Վալերի Օսիպյան

Կոռուպցիա չպետք է լինի. Օսիպյանը վճռական է տրամադրված. տեսանյութ

476
Նորանշանակ ոստիկանապետը հայտարարեց` ոստիկանները խիստ կպատժվեն, եթե կոռուպցիայի դրսևորումներ լինեն։

ԵՐԵՎԱՆ, 12 մայիսի — Sputnik. Ոստիկանության պետ Վալերի Օսիպյանը մայիսի 12-ին խորհրդակցություն անցկացրեց ոստիկանության արտաքին ծառայության ղեկավար կազմի հետ։ Այս մասին նշված է ոստիկանության կայքում։

Ոստիկանության պետը նախ շնորհակալություն հայտնեց անձնակազմին վերջին շրջանում իրականացրած ծառայության համար։

Խոսելով ծառայության խնդիրների մասին՝ Օսիպյանը նշեց, որ արտաքին ծառայություն իրականացնող ստորաբաժանումներում չպետք է լինի կոռուպցիա։ Նման դրսևորումներ հայտնաբերելու դեպքում ոստիկանները խիստ կպատժվեն և կենթարկվեն պատասխանատվության։

Կարևորվեց արտաքին ծառայություն իրականացնող աշխատակիցների համազգեստի կոկիկությունն ու կարգապահությունը, քանի որ քաղաքացին առաջին հերթին հենց նրանց է տեսնում և պատկերացում կազմում համակարգի մասին։

Նշվեց, որ համայնքային ոստիկանության հենակետերը պետք է ավելի կանոնակարգեն աշխատանքը, իսկ համայնքային ոստիկանները հաճախ հանդիպումներ ունենան բնակիչների հետ, լսեն հուզող հարցերն ու հնարավորության դեպքում լուծումներ տան, կամ ուղղորդեն համապատասխան մարմիններ։ Համայնքային ոստիկանները պետք է լիարժեք տիրապետեն իրենց սպասարկող տարածքներում տիրող իրավիճակին։

Օսիպյանը կարևորեց նաև այս տարի անցկացվելիք միջոցառումների՝ Հայաստանի Հանրապետության 100-ամյակի, Երևանի 2800-ամյակի և Ֆրանկոֆոնիայի գագաթնաժողովի պատշաճ անցկացումը։

476
Ըստ թեմայի
Կմնամ որքան պետք է. Օսիպյանը պատմեց իր նշանակման մասին
Ինչու՞ հենց Օսիպյանը. Նիկոլ Փաշինյանը մեկնաբանեց իր որոշումը
«Շնորհակալություն Վովային Վալերայի համար». Օսիպյանը գործից ազատվելու չորս դիմում է գրել