Սասնա ծռեր

«Սասնա ծռերի» կողմնակիցները լսեցին Փաշինյանի կոչը

300
(Թարմացված է 17:22 17.05.2018)
Ակտիվիստները պատվիրակություն ուղարկեցին վարչապետի հետ բանակցելու ։ Նրանք կարծում են, որ հարցերը պետք է իրավական ճանապարհով լուծել։

ԵՐԵՎԱՆ, 17 մայիսի — Sputnik. «Սասնա ծռեր» զինված խմբի համախոհները ականջալուր եղան ՀՀ վարչապետ Նիկոլ Փաշինյանի կոչին և բացեցին Արշակունյաց պողոտայի երթևեկությունը։

Ինչպես լրագրողներին հայտնեց ցույցի մասնակից Պավել Եղիազարյանը, որոշվել է բացել փողոցն ու հանել վրանները, բայց ցույցերը կշարունակեն մայթին և Շենգավիթ վարչական շրջանի ընդհանուր իրավասության դատարանի շենքի դիմաց։

Ակտիվիստները նաև 3 հոգանոց պատվիրակություն են ուղարկել Փաշինյանի հետ բանակցելու Եղիազարյանի խոսքով` բոլոր հարցերը պետք է իրավական լուծում ստանան։

  • «Սասնա ծռերի» կողմնակիցներ
    «Սասնա ծռերի» կողմնակիցներ
    © Sputnik / Aram Nersesyan
  • «Սասնա ծռերի» կողմնակիցներ
    «Սասնա ծռերի» կողմնակիցներ
    © Sputnik / Aram Nersesyan
1 / 2
© Sputnik / Aram Nersesyan
«Սասնա ծռերի» կողմնակիցներ

Հիշեցնենք, որ 2016թ-ի հուլիսի 17-ին վաղ առավոտյան «Սասնա ծռեր» խմբի անդամները բեռնատար ավտոմեքենայով ջարդել էին ոստիկանական ՊՊԾ գնդի մուտքի դարպասները, ներս մտել գնդի տարածք ու գրավել այն։ Խումբը պահանջում էր Սերժ Սարգսյանի հրաժարականն ու քաղբանտարկյալների ազատ արձակումը։ 14 օր տևած պաշարումից և մարդկային մի քանի կորուստներից հետո խմբի անդամները վայր դրեցին զենքերն ու հանձնվեցին իրավապահներին։

 

300
թեմա:
ՀՀ վարչապետ Նիկոլ Փաշինյան (329)