Նիկոլ Փաշինյան

Վերջ տանք այն պրակտիկային, երբ արտոնյալ անձանց հանդիպելով, գործը կարճում են. Փաշինյան

281
Նիկոլ Փաշինյանը նշեց, որ ոչ միայն մեղավորները պետք է պատժվեն, այլև տուժողները փոխհատուցվեն։

ԵՐԵՎԱՆ, 17 մայիսի — Sputnik. Ապրիլին, Երևանում ընթացող բողոքի ակցիայի ժամանակ Հերացու փողոցում ուսանողների նկատմամբ կիրառված բռնության ու դրա կատարողների մասին ոստիկանությունն այսօր տեղեկություններ կհրապարակի։

Սա այսօր կառավարության նիստում խոստացավ ՀՀ Ոստիկանապետ Վալերիյ Օսիպյանը։ Ոստիկանապետը հարցին անդրադարձավ այն բանից հետո, երբ վարչապետ Փաշինյանը հայտարարեց, որ գործն այս փաստով հարուցվել ու կարճվել է։

«Պետք է վերջ տանք այն պրակտիկային, երբ արտոնյալ անձանց հանդիպելով, գործը կարճում են»,- ասաց Փաշինյանը։

Վարչապետը գլխավոր դատախազին, քննչական կոմիտեի նախագահին ու ոստիկանապետին հանձնարարեց հետամուտ լինել, որպեսզի Հերացու փողոցի դեպքն ու ապրիլյան իրադարձությունների օրերին կատարված այլ հանցագործությունները բացահայտվեն, մեղավորները պատժվեն։

Խոսքը նաև այդ օրերին որոշ քաղաքացիների ավտոմեքենաները ջարդելու դեպքերի մասին է։ Փաշինյանը կարևորեց, որ ոչ միայն մեղավորները պատժվեն, այլև տուժողները փոխհատուցվեն։

281
Ըստ թեմայի
Հայ օլիգարխները Փաշինյանի առաջարկած խաղի կանոնները դեռ չեն ընդունել
Պուտինի և Փաշինյանի առաջին զրույցը․ ինչի՞ մասին են խոսել երկու երկրների առաջնորդները
Նիկոլ Փաշինյանի կենսագրությունը. ինֆոգրաֆիկա