«Ավրորա» մրցանակաբաշխություն

Հայտնի են «Ավրորա» մրցանակի այս տարվա երեք հավակնորդները

314
(Թարմացված է 17:23 24.04.2018)
«Ավրորայի» հանձնաժողովն այս տարի 115 երկրից 12 լեզուներով ստացված 750 առաջադրումներից (որոնցից 509-ը՝ չկրկնվող) ընտրվել են երեք հերոսներ։

ԵՐԵՎԱՆ, 24 ապրիլի — Sputnik. Այսօր «Ավրորա» մրցանակի Ընտրող հանձնաժողովը հանրությանն է ներկայացրել 2018թ. «Ավրորայի» երեք հերոսների անունները։ Յուրաքանչյուր անհատ ընտրվել է այն բացառիկ խիզախության, շարունակական ազդեցության և անսպառ նվիրումի համար, որ ցուցաբերել է հանուն մարդկային կյանքի փրկության և աղետի պայմաններում մարդասիրական օգնության գործի առաջմղման։ Նրանք են`

•  Չո Լա Աուն։ Նա իրավաբան է և ռոհինջա ժողովրդի առաջնորդ, Մյանմա։ Ազգությամբ ռոհինջա, մուսուլման Չո Լա Աունը, թեև ընդհանուր առմամբ 12 տարի անցկացրել է բանտերում՝ համակարգային խտրականության և բռնաճնշումների դեմ խաղաղ բողոքներ կազմակերպելու մեղադրանքով, իրավապաշտպանի իր հմտությունները մշտապես ծառայեցրել է իր համայնքի կարիքներին՝ պայքարելով հանուն անհավասարության վերացման, մարդու իրավունքների առաջխաղացման և կրթական հնարավորությունների ստեղծման։ Նա պարգևի է առաջադրել միջազգային կազմակերպությունների կողմից, որոնք Մյանմայում բժշկական և ընդհանուր օգնություն են տրամադրում փախստականներին։

•  Հեկտոր Թոմաս Գոնսալես Կաստիլյո։ Նա Մեքսիկայից է, «72. տուն և ապաստան միգրանտների համար» կազմակերպության հիմնադիրը։ Ֆրանցիսկյան ուխտի վանահայրը ապաստան, սնունդ, ջուր, խորհրդատվություն և իրավական աջակցություն է տրամադրել ավելի քան 50,000 կենտրոնաամերիկյան ներգաղթյալների՝ Մեքսիկայի տարածքով իրենց դժվարին ճանապարհորդությունների ընթացքում, օգնություն մատուցելով բոլորին, այդ թվում՝ հարձակումներից ու առևանգումների փորձերից տուժածներին և սեփական երկրներից արտաքսվածներին։ Նա պարգևի է առաջադրել կազմակերպությունների, որոնք ակտիվորեն գործում են ՄԻԱՎ/ՁԻԱՀ-ով ապրողների մարդու իրավունքների առաջխաղացման, ինչպես նաև Մեքսիկայում մայա ժողովրդին մշակութային կրթությամբ ապահովելու ուղղություններով։

•  Սունիտա Քրիշնան Հնդկաստանից է, «Փրաջվալա» կազմակերպության համահիմնադիրը ։ Խմբակային բռնաբարության ենթարկված, սակայն հետագայում կանանց իրավունքների ակտիվիստ այս կինը ցավը վերածել է զորության և ներշնչանքի աղբյուրի, որպեսզի փրկի, ռեաբիլիտացնի և հասարակությանը վերաինտեգրի սեռական թրաֆիքինգի և հարկադիր մարմնավաճառության զոհերին՝ ստեղծելով մի կազմակերպություն, որը դրական ազդեցություն է գործել ավելի քան 17,800 կանանց և երեխաների կյանքում։ Նա պարգևի է առաջադրել կազմակերպությունների, որոնք Հնդկաստանում պայքարում են գենդերային անհավասարության, սեռական բռնությունների և թրաֆիքինգի դեմ։

Այս երեք մարդասերները մեծարման կարժանանան «Ավրորա» մրցանակի շնորհման երրորդ հանդիսավոր արարողության ընթացքում, որն այս տարի տեղի կունենա 2018 թվականի հունիսի 9-ին, Երևանում։ Առաջադրված երեք գործիչներից մեկը հունիսի 10-ի արարողության ընթացքում կընտրվի 2018 թվականի «Ավրորա» մրցանակի դափնեկիր և կպարգևատրվի ինչպես 100,000 ԱՄՆ դոլարի պարգևով, այնպես էլ 1,000,000 դոլարի դրամաշնորհով՝ ստանալով բացառիկ հնարավորություն շարունակելու նվիրատվության շղթան և աջակցելու ժամանակին իրեն ոգեշնչած ու գործի մղած կազմակերպություններին։

«Ավրորա» մարդասիրական մրցանակաբաշխության ժյուրիում` օսկարակիր դերասան և մարդասիրական գործիչ Ջորջ Քլունիի համանախագահությամբ, ընդգրկված են Նոբելյան մրցանակի դափնեկիրներ Օսկար Արյասը, Շիրին Էբադին և Լեյմա Գբովեն, Իռլանդիայի նախկին նախագահ Մերի Ռոբինսոնը, մարդու իրավունքների առաջամարտիկ Հինա Ջիլանին, Ավստրալիայի նախկին արտգործնախարար և Միջազգային ճգնաժամային խմբի նախագահ ու գործադիր տնօրեն Գարեթ Էվանսը, Մեքսիկայի նախկին նախագահ Էռնեստո Սեդիլյոն, Նյու Յորքի Կարնեգի կորպորացիայի նախագահ Վարդան Գրեգորյանը, Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրեն Լորդ Արա Դարզին, «Բժիշկներ առանց սահմանների» կազմակերպության հիմնադիր Բեռնարդ Քուշները և ՄԱԿ-ում ԱՄՆ-ի նախկին մշտական ներկայացուցիչ Սամանտա Փաուերը։ Հանձնաժողովն այս տարի 115 երկրից 12 լեզուներով ստացված 750 առաջադրումներից (որոնցից 509-ը՝ չկրկնվող) ընտրվել են երեք հերոսներ։

2017թ. «Ավրորա» մրցանակը շնորհվել է ամերիկացի բժիշկ, կաթոլիկ միսիոներ Թոմ Քաթինային, որը մշտապես գործող միակ վիրաբույժն էր Սուդանի հարավի՝ պատերազմից ավերված ու մարդասիրական օգնությունից զրկված Նուբա լեռներում։ Բժիշկ Թոմը, ինչպես նրան անվանում են տեղացիները, «Գթության Մայր» կաթոլիկ հիվանդանոցում տարիներ շարունակ հասանելի է եղել օրը 24 ժամ, շաբաթը յոթ օր և սպասարկել ավելի քան 750,000 մարդու ընդամենը 500 մահճակալ ունեցող հիվանդանոցում։ Ամեն օր բժիշկ Թոմը բուժում է մարդկանց, որոնք դիմում են իրեն ամենատարբեր հիվանդություններով՝ ռմբակոծություններից ստացած վերքերից սկսած մինչև մալարիա, թերսնում, բորոտություն և այլն։

2016 թվականին «Ավրորա» մրցանակի առաջին դափնեկիր էր դարձել Բուրունդիի «Մեզոն Շալոմ» («Խաղաղության Տուն») խնամքի տան և REMA հիվանդանոցի հիմնադիր Մարգարիտ Բարանկիցեն, որը 20 տարի շարունակ ապահով կացարան է տրամադրել իր երկրում չդադարող քաղաքացիական պատերազմի արհավիրքներից փախչող որբերին և փախստականներին։ Մրցանակի առաջին դափնեկիրը դառնալուց հետո նա աջակցել է հինգ երկրում իրականացվող 11 ծրագրի՝ առաջ մղելով բուրունդացի փախստականների կրթության հիմնախնդիրները, զբաղվելով կանանց, աղջիկների և սեռական բռնության ենթարկված անձանց ներգրավմամբ, ինչպես նաև փախստականների և մարդկային թրաֆիքինգից տուժած անձանց ռեաբիլիտացիայով։

Հիշեցնենք, որ «Ավրորան» համաշխարհային մարդասիրական մրցանակի նպատակն է մեծարել մերօրյա հերոսներին այն բացառիկ ազդեցության համար, որ նրանք իրենց գործողություններով ունեցել են մարդկային կյանքի պահպանման և մարդասիրությունն առաջ մղելու գործում։ Հայոց ցեղասպանությունը վերապրողների անունից՝ ի երախտագիտություն նրանց փրկողների, «Ավրորա» մրցանակի դափնեկրին ամեն տարի 2015-2023թթ. (ի հիշատակ ութ տարի տևած Հայոց ցեղասպանության՝1915-1923թթ.) շնորհվում է 100.000 դոլար պարգև և բացառիկ հնարավորություն շարունակելու նվիրատվության շղթան՝ 1.000.000 դոլարի դրամաշնորհի առաջադրելով իրեն ոգեշնչած և գործի մղած կազմակերպություններին։

314
Ըստ թեմայի
Վարդանյան. ««Ավրորան» մեկօրյա ակցիա չէ, այլ՝ ամենօրյա աշխատանք»
«Ավրորան» փնտրում է մարդկանց, որոնք վտանգում են իրենց՝ հանուն դիմացինին օգնելու
Նիկոլ Փաշինյան

ՀՀ սփյուռքի գործերով գլխավոր հանձնակատարը կմեկնի Բեյրութ

5
Հատուկ թռիչքն, ամենայն հավանականությամբ, տեղի կունենա շաբաթ օրը։ Թե ինչ ինքնաթիռով` դեռ քննարկման փուլում է։

ԵՐԵՎԱՆ, 6 օգոստոսի - Sputnik. ՀՀ կառավարության հերթական նիստն այսօր վարչապետ Նիկոլ Փաշինյանը բացեց Լիբանանի բարեկամ ժողովրդին ցավակցության ու սփոփանքի խոսքերով։

«ՀՀ կառավարության անունից ուզում եմ ցավակցություն հայտնել մահացածների ընտանիքներին ու շուտափույթ ապաքինում հայտնել վիրավորներին»,– ասաց Փաշինյանը։

Նա նշեց, որ Հայաստանը Լիբանանին օգնելու իր պատրաստակամությունն է հայտնել` Բեյրութին պատուհասած ողբերգության հետևանքները վերացնելու հարցում։

Վարչապետը հայտնեց, որ բացի պետական աջակցությունից ՀՀ ԿԲ–ում հատուկ հաշվեհամար է բացվել նաև անհատական օգնությունների առցանց փոխանցումների համար։

«Ասեմ նաև, որ այսօր քննարկեցինք և որոշեցինք, որ ՀՀ Սփյուռքի գործերով գլխավոր հանձնակատարը առաջիկա մեր ինքնաթիռով կմեկնի Բեյրութ` տեղում մեր համայնքի կարիքներին ծանոթանալու և մեզ ներկայացնելու համար»,– հավելեց Փաշինյանը։

Վերջին 40 տարվա ցնցումներից այդքան վնաս չէինք կրել, ինչքան այս պայթյունից․ Հավաթյան

ՀՀ փոխվարչապետ Տիգրան Ավինյանի խոսքով՝ հատուկ թռիչքն, ամենայն հավանականությամբ, տեղի կունենա շաբաթ օրը։ Թե ինչ ինքնաթիռով` դեռ քննարկման փուլում է։

Հիշեցնենք`ՀՀ վարչապետ Նիկոլ Փաշինյանն օգոստոսի 5-ին հեռախոսազրույց էր ունեցել Լիբանանի նախագահ Միշել Աունի հետ: Վարչապետը հայտնել էր, որ Լիբանանի կառավարությունն այժմ կարիքների գնահատում է իրականացնում, և դրա արդյունքում ըստ անհրաժեշտության Հայաստանի կառավարությունը Լիբանանին օժանդակելու որոշումներ կկայացնի:

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով ավելի քան 100 մարդ է մահացել, ավելի քան 4 հազարը` տուժել: Մահացածների թվում նաև 6 հայ կա, ևս հարյուր հայեր վնասվածքներ են ստացել։

Հայաստանը Լիբանանին կարող է օգնել շարժական հիվանդանոցների տեղակայման հարցում․ Գանդահարյան

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա:

5
թեգերը:
ցավակցություն, Տիգրան Ավինյան, ինքնաթիռ, Բեյրութ, Նիկոլ Փաշինյան
Ըստ թեմայի
Բեյրութի պայթյունն ու մեծ քաղաքականությունը. որքանով է հավանական ահաբեկչության վարկածը
Բեյրութի պայթյունի հետևանքով լուրջ վնասվածքներ է ստացել Նիդեռլանդների դեսպանի կինը
Պայթյունի հետևանքով ավերված Բեյրութի սարսափելի կադրերը դրոնից. տեսանյութ
Բեյրութում պայթած քիմիական նյութը քաղցկեղածին չէ. ո՞ր դեպքում այն կարող է վտանգավոր լինել
Զվարթնոց օդանավակայան, արխիվային լուսանկար

Երբ ու ինչպես ՌԴ քաղաքացիները կկարողանան վերադառնալ հայրենիք

26
Հայաստանում ՌԴ դեսպանատունը հրապարակել է օգոստոսյան չվերթների ժամանակացույցը։

ԵՐԵՎԱՆ, 6 օգոստոսի - Sputnik. Հայաստանում ՌԴ դեսպանատունը հրապարակել է Երևանից դեպի ՌԴ տարբեր քաղաքներ առաջիկայում կազմակերպվող չվերթների ժամանակացույցը։

«Թռիչքներից օգտվելու իրավունք կունենան միայն ՌԴ–ում բնակության իրավունք ունեցող անձինք»,– նշված է Facebook–ում դեսպանատան պաշտոնական էջում։

Առաջիկա օրերին ՌԴ-ից միանգամից 3 չարտերային չվերթ կիրականացվի

Առաջիկա օրերի ընթացքում կազմակերպվող չվերթները հետևյալն են՝ օգոստոսի 11–ին, 18-ին ու 25-ին` Երևան–Մոսկվա` տեղական ժամանակով 16:25–ին, օգոստոսի 15-ին` Երևան– Մինվոդի։ Այս չվերթի ժամանակը դեռ ճշտվում է։

Նշենք, որ օգոստոսի 6-ի տվյալներով՝ Հայաստանից ընդհանուր առմամբ ՌԴ է մեկնել 3692 անձ։

Դեսպանատունը վստահեցնում է, որ ՌԴ քաղաքացիներին հայրենիք վերադարձնելու ուղղությամբ աշխատանքները շարունակվում են։

26
թեգերը:
չվերթ, Ռուսաստան, Հայաստան
Ըստ թեմայի
Հայաստանից Ռուսաստան հինգ չվերթ կիրականացվի․ դեսպանատունը մանրամասներ է ներկայացրել
Հայաստանը հատուկ չվերթով դեղորայք, բժշկական սարքավորումներ, սնունդ կհասցնի Լիբանան
Ֆրանսիայից, Լիբանանից, Ուկրաինայից, Բելառուսից և ՌԴ–ից չվերթեր կիրականացվեն Հայաստան
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Մոմավառություն՝ ի հիշատակի Բեյրութի պայթյունի զոհերի

Բեյրութի պայթյունից զոհված հայերի թիվը հասել է 11-ի. հայտնի են նրանց անունները

0
(Թարմացված է 11:43 06.08.2020)
Բեյրութի նավահանգստում պայթյունի հետևանքով զոհերի և տուժածների թիվը շարունակում է աճել:

Երևան, 6 Օգոստոս-Sputnik. Բեյրութում տեղի ունեցած հզոր պայթյունի հետևանքով զոհվածների թիվը հասել է 11-ի ։ Այս մասին հայտնում է Բերիայի (Հալեպի) հայ համայնքի Facebook-ի էջը:

Աղբյուրը հրապարակել է ողբերգական պատահարի զոհերի անունները ՝ Թելիա Կետիկյան-Հակոբյան, Ջեսիկա Բեզջյան, Շանթ Հակոբյան, Նիզար Նաջարյան, Անահիտ Բերբերյան, Ժակ Փարամակյան, Ալիս Պալյան-Դեղիրմեջյան, Լիզա Գավուկջյան, Կայյա Ֆուտուլյան և Վարուժան Թոսունյան: Նշվում է, որ պայթյունից տուժել են մոտ 250 հայեր։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով ավելի քան 100 մարդ է մահացել, ավելի քան 4 հազարը` տուժել: Մահացածների թվում նաև 6 հայ կա, ևս հարյուր հայեր վնասվածքներ են ստացել։

Հայաստանը Լիբանանին կարող է օգնել շարժական հիվանդանոցների տեղակայման հարցում․ Գանդահարյան

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա:

Վերջին 40 տարվա ցնցումներից այդքան վնաս չէինք կրել, ինչքան այս պայթյունից․ Հավաթյան

 

 

0
թեգերը:
պայթյուն, Բեյրութ, Հայաստան
թեմա:
Պայթյուն Բեյրութում
Ըստ թեմայի
Բեյրութում պայթած քիմիական նյութը քաղցկեղածին չէ. ո՞ր դեպքում այն կարող է վտանգավոր լինել
Բեյրութի պայթյունն ու մեծ քաղաքականությունը. որքանով է հավանական ահաբեկչության վարկածը
Սերժ Սարգսյանը զրուցել է Արամ Ա կաթողիկոսի հետ և խոստացել աջակցել բեյրութցիներին
Պայթյունի հետևանքով ավերված Բեյրութի սարսափելի կադրերը դրոնից. տեսանյութ