դավիթ Նալբանդյան

Հայաստանը խաղաղություն է ուզում. հայազգի թենիսիստը աշխարհին է փոխանցել հայրենիքի ուղերձը

33
(Թարմացված է 08:53 23.10.2020)
Դավիթ Նալբանդյանի գրառմանն արձագանքել են ինչպես հայ, այնպես էլ արգենտինացի երկրպագուները` իրենց զորակցությունը հայտնելով թենիսիստին ու նրա հայրենիքին։

ԵՐԵՎԱՆ, 23 հոկտեմբերի – Sputnik. Աշխարհի նախկին 3-րդ ռակետ, հայկական արմատներով արգենտինացի նախկին թենիսիստ Դավիթ Նալբանդյանն Instagram-ի իր էջում Արցախում Ադրբեջանի սանձազերծված պատերազմի մասին գրառում է արել։

Նա եռագույն դրոշով լուսանկար է հրապարակել ու գրել. «Հայաստանը խաղաղություն է ուզում»։

Посмотреть эту публикацию в Instagram

Armenia quiere paz 🇦🇲🙏

Публикация от DAVID NALBANDIAN (@nalbandiand)

Նալբանդյանի գրառմանն արձագանքել են ինչպես հայ, այնպես էլ արգենտինացի երկրպագուները` իրենց զորակցությունը հայտնելով թենիսիստին ու նրա հայրենիքին։

Դավիթ Պաբլո Նալբանդյանը ծնվել է Արգենտինայում 1982 թվականի հունվարի 1-ին։ Թենիս սկսել է խաղալ հինգ տարեկանից։ Միայնակ խաղում Նալբանդյանը աշխարհի երրորդ ռակետ է ճանաչվել։

Նա Արգենտինան է ներկայացրել երիտասարդների մրցաշարերում 14, 16 ու 18 տարիքային խմբերում։ 1996 թվականին Դավիթը Արգենտինայի հավաքականի կազմում երիտասարդների թիմային աշխարհի առաջնության հաղթող է դարձել։

Դավիթն ունի երկու եղբայր՝ Խավիերն ու Դարիոն, որոնք թենիսի մարզիչներ են։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 22-ի ժամը 21:45-ի դրությամբ` հակառակորդի կրակոցների հետևանքով զոհվել են 900 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

33
թեգերը:
Լուսանկար, դրոշ, Հայաստան
Ըստ թեմայի
«Ուզում եմ` խաղաղություն լինի և հայրիկները գան տուն». արցախցի երեխաները` նախագահականում
«Այլ ելք չկա», Մոսկվան կշարունակի խաղաղ կարգավորմանն ուղղված ջանքերը. Պեսկով
Փաշինյանի խոսնակը մեկնաբանել է ՀՀ վարչապետի` խաղաղ կարգավորման վերաբերյալ դիտարկումը
Փաշինյանը կողմ է Արցախում ռուս խաղաղապահների տեղակայմանը
Զինծառայող

Կան ուժեր, որոնք ուզում են ԼՂ հակամարտությանը կրոնական բնույթ տալ տալ. ռուս փորձագետներ

0
Լեռնային Ղարաբաղի հակամարտությունը չունի միջկրոնական երանգ, բայց փորձագետների կարծիքով` կան ուժեր, որոնք կցանկանային այդպիսի երանգ հաղորդել։

ԵՐԵՎԱՆ, 23 հոկտեմբերի - Sputnik. Կրոնական ազատության պաշտպանության ռուսական ասոցիացիայի (ԿԱՊՌԱ) խորհրդի նախագահ Ալեքսանդր Կուդրյավցևը ՌԻԱ Նովոստին տված հարցազրույցում ասել է, որ Լեռնային Ղարաբաղի հակամարտությունը կրոնական չէ և չպետք է այդպիսին դառնա՝ ի հեճուկս որոշ ուժերի ձգտումների։

Երեկ՝ հոկտեմբերի 22–ին, «Ռոսիա սեգոդնյա» միջազգային տեղեկատվական գործակալությունում տեղի է ունեցել «Կրոնական ազատության մոնիտորինգ ժամանակակից աշխարհում» զեկույցի շնորհանդեսը։ Այն ամեն տարի պատրաստում է ԿԱՊՌԱ հասարակական կազմակերպությունը, որի կազմում Ռուսաստանի տարբեր դավանանքների ներկայացուցիչներ են ընդգրկված: Փաստաթուղթն իրենից ներկայացնում է ռուսական և արտասահմանյան ԶԼՄ-ների նյութերի և իրավապաշտպան կազմակերպությունների տարեկան զեկույցների թեմատիկ ակնարկ (այս անգամ ներառված են 2019 թվականի օգոստոսից մինչև 2020 թվականի մայիսն ընկած ժամանակահատվածում հրապարակված նյութերն ու զեկույցները): Զեկույցում նաև ներկայացված է «Կրոնական ազատությունների ճնշման առավել բնորոշ առանձնահատկությունները» վերլուծությունը:

«Այժմ Լեռնային Ղարաբաղի հակամարտությունը չունի միջկրոնական երանգ, բայց կան ուժեր, որոնք կցանկանային նման երանգ տալ։ Ցանկալի է, որ նման բան տեղի չունենա»,– ասել է Կուդրյավցևը։

Նրա խոսքով՝ Ռուսաստանում գտնվող ադրբեջանցիների և հայերի միջև արդեն իսկ «բաժանումներ» կան այդ հողի վրա։

ԿԱՊՌԱ-ի գլխավոր քարտուղար Օլեգ Գոնչարովն էլ իր հերթին ասել է` Ղարաբաղյան հակամարտության շարունակման դեպքում վտանգ կա, որ այն դուրս կգա երկու երկրների շրջանակներից և գլոբալ բնույթ կկրի:

Նրան հետ համակարծիք է նաև Ռուսաստանի Ավետարանական հավատքի քրիստոնյաների միության ղեկավար եպիսկոպոս Սերգեյ Ռյախովսկին։ Նրա խոսքով ՝ մահմեդական աշխարհի տարբեր խաղացողներ սկսել են ակտիվություն ցուցաբերել Ղարաբաղյան հակամարտությունում։ «Կրոնական պատերազմներն ու խաչակրաց արշավանքները սարսափելի սպանություն են», - հավելել է Ռյախովսկին:

Հայ առաքելական եկեղեցու Արցախի թեմի առաջնորդ, Արցախի հերոս Պարգև արքեպիսկոպոս Մարտիրոսյանն ավելի վաղ Sputnik Արմենիայի թղթակցի հետ զրույցում հայտարարել էր, որ Ղարաբաղում հայերի դեմ ադրբեջանցիների պատերազմը երբեք կրոնական չի եղել։

0